CamNews

(ភ្នំពេញ)៖ ស្របពេលដែលបែបធ្លាយ ​នូវរឿងរ៉ាវដ៏រសើបរបស់តារាសម្តែង និងម៉ូឌែលស្រីនាង សូ​រ្យ អេ​ណា ថា បានដណ្តើមយកប្តីគេ ហើយថែមទាំងផ្ញើសារគំរាម និងចង់ជួបមុខជាមួយ​ប្រពន្ធ​ដើ​មផងនោះ រំលងបានមួយថ្ងៃក្រោយ ពីការផ្ទុះធ្លាយសាច់រឿង ​ប្រទាក់ក្រឡាគ្នាថ្មីមួយទៀត គឺម្ចាស់ Account Face​b​ook ឈ្មោះថា Marie Young ដែលបានធ្លាប់អាថ៌កំបាំងស្នេហ៍ រវាងកញ្ញា សូរ្យ អេណា ជាមួ​យបុរសជាប្តីគេនោះ បានចេញមុខចោទប្រកាន់​ម្តាយ​តារាសម្តែង សារ៉ាយ សក្ខណាថា ជាម៉ែ​យ៉ែម ដឹកញីបន្ស៊ី​ឈ្មោល ក្នុងសាច់រឿងនេះ។

យ៉ាងណាមិញ ទន្ទឹមនឹងមានការផ្សព្វផ្សាយទាក់ទង លើការចោទប្រកាន់​ចំពោះអ្នកស្រី ផាន់ ស​ម្ផស្ស ត្រូវជាម្តាយ​របស់តារាសម្តែងស្រី អ្នកនាង សារ៉ាយ សក្ខណា ថា ជាម៉ែយ៉ែម ហើយ​បាន​ឃុ​បឃិតរួមគំនិត និងផ្គូរផ្គងតារាស្រីនាង សូរ្យ​ អេណា ឲ្យមានការទាក់ទងស្នេហា ជាមួយ​បុរស​ជាប្តីគេនេះរួចមក តារាស្រី​ក​ញ្ញា នៅ សូនីតា នៅលើបណ្តាញសង្គមហ្វេសប៊ុក របស់នាង កា​លពីថ្មី​ៗបានចេញមុខប្រតិកម្មជំនួស សាមីខ្លួន ដោយទទួចស្នើ​ដល់មហាជន កុំឲ្យមានការយល់ច្រឡំ លើរឿងដែលគេចោទថា អ្នកស្រី ផាន់ ស​ម្ផស្ស ជាម៉ែយ៉ែម ​បន្តទៀតអី។

កញ្ញា នៅ សូនីតា បានសរសេរបង្ហោះ​ជាសាធារណៈថា «គាត់ជាមនុស្សដែលតែងតែជួយ យកអាសារមនុស្សគ្រប់គ្នា ឈប់បានឈប់ទៅ គាត់ក៏ជាអ្នកមានគុណ មកលើខ្ញុំមួយរូបដែរ​»។ ជាមួ​យ​គ្នានឹងសរសេរបង្ហោះសារ ពីសំណាក់កញ្ញា នៅ សូនីតា នេះដែរ ភ្លាមៗគេសង្កេតឃើញម្ចា ស់ Acount Facebook មួយមានឈ្មោះថា «Saray Sakana» បាន Comment ឆ្លើយតបវិញថា «អរគុណណាស់មិត្តភក្ដិ គេចង់បង់ខូចឈ្មោះយើង!»។

នៅរសៀលថ្ងៃទី០៣ ខែសីហា ឆ្នាំ២០១៦នេះគេហទំព័រ Khmertalking បានព្យាយាមភ្ជាប់ទំ​​នាក់​ទំនងតាមទូរស័ព្ទ ដើម្បីសុំការបំភ្លឺជុំវិញរឿងចោទប្រកាន់ខាងលើ ពីសំណាក់ម្តាយរបស់តារាស្រី សារ៉ាយ សក្ខណា គឺអ្នកស្រី ផាន់ ស​ម្ផស្ស ​ប៉ុន្តែលេខទូរស័ព្ទពេលតេចូលគ្មាន អ្នកទទួល៕

ផ្តល់សិទ្ធដោយ ៖ ខ្មែរថកឃីង