CamNews

ព័ត៌មានអន្តរជាតិ ៖ ខ្សែអាថ៍វីដេអូ ដែលបានថតជាប់ដោយប្រព័ន្ធកាម៉េរ៉ា បំពាក់នៅលើមួកសុវត្ថិភាព របស់ក្រុមបុគ្គលិកជួយសង្គ្រោះ នៅឯកន្លែងធ្លាក់យន្តហោះ កាលពីពេលកន្លងទៅ នៅក្នុងអាកាស យានដ្ឋានអន្តរជាតិ San Francisco បានបង្ហាញអោយដឹងថា ក្រុមជួយសង្គ្រោះ ពិតជាបានឃើញជន រងគ្រោះម្នាក់នៅនឹងដី ពិតប្រាកដមែន មុនពេលដែលនាង ត្រូវបានស្លាប់បាត់បង់ជីវិត ដោយសារតែ រថយន្តសង្គ្រោះបន្ទាន់ បើកកិនពីលើបន្ថែមទៀត ក្រោយពីនាងបានជួបនឹងឧបទ្ទេវហេតុធ្លាក់យន្ត ហោះ នេះបើយោងតាមការដកស្រង់អត្ថបទផ្សាយ ពីគេហទំព័រ សារព័ត៌មាន បរទេស ស្កាយ ។

គួរបញ្ជាក់ផងដែរថា ខ្សែអាថ៍វីដេអូនេះ បានបង្ហាញអោយឃើញ ពីព្រឹត្តិការណ៍ ដ៏គួរអោយរន្ធត់ ក្រោយ ពីមានករណីធ្លាក់យន្តហោះ Asiana Airlines Flight 214 កាលពីថ្ងៃទី ៦ កក្កដា កន្លងទៅនេះ នៅឯអា កាសយានដ្ឋាន អន្តរជាតិ San Francisco International Airport ។ គួររំឭកផងដែរថា ខ្សែអាថ៍វីដេអូ នេះទើបតែទទួលបាន ពីមនុស្សម្នាក់ ដែលមានទំនាក់ទំនងជិតស្និទ្ធ ជាមួយនឹង គ្រួសារនៃសព នាង Ye Mengyuan មានវ័យ ១៦ ឆ្នាំ ស្លាប់ដោយសារតែ រថយន្តកិន ក្រោយពី នាងជួបឧបទ្ទេវហេតុ ធ្លាក់ យន្តហោះ ។

ប្រភពដដែលបន្តថា ក្រោយពីមានការប្រកាសអាសន្ន មានរថយន្តពន្លត់អគ្គីភ័យជាច្រើន បានបើក​ សំដៅមកកន្លែងកើតហេតុ បំណងធ្វើការសង្គ្រោះ តែដឹងអីថា នៅក្នុងខ្សែអាថ៍វីដេអូ ពោលគឺ រយៈពេល ១៥ នាទីក្រោយមក គេឃើញមាន រថយន្តពន្លត់អគ្គីភ័យ ដែលជាភ្នាក់ងារ សង្គ្រោះបន្ទាន់ បើកកិន នាងរហូតបណ្តាលអោយនាងស្លាប់ តែនៅត្រង់ចំនុចនេះ សកម្មភាព មិនត្រូវបានគេនាំយក មកចាក់ ផ្សាយនោះទេ ។

ជារួម ជាមួយនឹងសោកនាដកម្ម មួយនេះ កាលពីអតីតកាល កន្លងទៅ បានបណ្តាលអោយមានភាព ភ្ញាក់ផ្អើល នៅទូទាំងសកលលោក ពោលគឺ នៅថ្ងៃទី ៦ ខែកក្កដា ផ្ទាល់តែម្តង ដោយនៅក្នុងនោះ បាន បណ្តាលអោយមនុស្ស ៣ នាក់ស្លាប់បាត់បង់ជីវិត ។ ខាងក្រោមជាវីដេអូ ជ្រាបកាន់តែច្បាស់ តាមដាន ទស្សនា បន្តិចទៅ ៖

ប្រែសម្រួល ៖ កុសល
ប្រភព ៖ ស្កាយ