អតីតបវរកញ្ញាចក្រវាល បង្ហោះរូបស្រើបស្រាល ជាមួយស្រី ដូចគ្នា
អតីតបវរកញ្ញាចក្រវាល និងជាបវរកញ្ញាឯករបស់អេស្ប៉ាញ នាង Patricia Yurena ទើបបាន
ទទួលស្គាល់នូវភេទពិតរបស់ខ្លួន។
បវរកញ្ញាឯករបស់ អេស្ប៉ាញ ឆ្នាំ ២០១៣ និងជាអតីតបវរកញ្ញាឯកទីពីរ នៃការប្រកួត បវរកញ្ញា
ចក្រវាល ឆ្នាំ ២០១៣ (Miss Universe 2013) នាង Patricia Yurena ថ្មីៗនេះ បានទទួលស្គាល់
អំពីភេទពិតរបស់ខ្លួន នៅលើទំព័រ Instagram ដោយបង្ហោះរូបភាពស្រើបស្រាលរបស់ខ្លួន ជា
មួយនារីម្នាក់។ នាងថែមទាំងបានសរសេរថា “Romeo និង Juliet” ។
Patricia Yurena តុបតែងខ្លួន និងធ្វើសក់ ដូចបុរស
ក្រោយពីការបង្ហោះរូបថត នៅលើបណ្ដាញសង្គម អ្នកលេងអ៊ីនធឺរណែត បានស្គាល់ថា នារី
ម្នាក់ដែលនៅក្នុងរូបថត ជាមួយនឹងអតីតបវរកញ្ញារូបនេះ នោះ គឺជាឌីចេ និងជាតារាចម្រៀង
ឈ្មោះ Vanesa Cortes ។
នៅចំពោះព័ត៌មានទាំងឡាយដែលបានចុះផ្សាយ Patricia Yurena បានទទួលស្គាល់ថា នាងគឺ
ជាមនុស្សស្រឡាញ់ភេទដូចគ្នា។ អតីតបវរកញ្ញារូបនេះ ថែមទាំងបានប្រាប់ថា ៖ “ខ្ញុំមិនមានការ
ស្ដាយក្រោយនោះទេ ចំពោះអ្វីដែលបានធ្វើ។ ខ្ញុំមានសុភមង្គលជាមួយនឹងអ្វីដែលបានកើតឡើង
ក្នុងជីវិតរបស់ខ្លួន។” ទំព័រ Daily Mail ឱ្យដឹងថា នេះគឺជាលើកទីមួយហើយ ដែលស្រីស្អាតម្នាក់ ធ្លាប់ដណ្ដើមបានជោគជ័យក្នុងការប្រកួតសម្រស់ និងក្លាយជាបវរកញ្ញា ទទួលស្គាល់ថា ខ្លួនជា
មនុស្សស្រឡាញ់ភេទដូចគ្នា។
បវរកញ្ញា Patricia Yurena Rodriguez (រូបខាងស្ដាំ)
គួររំលឹកថា Patricia Yurena Rodriguez គឺជាបវរកញ្ញាឯកទីពីរ នៃការប្រកួតបវរកញ្ញាចក្រវាល
ដែលបានប្រារព្ធឡើង កាលពីខែវិច្ឆិកា ឆ្នាំ ២០១៣ នៅ Moscow ប្រទេសរុស្ស៊ី។ សាធារណជន
និងអ្នកលេងអ៊ីនធឺរណែត បានបង្ហាញការគាំទ្រចំពោះការសម្រេចចិត្ត ទទួលស្គាល់ការពិតរបស់
Patricia Yurena ។
ប្រែសម្រួលដោយ ៖ តារា
ប្រភព ៖ Daily Mail
- ស្រីស្អាតថៃមួយចំនួនធំ មិនមានស្វាមី ហេតុអ្វី? (20/09/2012 16:26:00)
- អ្នកប្ដូរភេទលុតជង្គង់សុំភ្ជាប់ពាក្យក្នុងសេតវិមាន (20/06/2012 08:58:00)
- ចំអិនប្រដាប់ភេទរបស់ខ្លួនអោយភ្ញៀវបរិភោគ (28/05/2012 15:02:00)
- ខ្ទើយជួបជុំគ្នានៅជប៉ុន (30/04/2012 14:31:00)
តារា ដែលមើលច្រើន
