អ្នកទោសទាំងឡាយដែលជាប់ក្នុងពន្ធនាគារនៅកូរ៉េខាងជើង ត្រូវបានឆ្មាំគុកធ្វើទារុណកម្មយ៉ាង
ព្រៃផ្សៃ រហូតមានអ្នកទោសជាច្រើន បានស្លាប់ នេះបើតាមការឱ្យដឹងពីអតីតអ្នកទោសមួយចំនួន
ដែលរត់រួចពីគុក ក៏ដូចជាពីប្រទេសកូរ៉េខាងជើង។
ម្នាក់ក្នុងចំណោមអតីតទាហានរបស់កូរ៉េខាងជើង ថ្មីៗនេះ បានអធិប្បាយថា អ្នកដែលត្រូវបានចាប់
ខ្លួន ត្រូវគេស្នើឱ្យជីករណ្ដៅសម្រាប់ខ្លួនឯង ហើយក្រោយមកក៏ត្រូវបានសម្លាប់ដោយក្រុមឆ្មាំគុក
ដោយវិធីវាយនឹងពូថៅ ទៅលើបំពង់ក។ ជាងនេះ អតីតទាហានខាងលើ ក៏ថែមទាំងបានឃើញនឹងភ្នែកនូវសកម្មភាពផ្សេងៗដែលក្រុមឆ្មាំគុក បានប្រព្រឹត ក្នុងនោះមានដូចជា ច្របាច់ក និងប្រើដំបង
វាយរហូតដល់ស្លាប់។ ចំណែកអ្នកទោសជាស្ដ្រីភេទវិញ បន្ទាប់ពីត្រូវចាប់រំលោភ ពួកនាងក៏តែងតែ
បាត់ខ្លួន។
អង្គការលើកលែងទោសអន្ដរជាតិ ធ្លាប់បានសម្ភាសជាមួយ Kim Young Soon ដែលជាអតីតអ្នក
ទោសរបស់ពន្ធនាគារមួយនៅប្រទេសកូរ៉េខាងជើង។ អ្នកស្រីថ្លែងថា ៖ “មានអ្នកទោសពីរនាក់
ត្រូវបានឃាត់ខ្លួន ពេលកំពុងរត់ចេញពីគុក ហើយពួកគេត្រូវបានមន្ដ្រីពន្ធនាគារ ប្រហារជីវិត។
ដំបូង អ្នកទោសត្រូវបានធ្វើទារុណកម្មរហូតជិតនឹងស្លាប់ នៅទីសាធារណៈ ដើម្បីឱ្យប្រជាជនមើល
ក្រោយមកក៏ត្រូវបាញ់ចំក្បាល ៣គ្រាប់ និងចំជើង ៣គ្រាប់ រហូតដល់ដេកដួលក្នុងថ្លុកឈាម
ហើយក៏ត្រូវបានគេអូសចេញ”។
អ្នកស្រី Kim Young Soon បានឆ្លងកាត់រយៈពេល ៩ឆ្នាំ ក្នុងគុក Yodok ។ ពុកម្ដាយ និងកូន ៤នាក់
របស់អ្នកស្រី ដែលបានជាប់គុកជាមួយអ្នកស្រី សុទ្ធតែត្រូវស្លាប់ក្នុងគុកនេះ។
រូបភាពថតដោយផ្កាយរណប បង្ហាញពីពន្ធនាគារ Yodok នៅកូរ៉េខាងជើង។ តាមការស្រាវជ្រាវ
អ្នកទោសប្រមាណជា ២០០,០០០នាក់ កំពុងជាប់ឃុំនៅទីនេះ។
អ្នកស្រី Kim Young Soon បន្ដថា ៖ “ពេលពុកម្ដាយរបស់ខ្ញុំបានស្លាប់ ខ្ញុំមិនមានក្ដារមឈូសសម្រាប់
បញ្ចុះសពពួកគាត់នោះទេ គឺខ្ញុំត្រូវរុំចម្បើង ហើយយកទៅកប់។ សូម្បីតែកូនៗរបស់ខ្ញុំ ក៏ស្លាប់។
គ្រួសាររបស់ខ្ញុំ ស្លាប់ទាំងអស់”។
ចំណែកអតីតមន្ដ្រីសន្ដិសុខ នៅមន្ទីរឃុំឃាំង ១៦ ចាប់ពីឆ្នាំ ១៩៨០ ដល់ពាក់កណ្ដាលឆ្នាំ ១៩៩០
ក៏បានបង្ហើបឱ្យដឹងអំពីវិធីដ៏ព្រៃផ្សៃ ដែលក្រុមអ្នកយាមគុក ប្រើប្រាស់ដើម្បីធ្វើទារុណកម្មដល់អ្នក
ទោស។
អតីតសន្ដិសុខរូបនេះ បន្ដថា អ្នកទោសដែលត្រូវបានចាប់ខ្លួន ត្រូវគេបញ្ជាឱ្យជីករណ្ដៅសម្រាប់
ខ្លួនឯង ហើយក្រោយមកក៏ត្រូវបានសម្លាប់ដោយក្រុមឆ្មាំគុក ដោយវិធីវាយនឹងពូថៅ ទៅលើបំពង់
ក។ ជាងនេះ អតីតទាហានខាងលើ ក៏ថែមទាំងបានឃើញនឹងភ្នែកនូវសកម្មភាពផ្សេងៗដែលក្រុម
ឆ្មាំគុក ប្រព្រឹត ក្នុងនោះមានដូចជា ច្របាច់ក និងប្រើដំបង វាយរហូតដល់ស្លាប់។ ចំណែកអ្នក
ទោសជាស្ដ្រីភេទវិញ បន្ទាប់ពីត្រូវចាប់រំលោភ ពួកនាងក៏តែងតែបាត់ខ្លួន។
ចំពោះស្ដ្រីដែលកំពុងមានផ្ទៃពោះ នៅពេលត្រូវបានបញ្ជូនមកដល់ពន្ធនាគារ គឺសុទ្ធតែត្រូវពលកម្ម
យ៉ាងលំបាក និងត្រូវបញ្ជាឱ្យរត់អូសរទេះធ្ងន់ៗ ដើម្បីរំលូតកូន។ អ្នកទោសទាំងអស់ ត្រូវចេញធ្វើ
ពលកម្ម ចាប់ពីម៉ោង ៤ កន្លះ រហូតដល់យប់ ហើយក្រោយមក ត្រូវចូលប្រជុំ រហូតទៅដល់ពាក់
កណ្ដាលយប់។
អតីតអ្នកទោសម្នាក់ និយាយថា ស្ដ្រីមានផ្ទៃពោះ ត្រូវបង្ខំឱ្យធ្វើការធ្ងន់ ដើម្បីរំលូតកូន។
អង្គការលើកលែងទោសអន្ដរជាតិ បានផ្ញើរបាយការណ៍ ទៅកាន់អង្គការសហប្រជាជាតិ ដើម្បីស្នើឱ្យមានការពិនិត្យឡើងវិញនូវបញ្ហាសិទ្ធិមនុស្ស នៅកូរ៉េខាងជើង។ ភាគីកូរ៉េខាងជើង បាន
បដិសេធការចោទប្រកាន់នេះ និងមិនព្រមសហការណ៍។ យ៉ាងនេះក្ដី របាយការណ៍ពេញលេញ
របស់អង្គការសហប្រជាជាតិ នឹងមាននៅក្នុងខែមិនាខាងមុខ៕
ប្រែសម្រួលដោយ ៖ តារា
ប្រភព ៖ SH