ពាន HS-Cup រកឃើញក្រុមឡើងវគ្គ ១/៤ ផ្ដាច់ព្រ័ត្រ ៧ក្រុមជាបណ្ដោះអាសន្ន
(ភ្នំពេញ)៖ ពានរង្វាន់ Hun Sen Cup លើកទី១០ នឹងត្រូវសម្រាកការប្រកួតរយៈពេល ១សប្ដាហ៍ ដើម្បីឲ្យកីឡាករជាប់ជម្រើសជាតិមកពីក្លឹបនានា ធ្វើការប្រមូលផ្ដុំហ្វឹកហាត់ ខណៈការប្រកួតនឹងចាប់ផ្ដើមជាថ្មី នៅថ្ងៃទី៨ ខែមិថុនាខាងមុខ ។ ប៉ុន្ដែមុននឹងសម្រាកមានក្រុមមួយចំនួនធំហើយ ដែលទទួលបានកៅអីឡើងទៅវគ្គ ៨ក្រុមចុងក្រោយ ឬវគ្គ ១/៤ ផ្ដាច់ព្រ័ត្រនោះ ។
សម្រាប់ពូល A គឺមានក្រុមព្រះខ័នរាជស្វាយរៀង ដែលឈរកំពូលតារាងជាមួយ ១២ពិន្ទុ ដោយអស់ក្ដីបារម្ភ ទោះការប្រកួតនៅសល់១សប្ដាហ៍ទៀតក៏ដោយ ។ ប៉ុន្ដែក្រុម Cam-Tiger ឈរលេខ២ ដោយមាន១០ពពិន្ទុ មានសង្ឃឹម ៩៩%នៅឡើយ ព្រោះត្រូវជួបក្រុមព្រះខ័នរាជស្វាយរៀង នាសប្ដាហ៍ចុងក្រោយ គ្រាដែលខេត្តកំពង់ឆ្នាំង មាន៧ពិន្ទុជាគូប្រជែង ត្រូវការឈ្នះព្រះសីហនុ លើសពី៤០គ្រាប់ ដើម្បីទម្លាក់ Cam-Tiger ។
ដោយឡែកពូល B និង C បានរកឃើញក្រុមខ្លាំង ៤ក្រម ដែលទទួលបានកៅអីវគ្គ ១/៤ ផ្ដាច់ព្រ័ត្រហើយ ក្នុងនោះពូល B រួមមានក្រុមក្រសួងការពារជាតិ (លេខ១) និងក្រុមបឹងកេតអង្គរ (លេខ២) មាន១២ពិន្ទុស្មើគ្នា រីឯពូល D គឺភ្នំពេញក្រោន (លេខ១) និងលេខ២ ក្រុមមជ្ឈមណ្ឌលកំចាត់មីនកម្ពុជា ដែលមាន១២ពិន្ទុដូចគ្នា ។
ចំណែកពូល D វិញពេលនេះទើបរកឃើញក្រុមឡើងវគ្គបន្ដ ១ក្រុមប៉ុណ្ណោះ គឺក្រុមណាហ្គាវើល ដែលមាន១២ពិន្ទុ ។ ឯ ៣ក្រុមផ្សេងទៀត ត្រូវប្រជែងកៅអីលេខ២ នៅក្នុងការប្រកួតសប្ដាហ៍ចុងក្រោយ ខណៈបច្ចុប្បន្នក្រុមទាំង៣ មានពិន្ទុប្រកៀកប្រកិតគ្នា រួមមានក្រុមប៉ូលិសមាន៨ពិន្ទុ ក្រុមខេត្តសៀមរាប និងក្រុមខេត្តស្វាយរៀងមាន ៧ពិន្ទុស្មើគ្នា ។ ចំពោះការប្រកួតសប្ដាហ៍ចុងក្រោយ ក្រុមប៉ូលិស ប៉ះក្រុមណាហ្គាវើល ឯក្រុមខេត្តសៀមរាប ប៉ះក្រុមខេត្តស្វាយរៀង ។ ចាំមើលក្រុមណាឡើងវគ្គបន្ដជាមួយណាហ្គាវើល?
គួរបញ្ជាក់ផងដែរថា ការប្រកួតជម្រុះដំណាក់កាលទី២ នៃពានរង្វាន់ Hun Sen Cup រដូវកាលថ្មីនេះ គឺនៅសល់ការប្រកួត ១សប្ដាហ៍ទៀតគ្រប់ពូល ប៉ុន្ដែសម្រាប់ពូល B និងពូល C គឺគ្រាន់តែជាការប្រកួតបង្គ្រប់កិច្ចប៉ុណ្ណោះ ព្រោះគ្មានក្រុមណាអាចប្រជែងកៅអីក្រុមឈរកំពូលតារាងបានឡើយ ។ ចំណែកក្រុមពូល A និងពូល D គឺត្រូវមានការប្រជែងខ្លាំង ព្រោះក្រុមមួយចំនួន ត្រូវការឈ្នះដាច់ខាត ដើម្បីឡើងវគ្គ ១/៤ ផ្ដាច់ព្រ័ត្រ ៕
រូបពាន សម្តេចតេជោ ហ៊ុន សែន
ផ្តល់សិទ្ធិដោយ ៖ ខ្មែរថកឃីង
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាជាតិ ដែលមើលច្រើន
