Sunderland បណ្តេញកីឡាករ Johnson ចេញពីក្លឹប ដោយសារករណីរំលោភអនីតិជន
(ក្រុងឡុងដ៍)៖ កីឡាករខ្សែបម្រើប្រយុទ្ធជួរមុខ Adam Johnson ត្រូវបានក្លឹបឆ្មាខ្មៅ Sunderland បណ្តេញចេញពីក្លឹបមិនដល់១ម៉ោងផង ដោយ សារជាប់ពាក់ព័ន្ធនឹងករណីរំលោភសេពសន្ថវៈលើអនីតិជននាពេលថ្មីៗនេះ ។
សារព័ត៌មានក្នុងស្រុក BBC របស់អង់គ្លេសបានផ្សាយថា កីឡាករវ័យ២៨ឆ្នាំ ក្នុងក្រុមជម្រើសជាតិអង់គ្លេសផងដែរនោះ ត្រូវបានគេប្តឹងចំនួន២ ករណីគឺទី១ ពីបទរំលោភសេពសន្ថវៈអនីតិជន (មិនទាន់គ្រប់អាយុ) និងទី២ គឺករណីប្រុស និងប្រុសដូចគ្នា ដែលក្លឹបលេងនៅ Premier League ខាងលើបានសម្រេចរំលាយកិច្ចសន្យាជាផ្លូវការហើយ គ្រាដែល ក្រុមហ៊ុនផលិតសម្ភារៈកីឡា Adidas របស់អាល្លឺម៉ង់ ក៏សម្រេចលុបចោលកិច្ចសន្យាឧបត្ថម្ភអាវដល់កីឡាករខ្សែបម្រើ នេះដូចគ្នា ។
យ៉ាងណាមិញ Adam Johnson នឹងត្រូវឡើងតុលាការនៅរសៀលថ្ងៃសុក្រ ទី១២ ខែកុម្ភះនេះផងដែរ ដើម្បីបំភ្លឺករណី ចោទប្រកាន់ទាំងពីរខាងលើ បើទោះបីជាគាត់ប្រកែកបដិសេធថាមិនបានធ្វើយ៉ាងណាក៏ដោយ ការវិនិច្ឆ័យទោសរបស់ Adam Johnson នឹងត្រូវធ្វើឡើងនៅឯតុលាការ Bradford Crown Court ក្នុងរយៈពេល២ខាងមុខ ។
Adam Johnson បានចូលលេងក្នុងក្លឹប Sunderland បាន២០ប្រកួតដែរក្នុងរដូវកាលឆ្នាំ២០១៥-២០១៦ ដោយស៊ុតបញ្ចូលទីបានតែ២គ្រាប់ ប៉ុណ្ណោះ ការទទួលក្រុមភ្ញៀវ Manchester United ថ្ងៃសៅរ៍ស្អែកនេះលែងមានរូបគេ ទៀតហើយ ៕
ផ្តល់សិទ្ធដោយ ៖ ហ្វ្រេសញូវអាស៊ី
- កីឡាករ Johnson ប្រឈមជាប់ពន្ធនាគារ ១៤ឆ្នាំ ប្រសិនបើរកឃើញថា បានរំលោភអនីតិជន មែននោះ (Video) (20/02/2016 09:20:00)
- មនុស្សយន្ដថ្មីរបស់ណាសា នឹងទៅជាន់ភពអង្គារ មុនមនុស្សទៅដល់ (17/12/2013 15:49:07)
- ប្រាក់ខែ ៥ពាន់ដុល្លារ ដោយគ្រាន់តែដេក នៅលើគ្រែ (23/09/2013 11:45:00)
កីឡា ដែលមើលច្រើន
