សិប្បកម្មកាត់ដេរសម្លៀកបំពាក់ សម្រាប់អ្នកមានអំណាច បំផុត នៅអាមេរិក យកគុណភាពជាចម្បង
រោងចក្រកាត់ដែរបែបសិប្បកម្ម Martin Greenfield Clothiers មានទីតាំងពីក្នុងតំបន់ Brookkyn
សហរដ្ឋអាមេរិក មានភាពល្បីល្បាញជាខ្លាំង ដោយសារតែឈុតអាវធំ suits នៅទីនេះ ត្រូវបាន
ធ្វើឡើងទាំងស្រុង ដោយដៃ។
ប្រការដែលគួរនិយាយ នោះគឺថា បើទោះជាមានគូប្រជែងច្រើន ទាំងមកពីបរទេស ទាំងនៅក្នុង
ទឹកដីអាមេរិក ហើយតម្លៃនៃឈុតអាវធំរបស់បណ្ដាក្រុមហ៊ុនទាំងនោះ ក៏មានសមត្ថភាពប្រកួត
ប្រជែងខ្ពស់ ប៉ុន្ដែ សម្លៀកបំពាក់ដែលមានផ្លាក Martin Greenfield Clothiers នៅតែមានការពេញ
និយមច្រើន ពិសេសគឺក្រុមមេដឹកនាំ ក៏ដូចជាតារាសិល្បៈល្បីឈ្មោះ។ បច្ចុប្បន្ន រោងចក្រនេះ
កំពុងតែក្ដោបក្ដាប់នូវចំណែកទីផ្សារ ចំនួន ៣% នៅទូទាំងអាមេរិក។
បណ្ដាភ្ញៀវ VIP របស់រោងចក្រ Martin Greenfield Clothiers នេះ ក៏មានឈ្មោះ លោក Barack
Obama (ប្រធានាធិបតីបច្ចុប្បន្នរបស់ អាមេរិក) លោក Bill Clinton អតីតប្រធានាធិបតីអាមេរិក
និង លោក Michael Bloomberg អតីតអភិបាលក្រុង New York ឬ តារាសម្ដែង Leonardo
DiCaprio ។ល។
Martin Greenfield គឺជាអ្នកស្ថាបនិករបស់ Martin Greenfield Clothiers ដែលមានឈ្មោះឡើងក្នុងឆ្នាំ
១៩៤៧ ។ មកដល់បច្ចុប្បន្ន រោងចក្រនេះ មានអាយុកាល ៦០ឆ្នាំ និងមានបុគ្គលិក និងកម្មករ កម្មកា
រិនី ជាង ១០០នាក់។
រាល់ឈុតអាវធំនិមួយៗ សុទ្ធតែត្រូវបានកាត់ដេរយ៉ាងផ្ចិតផ្ចង់បំផុត ដូច្នេះ ដើម្បីបង្កើតបានសម្លៀក
បំពាក់ខោអាវធំមួយឈុត គេត្រូវចំណាយពេលដល់ទៅ ១៦ម៉ោងជាបន្តបន្ទាប់ ក្នុងនោះត្រូវឆ្លងកាត់
ចំនួន ១០៨ ដំណាក់កាល។ ទាំងអស់នេះ ភាគច្រើន ត្រូវបានធ្វើឡើងដោយដៃមនុស្ស។
ក្នុងដំណាក់កាលនៃការផលិតនិមួយៗ ត្រូវបានគេធ្វើឡើងនៅក្នុងបន្ទប់ដាច់ដោយឡែកៗ និង
មានជាងកាត់ដេរដ៏ចំណានៗ។
កម្មករម្នាក់នេះ បានតស៊ូជាមួយសិប្បកម្មនេះ អស់រយៈពេល ២៩ឆ្នាំមកហើយ។ ក្នុងរូបថតនេះ
គាត់កំពុងអ៊ុតបង្កើតភ្លីអាវធំ ដែលដំណាក់កាលនេះ នៅក្នុងរោងចក្រភាគច្រើន ត្រូវបានគេបោះ
បង់ចោល។
គោលបំណងនៃដំណាក់កាលខាងលើ ដែលត្រូវបានគេធ្វើឡើងយ៉ាងយកចិត្តទុកដាក់ និងផ្ចិតផ្ចង់ គឺដើម្បីបង្កើតបាននូវគុណភាពល្អឯកបំផុត ហើយវាគឺជាកត្តាសំខាន់ ជួយឱ្យរោងចក្រសិប្បកម្មនេះ យកឈ្នះលើបណ្ដារោងចក្រដទៃ ហើយទាក់ទាញបានការចាប់អារម្មណ៍របស់បណ្ដាមេដឹកនាំ ដែល
មាន អំណាចបំផុត នៅអាមេរិក។
ការយល់ឃើញរបស់ម្ចាស់រោងចក្រនេះ គឺ ៖ “មិនមានមនុស្សណាដែលដូចគ្នាទាំងស្រុងនោះ
ទេ។ ដូច្នេះ ខ្ញុំតែងតែជម្រុញឱ្យបណ្ដាជាងដេររបស់ខ្ញុំ បង្កើតនូវឈុតខោអាវធំ ដែលមានភាព
សមល្មម តាំងពីចំនុចល្អិតបំផុត”។
Martin Greenfield Clothiers ក៏ទទួលកាត់ដេរសម្លៀកបំពាក់ លក្ខណៈឯកជនផងដែរ ហើយ
ដោយសារតែយកកត្តាមនុស្សធ្វើជាសំខាន់ ដូច្នេះ រោងចក្រនេះ ហើយអាចលើយតបទៅនឹង
រាល់ការស្នើ របស់អតិថិជនម្នាក់ៗ ដូចជាវាស់ទំហំរូបរាង និងស្ទីលខុសគ្នារបស់អតិថិជន។
កត្តាខាងលើ ជួយឱ្យ Martin Greenfield Clothiers ទទួលបានចំណាប់អារម្មណ៍ពីក្រុមមេដឹកនាំនានា
របស់អាមេរិក ក្នុងនោះមានដូចជា លោក Barack Obama (ប្រធានាធិបតីបច្ចុប្បន្នរបស់ អាមេរិក)
លោក Bill Clinton អតីតប្រធានាធិបតីអាមេរិក និង លោក Michael Bloomberg អតីតអភិបាលក្រុង
New York ឬ តារាសម្ដែង Leonardo DiCaprio ។ល។
ព្រោះតែគុណភាពល្អឯក ដូច្នេះ អាវខោធំ (suits) មួយឈុត ក៏មានតម្លៃមិនទាបនោះដែរ គឺប្រហែល
២.៥០០ដុល្លារអាមេរិក។ បច្ចុប្បន្ន តាមការចែករំលែករបស់ស្ថានិករោងចក្រ លោក Martin ឱ្យដឹងថា
តម្លៃនេះ ត្រូវបានបញ្ជុះមកទាប ដោយសារតែរោងចក្រ មិនចាំបាច់ចំណាយច្រើនទៅលើការឃោស
នា និងការបម្ថែមម៉ោងធ្វើការ។
ប៉ុន្ដែ លោក Martin ថ្លែងថា រោងចក្រគោរពយ៉ាងដាច់ខាត ទៅលើកត្តាគុណភាព និងតម្លៃរបស់
ផលិតផល ហើយពួកគេមិនយកចិត្តទុកដាក់ក្នុងការព្យាយាមបញ្ចុះតម្លៃ។
បច្ចុប្បន្ន ថ្វីបើលោក Martin មានអាយុដល់ទៅ ៨៦ឆ្នាំហើយក្ដី លោក នៅតែធ្វើការ ៦ថ្ងៃ ក្នុងមួយ
សប្ដាហ៍ និងចូលរួមធ្វើដោយផ្ទាល់ដៃ ក្នុងដំណាក់កាលសំខាន់ៗមួយចំនួន។
អាថ៌កំបាំងនៃជោគជ័យ គឺស្ថិតនៅត្រង់គុណភាព និងតម្លៃពិតរបស់ផលិតផលនិមួយៗ
បណ្ដាអាវធំដែលបានក្លាយជាផលិតផលសម្រេច។
បុគ្គលិកម្នាក់ កំពុងតែវាស់ទំហំរូបរាងរបស់ភ្ញៀវម្នាក់ ដើម្បីកាត់សម្លៀក ឱ្យសមល្មមបំផុត។
រូបថតរបស់លោក Martin Greenfield ជាមួយនឹងមេដឹកនាំនានារបស់អាមេរិក ក្នុងនោះ មានអតីត
ប្រធានាធិបតីអាមេរិក លោក Bill Clinton ។
ប្រែសម្រួលដោយ ៖ តារា
ប្រភព ៖ BusinessInsider
- ដល់កហើយ ! លោក Trump អះអាងថា នឹងចាប់លោកស្រី Hillary Clinton ដាក់គុក បើសិនលោកជាប់ឆ្នោត ជាប្រធានាធិបតី (10/10/2016 16:28:00)
- Justin Bieber នោមក្រៅបន្ទប់ទឹក និង ប្រើពាក្យមិនសមរម្យដាក់ រូបរបស់លោក Bill Clinton (មានវីដេអូ) (11/07/2013 10:11:00)
- Bill Clinton ថតរូបជាមួយតារាភាពយន្ដ១៨+ (28/05/2012 09:53:00)
ជីវិត និងការងារ ដែលមើលច្រើន
