CamNews

ព័ត៌មានកីឡា៖ រឿងដែលជឿ​ជាក់ ខ្លាំងគឺលោក Pep Guardiola បានបដិសេធនឹងកិច្ចកុងត្រាថ្មីរបស់ក្លឹប Bayern Munich ហើយគ្រោងនឹងផ្ទេរការគ្រប់គ្រង មកកាន់ទឹកដីអង់គ្លេសវិញម្ដង ខណៈដែលគោលដៅសំខាន់ បំផុតតម្រង់មករកក្លឹប Man City ។ ស្របពេលនឹងគម្រោងនៃការធ្វើដំណើរ ចូលមកទឹកដីអង់​គ្លេសនេះផងដែរ ក៏នៅមានរឿងមួយ ស្ថិតក្នុងការសង្ស័យថា នឹងមានសមាសភាពកីឡាករ ៥រូបក៏អាចចូលរួមមកជាមួយគ្នាដែលពួកគេគឺ ៖ 

១. កីឡាករ Thiago Alcantara ខ្សែបម្រើជម្រើសជាតិ អេស្ប៉ាញ និងលេងឲ្យក្លឹប Bayern Munich។

២. កីឡាករ Kingsley Coman ខ្សែប្រយុទ្ធជម្រើសជាតិ បារាំង និងជាកីឡាករ ដែលក្លឹប Bayern Munich ខ្ចីជើងមកពីក្លឹប Juventus ។

៣. កីឡាករ Robert Lewandowski ខ្សែប្រយុទ្ធដ៏ឆ្នើមបំផុតរបស់ក្លឹប Bayern Munich ស្ថិតក្រោមការដឹកនាំរបស់លោក Pep Guardiola ដោយផ្ទាល់។ 

៤. កីឡាករ Aymeric Laporte ខ្សែការពារជម្រើសជាតិ​បារាំង លេងឲ្យក្លឹប Athletic Bilbao​ គឺជាមុខសញ្ញាយ៉ាងសំខាន់ ដែលលោក Pep Guardiola ចាប់អារម្មណ៍ ហើយទំនាក់ទំនងទីផ្សារ យូរមកហើយ។ 

៥. កីឡាករ Neymar ខ្សែប្រយុទ្ធជម្រើសជាតិ ប្រេស៊ីល និងលេងឲ្យក្លឹប Barcelona កំពុងតែឡើងប្រជា​ប្រិយភាពខ្លាំង ក៏ស្ថិតក្នុងមន្ទិលសង្ស័យ ថានឹងអាច Man City ក្ដាប់ឱកាស យកមកដឹកនាំផង ដែរ ប្រសិនជាលោក Pep Guardiola ពិតជាបានទៅគ្រប់គ្រងទីនោះ ។ បណ្ដាក្លឹប លើពិភពលោក គ្មានក្លឹប ណាមួយបឹទទ្វារ មិនស្វាគមន៍ខ្សែប្រយុទ្ធវ័យក្មេងនេះឡើយ ប្រសិនជាលទ្ធភាពគ្រប់គ្រាន់​មែននោះ ប៉ុន្ដែគួរឲ្យស្ដាយក្នុងបណ្ដាក្លឹបទាំងអស់​ជាពិសេស ក្នុងទឹកដីអង់គ្លេស គេមើលឃើញថា​មានក្លឹប ពីរដែលចាប់អារម្មណ៍ខ្លាំង ហើយក៏មានលទ្ធភាព អាចផ្ទេរបានផងដែរ គឺ បងប្អូន ត្រកួល Manchester ទាំងពីរនេះឯង ហើយតំណឹងកន្លងមករបស់ លោក Pep Guardiola គឺគាត់មានចំណាប់អារម្មណ៍នឹង សមត្ថភាពខ្សែប្រយុទ្ធវ័យក្មេងនេះ ។