សំណុំរឿងលោក សុខ ប៊ុន ប្រើហិង្សាលើតារាស៊ិចស៊ី សាសា លើកមកជំនុំជម្រះនៅព្រឹកនេះ
(ភ្នំពេញ)៖ សំណុំរឿងលោក សុខ ប៊ុន ធ្លាប់មានងារជាឧកញ៉ា ប្រើហិង្សាវាយតប់លើតារាសាច់សខ្ចីស៊ិចស៊ី កញ្ញា ឯក សុជាតា ហៅសាសា ដែល ជាសំណុំរឿងដ៏រញ្ជួយកាលពីឆ្នាំ២០១៥ សាលាដំបូងរាជធានីភ្នំពេញ នឹងលើកយកមកជំនុំជម្រះនៅព្រឹកថ្ងៃទី២៦ ខែមករា ឆ្នាំ២០១៦នេះ។
លោក ពុធ ធាវី មេធាវីការពារក្តីឲ្យកញ្ញា សាសា បានប្រាប់ Fresh News នៅថ្ងៃទី២៥ ខែមករា ថា កូនក្តីរបស់លោក គឺកញ្ញា សាសា នឹងអញ្ជើញចូលរួមនៅក្នុងសវនាការ។ លោក ពុធ ធាវី មិនទាន់អាចបញ្ជាក់ពីការទាមទារសំណង ឬយ៉ាងណានោះទេ គ្រាន់តែបង្ហើបថា មានការប្រែប្រួល។
សូមបញ្ជាក់ថា កាលពីយប់ថ្ងៃទី០២ ខែកក្កដា ឆ្នាំ២០១៥ ដោយសារតែភាពជោកជាំនៃគ្រឿងស្រវឹងលោក សុខ ប៊ុន និងកញ្ញា សាសា បានផ្ទុះជម្លោះពាក្យសម្តី រហូតឈានដល់ការប្រើហិង្សាវាយទាត់ធាក់យ៉ាងធ្ងន់ធ្ងរ។
បន្ទាប់ពីការព្យាយាមរត់គេចខ្លួនអស់ជាច្រើនថ្ងៃ លោក ស៊ុន ប៊ុន ក៏បានចូលខ្លួនទទួលទោសតាមការអំពាវនាវរបស់នាយករដ្ឋមន្រ្តីកម្ពុជា សម្តេចតេជោ ហ៊ុន សែន។ លោក សុខ ប៊ុន ត្រូវបានតុលាការចេញដីកាឃុំខ្លួនបណ្តោះអាសន្ននៅពន្ធនាគារ កាលពីថ្ងៃទី១៨ ខែកក្កដា ឆ្នាំ២០១៥ ដោយចោទពីបទ «ប្រើអំពើហិង្សាដោយចេតនាមានស្ថានទម្ងន់»។
ជម្លោះរហូតកើតហិង្សានេះ កញ្ញា សាសា មិនបានទាមទារសំណងអ្វីទាំងអស់ ដោយសុំត្រឹមឲ្យតុលាការផ្តន្ទាទោសឧកញ៉ា សុខ ប៊ុន ទៅតាមច្បាប់។
សំណុំរឿងហិង្សាមួយនេះ បានធ្វើកេរ្តិ៍ឈ្មោះ របស់លោក សុខ ប៊ុន ត្រូវបានអសោច បាត់បង់ងារជាឧកញ៉ា និងតួនាទីនៅក្នុងមុខជំនួញ របស់លោកជាច្រើនផ្សេងទៀត។
សូមបញ្ជាក់ផងដែរថា បច្ចុប្បន្ន កញ្ញា សាសា កំពុងបើកហាងដ៏ធំមួយនៅក្នុងទីក្រុងសៀមរាបអង្គរ៕
ផ្ដល់សិទ្ធដោយ៖ ហ្វ្រេសញ៉ូវអាស៊ី
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)