CamNews

ស្វែងរកកំរិតខ្ពស់
ព័ត៌មានអន្តរជាតិ 

Hot news, ភារវករដែលបើករថយន្ត បុកហ្វូងមនុស្សស្លាប់១២នាក់នោះ ត្រូវប៉ូលីសបាញ់សម្លាប់ហើយ

(រ៉ូម)៖ ជនសង្ស័យជាអ្នកបើកបររថយន្ដកាមីញ៉ុង បំបុកសម្លាប់មនុស្ស១២នាក់ និងរបួស៤៨នាក់ នៅទីផ្សារណូអ៊ែលក្នុងទីក្រុងប៊ែរឡាំង កាលពីថ្ងៃចន្ទ កន្លងទៅ ត្រូវបានប៉ូលិសអ៊ីតាលីបាញ់សម្លាប់ហើយ នៅថ្ងៃសុក្រនេះ។ នេះបើតាមការអះអាងរបស់ប៉ូលិសអ៊ីតាលី ដែលចេញផ្សាយដោយទីភ្នាក់ងារសារព័ត៌មាន Reu​ters នៅ យប់ថ្ងៃសុក្រ ទី២៣ ខែធ្នូ ឆ្នាំ២០១៦។



បុរសឈ្មោះ ​អានីស អាំរី (Anis​ Amri)​ ជាជនជាតិទុយនីស៊ីមានអាយុ ២៤ឆ្នាំត្រូវបានប៉ូលិសអាល្លឺម៉ង់ចោទប្រកាន់ថា ជាភេរវករដែលបាន​វាយប្រហារភេរវកម្មនៅក្នុងទីក្រុងប៊ែរឡាំង ខណៈក្រុម ISIS​ ក៏បានចេញមុខអះអាងទទួលខុសត្រូវផងដែរ ដោយបញ្ជាក់ថា អានីស គឺជាសមាជិកក្រុមអ្នកប្រយុទ្ធរបស់ខ្លួន។​ ដោយឡែកបើតាមប៉ូលិសអ៊ីតាលី ជនសង្ស័យរូបនេះត្រូវបានបាញ់សម្លាប់នៅឯប៉ុស្តិ៍ត្រួតពិនិត្យមួយកន្លែង ក្នុងទីក្រុង Milan នៅម៉ោងប្រមាណជា ៣៖០០នាទីទៀបភ្លឺ (ម៉ោងនៅក្នុងប្រទេសអ៊ីតាលី) ​បន្ទាប់ពីរូបគេបានបាញ់តបតជាមួយប៉ូលិស។




គួរបញ្ជាក់ថា ប៉ូលិសអាល្លឺម៉ង់ បានចេញសេចក្ដីប្រកាសតាមចាប់ខ្លួន អានីស អាំរី កាលពីថ្ងៃពុធ កន្លងទៅ តាមរយៈការផ្ដល់ប្រាក់រង្វាន់ ១០៤,០០០ ដុល្លារ ចំពោះការផ្ដល់ព័ត៌មានទាំងឡាយណា ដែលឈានដល់ការចាប់ខ្លួនអានីស៕




ប្រភព ៖ ប៊ីប៊ីស៊ី/Reu​ters 


Tags: US,  China,  Hong Kong,  Pentagon,  Int news,  Hot news, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......