CamNews

ស្វែងរកកំរិតខ្ពស់
ព័ត៌មានអន្តរជាតិ 

សភាកូរ៉េ បើកសវនាការរឿង លោកស្រី ផាក គឺហេ ទៅកែសម្ផស្ស​នៅ​អំឡុងពេល​គ្រោះ​មហន្តរាយ​ លិចសាឡង់​កាល​ពីឆ្នាំ

(​សេអ៊ូល)៖ សភាជាតិកូរ៉េខាងត្បូងនៅថ្ងៃពុធនេះ បានចាប់ផ្ដើមបើកកិច្ចប្រជុំជាលើកទី៣ ​នៃគណកម្មការ​ស៊ើបអង្កេតពិសេស​ក្នុងសំណុំរឿង​ពុករលួយ​​នយោបាយ និងការលូកដៃចូលក្នុងកិច្ចការរដ្ឋ​ពីសំណាក់​ស្រី្ត​ឈ្មោះ ឆយ ស៊ូនស៊ីល ដែលជាមិត្តដ៏​ជិតស្និទ្ធម្នាក់​របស់លោកស្រី ផាក គឺនហេ ប៉ុន្តែក្នុងពេល​ជាមួយគ្នា កិច្ចប្រជុំនេះ​​ក៏ផ្ដោតសំខាន់​​ផងដែរ​ពាក់ព័ន្ធនឹង​ ការចោទប្រកាន់​ដែលថាលោកស្រី ផាក បានទៅកែ​សម្ផស្ស អំឡុង​ពេលសាឡ​ង់ដឹក​អ្នកដំណើរ​ឈ្មោះ Sewol ក្រឡាប់​លិចកាលពីថ្ងៃទី១៦ ខែមេសា ឆ្នាំ២០១៤។ នេះបើតាមការចេញផ្សាយ​​ដោយទីភ្នាក់ងារសារព័ត៌មាន យ៉ុនហាប់ នៅព្រឹកថ្ងៃពុធ ទី១៤ ខែធ្នូ ឆ្នាំ២០១៦។

នារយៈពេលចុងក្រោយ​បន្ទាប់ពីរឿងអាស្រូវ ឆយ ស៊ូនស៊ីល បានផ្ទុះឡើងធ្វើឱ្យកក្រើក​ពេញ​កូរ៉េខាងត្បូង ពាក្យចរចាមអារ៉ាម​មួយ​ចំនួន​បានលើកឡើងថា លោកស្រី ផាក បានអវត្តមានដល់ទៅ ៧ម៉ោង​នៅក្នុង ការិយាល័យ​ដោយជាប់រវល់ទៅទទួលការ​ព្យាបាល និងកែសម្ផស្ស​នៅចំពេលសាឡង់ដឹក​អ្នកដំណើរ Sewol​​ ក្រឡប់លិច។

ទោះបីជាយ៉ាងណា​ការចោទប្រកាន់នេះ ត្រូវបានខាងមានប្រធានាធិបតី​​ច្រានចោល ប៉ុន្តែក៏មិនបាន​បញ្ជាក់​ឱ្យ​បានច្បាស់ដែរថា លោកស្រី ផាក ខ្លួនឯងផ្ទាល់បានទៅ​ធ្វើអី្វឱ្យប្រាកដនៅពេលនោះ។ ដោយឡែក ក្រុមសមាជិក​សភានឹងធ្វើការសាកសួរមនុស្សចំនួន ១៦នាក់ នៅថ្ងៃពុធនេះ​ក្នុងនោះរួមមានទាំងអតីត​មនុស្សជំនិត និងអ្នកជំនាញ​វេជ្ជសាស្ត្ររបស់​លោកស្រី ផាក គឺនហេ ផងដែរ។

គួររំលឹកថា​គ្រោះថ្នាក់លិចសាឡង់ Sewol កាលពីថ្ងៃទី១៦ ខែមេសា ឆ្នាំ២០១៤ បានផ្ដាច់យកអាយុ​ជីវិត​មនុស្ស ២៩៥នាក់ភាគច្រើនជាសិស្សវិទ្យាល័យ និង០៩នាក់ផ្សេងទៀតបានបាត់ខ្លួន៕



ផ្តល់សិទ្ធដោយ ៖ ហ្វ្រេសញូវអាស៊ី


Tags: South korea,  Busan,  Seoul,  Asia,  President,  Park Geun hye

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......