CamNews

កូនភ្លោះ​ជាង ៦០០គូ មកពី​បណ្ដា​ខេ​ត្រ​របស់​ប្រទេស​ចិន បានមក​ជួបជុំគ្នា នៅក្នុង​ពិធីបុណ្យ​វប្បធម៌​កូនភ្លោះ លើក​ទី ១០ ក្នុងឱកាស​ថ្ងៃបុណ្យ​ឯករាជ​ជាតិ។

ពិធីបុណ្យ​វប្បធម៌​កូនភ្លោះ នេះ ត្រូវបាន​រៀបចំឡើង​នៅក្នុង​ឧទ្យាន​មួយ នៅ​ក្រុង​ប៉េកាំង។ នេះ​គឺជា​ព្រឹត្តិការណ៍​មួយ​ក្នុងចំណោម​សកម្មភាព​នានា ក្នុង​ថ្ងៃបុណ្យ​ឯករាជ​ជាតិ​របស់​ចិន ១តុលា។ រូប ៖ News.cn

ពិធីបុណ្យ​វប្បធម៌​កូនភ្លោះ​នេះ មានការ​ចូលរួម​បង្ហាញខ្លួន របស់​កូនភ្លោះ​ដែលមាន​គ្រប់​វ័យ ចាប់ពី​កុមារ យុវវ័យ​របស់​ដល់​វ័យ​ចំណាស់។ រូប ៖ News.cn

ពិធីបុណ្យ​ដ៏​អស្ចារ្យ​នេះ ត្រូវបាន​ចែកជា​ពីរ​ផ្នែក គឺ​សំដែង​នៅលើ​កម្រាលព្រំ​ក្រហម និង​ប្រកួត​សមត្ថភាព។ ក្នុង​រូបភាព​នេះ គឺជា​ការបង្ហាញ​ស្នាដៃ​របស់​កូនភ្លោះ​មួយគូ មកពី​តំបន់ Jiamusi នៃ​ខេ​ត្រ Heilongjiang ។ រូប ៖ Zuma Press

កុមារី​ភ្លោះ​មួយគូ លេចធ្លោ​ក្នុង​ឈុត​សម្លៀកបំពាក់​ពណ៌​ផ្កាឈូក និង​សក់​ក្លែងក្លាយ ដាន់​ដៃ​គ្នា បោះជំហាន​នៅលើ​កម្រាលព្រំ​ក្រហម។ រូប ៖ Zuma Press

បងប្អូន​ស្រី​ភ្លោះ​នេះ បង្ហាញ​អំពី​ចំណូលចិត្ត​របស់ខ្លួន ជាមួយនឹង cosplay ។ រូប ៖ Zuma Press

កំពូល​តារា​ពីរ​ដួង គឺ Elvis និង Marilyn Monroe “កើតឡើង​វិញ” ក្នុងការ​សំដែង​បែប​អាជីព​របស់​កូនភ្លោះ​វ័យក្មេង​មួយគូ។ រូប ៖ Zuma Press

នារី​កូនភ្លោះ​មួយគូ កំពុង​ណែនាំ​កុមារា​ភ្លោះ​មួយគូ ក្នុងការ​បញ្ចេញ​កាយវិការ​នៅមុខ​កាមេរ៉ា។ រូប ៖ Zuma Press

នៅក្នុង​ពិធីបុណ្យ​ដ៏​ធំ​នេះ ក៏មាន​ការចូលរួមរ​បស់​ស្ដ្រី​កូនភ្លោះ​វ័យ​ចំណាស់​មួយគូ និង​កូនភ្លោះ​បី រួម​និង​ភ្លោះ​បួន ជាច្រើន​ក្រុម​ផងដែរ។ នៅ​ប្រទេស​ចិន កូនភ្លោះ​ពីរ ត្រូវគេ​ចាត់ទុកជា​រឿង​សំណាង ប៉ុន្ដែ ភ្លោះ​បួន គឺ​មានន័យថា សំណាង​កើន​ទ្វេដង។រូប ៖ Zuma Press

គួរ​បញ្ជាក់ថា នៅ​ប្រទេស​ចិន គ្រួសារ​មួយ មាន​សិទ្ធិ​បង្កើតកូន​បានតែ​មួយ​ប៉ុណ្ណោះ ដូច្នេះ ការបង្កើតបាន​កូនភ្លោះ គឺអាច​ជួយ​ឱ្យ​ពួកគេ​មានកូន​ច្រើន​ដោយ​មិន​ខុសច្បាប់។ រូប ៖ Zuma Press

ដោយ ៖ តារា
ប្រភព ៖ Xinhua/Zuma Press