កំសាន្ត ៖ កំពូលតារាសម្តែងថៃ នាង Chompoo araya បានសម្រាលកូនភ្លោះទាំងពីរ កាលពីថ្ងៃទី ០៦ ខែកញ្ញា ហើយនៅថ្ងៃទី ០៩ ខែកញ្ញា កន្លងទៅនេះ ប្តីប្រពន្ធមួយគូនេះ ក៏បានដឹងដៃគ្នាទៅធ្វើសន្និសិទ្ធកាសែត នៅក្នុងមន្ទីរពេទ្យដែលនាងបានសម្រាលតែម្តង ។
នៅក្នុងកិច្ចសម្ភាស៍នោះ តារាស្រីវ័យ ៣៦ ឆ្នាំ បានលើកឡើងពីមូលហេតុដែលដាក់ឈ្មោះឲ្យកូនប្រុសទាំងពីរបស់ខ្លួនថា Thunder និង Storm ។ Thunder មានន័យថា ផ្គរលាន់ ដែលជាឈ្មោះមានឥទ្ធិពលមួយ ហើយដើម្បីឲ្យឈ្មោះសុីគ្នាជាមួយបងប្រុសក៏ដាក់ឈ្មោះថា Storm មានន័យថា ព្យុះ ។
អ្វីដែលធ្វើឲ្យអ្នកកាសែតកាន់តែភ្ញាក់ផ្អើលនោះគឺ តួស្រីក្នុងរឿង "មន្តស្នេហ៍កាមាទេព" និងស្វាមីគឺ លោក Nott Witsarut Rungsisingpipat បានបន្តទៀតថា មុនពេលវះកាត់ នាង Chompoo araya ហាក់មិនភ័យខ្លាចអ្វីនោះទេ ផ្ទុយទៅវិញបែរជាសប្បាយរីករាយ មុនពេលបានឃើញមុខកូនទៅទៀត រីឯស្វាមីរបស់នាងវិញ ញញឹមបិទមាត់មិនជិតទេ ក្រោយបានឃើញកូនភ្លោះទាំងពីរ ។
គួរបញ្ជាក់ឲ្យដឹងថា Thunder និង Storm ចាប់កំណើតមុននិងក្រោយគ្នា ត្រឹមតែមួយនាទីប៉ុណ្ណោះ ៕
ប្រែសម្រួល ៖ គន្ធា
ប្រភព ៖ sanook