មហាសេដ្ឋីកើតឆ្នាំមមី Bloomberg រកប្រាក់ និងដៃទូលាយកម្រិតណា?
មហាសេដ្ឋី Michael Bloomberg កើតនៅថ្ងៃទី ១៤ កុម្ភៈ ឆ្នាំ ១៩៤២ (ឆ្នាំមមី) ក្នុងក្រុង Boston រដ្ឋ Massachusetts សហរដ្ឋអាមេរិក។ លោកធំឡើង ក្នុងគ្រួសារជនជាតិជ្វីហ្វមួយ នៅជាយក្រុម
Boston ។ ពុករាប់គាត់ គឺលោក William Henry Bloomberg ជាបុគ្គលិកផ្នែកគណនី របស់ក្រុមហ៊ុនទឹកដោះគោក្នុងស្រុកមួយ។
ឆ្នាំ ១៩៦៤ លោក Michael Bloomberg បានបញ្ចប់ការសិក្សានៅសកលវិទ្យាល័យ John Hopkins
ក្រោយមក លោកក៏បានក្លាយជាប្រធានក្រុមប្រឹក្សាភិបាលនៃសាលានេះ។ ឆ្នាំ ១៩៦៦ Bloomberg ទទួលបានសញ្ញាបត្រអនុបណ្ឌិតផ្នែកគ្រប់គ្រងធុរកិច្ចពីសកលវិទ្យាល័យ Harvard ។
ការងារដំបូងរបស់ Michael Bloomberg គឺធ្វើជាបុគ្គលិករក្សាឃ្លាំងប្រាក់ក្រោមដី របស់ធនាគារ
Salomon Brothers។ ជាបន្ដបន្ទាប់មក Bloomberg ក៏បានទទួលតំណែងខ្ពស់ឡើងៗ។ ឆ្នាំ ១៩៧២ លោកបានក្លាយជាបុគ្គលិកជួញដូរមូលបត្រ និងធ្វើជាដៃគូបណ្ដាក់ទុននៅ Salomon Brothers ។
បន្ទាប់មក លោក ក៏បានកាន់កាប់តំណែងជាអ្នកគ្រប់គ្រងផ្នែកជួញដូរមូលបត្ររបស់ធនាគារនេះ។
ឆ្នាំ ១៩៧៦ លោក Michael Bloomberg បានរៀបការជាមួយ Susan Brown និងមានកូនស្រី ២
នាក់ គឺ Emma និង Georgina។ ឆ្នាំ ១៩៩៣ អ្នកទាំងពីរ បានលែងលះគ្នា។
ឆ្នាំ ១៩៧៩ CEO របស់ Salomon Brothers លោក John Gutfreund ក៏បានបញ្ជូន Bloomberg ឱ្យទៅធ្វើការក្នុងផ្នែកប្រព័ន្ធកុំព្យូទ័រដែលទើបនឹងចេញថ្មី។
ឆ្នាំ ១៩៨១ នៅពេលធនាគារនេះ ត្រូវបានគេទិញយក លោក Bloomberg ក៏ត្រូវបានបញ្ឈប់ពីការ
ងារ ដោយទទួលបានប្រាក់សំណង ១០លានដុល្លារអាមេរិក។ លោក Bloomberg បានប្រើប្រាស់
ខ្ទង់ប្រាក់នេះ ដើម្បីបង្កើត Innovative Market Systems ជាក្រុមហ៊ុនផ្នែកទន់ (software) ហិរញ្ញវត្ថុ
ប្រើប្រព័ន្ធកុំព្យូទ័រ (Bloomberg Terminal) ដែលអភិវឌ្ឍដោយលោក Bloomberg ។
ឆ្នាំ ១៩៨២ អតិថិជនដំបូងរបស់ក្រុមហ៊ុន គឺធនាគារ Merill Lynch ដោយបានបញ្ជាទិញ Bloomberg
Terminal ចំនួន ២២គ្រឿង។ ធនាគារ Merill Lynch ក៏បានចំណាយប្រាក់ ៣០លានដុល្លារ ដើម្បី
ទិញភាគហ៊ុន ៣០% របស់ក្រុមហ៊ុន Innovative Market Systems ។
ឆ្នាំ ១៩៨៦ ក្រុមហ៊ុន Innovative Market Systems បានប្ដូរឈ្មោះជា Bloomberg L.P ។ ឆ្នាំ ១៩៨៧
Michael Bloomberg L.P បានលក់ចេញ Bloomberg Terminal ទី ៥,០០០ ហើយមកដល់ឆ្នាំ ១៩៨៩ Bloomberg L.P ក៏ទិញយកមកវិញនូវភាគហ៊ុន ១/៣ នៃភាគហ៊ុន ៣០% តម្លៃ ២០០លានដុល្លារ ពី
ដៃ Merrill Lynch ។ ក្រោយរយៈពេល ៨ឆ្នាំ បន្ទាប់ពីបានបង្កើត Bloomberg L.P ត្រូវបានគេវាយ
តម្លៃថា មានតម្លៃ ២ពាន់លានដុល្លារ។
ឆ្នាំ ១៩៩៨ Bloomberg L.P ផ្ដល់សេវាបំពាក់ប្រព័ន្ធ Bloomberg Terminal ទី ១០០,០០០ ដល់អតិថិ
ចន ហើយប្រព័ន្ធនិមួយៗ មានតម្លៃ ១,៥០០ដុល្លារ/ខែ។
ក្នុងទសវត្សទី ៩០ Bloomberg L.P បានបង្កើតផ្នែកទូរគមនាគមន៍ជាច្រើនប្រភេទ ក្នុងនោះមាន
ទំព័រព័ត៌មានសេដ្ឋកិច្ច Bloomberg , ស្ថានីយវិទ្យុ Bloomberg, ស្ថានីយទូរទស្សន៍ Bloomberg និង
ទស្សនាវដ្ដី Bloomberg Markets ។
មកដល់ពេលនេះ Bloomberg L.P មានការិយាល័យជាង ២០០ នៅពាសពេញពិភពលោក ដោយមានបុគ្គលិក ១៥,០០០នាក់ធ្វើការ។
Bloomberg កាលពីនៅកាន់កាប់តំណែងចៅហ្វាយក្រុង New York
ឆ្នាំ ២០០១ Bloomberg បានចាប់ផ្ដើមចូលឆាកនយោបាយ (បក្សសាធារណរដ្ឋ) ហើយចំណាយប្រាក់ផ្ទាល់ខ្លួន ចំនួន ៧៤លានដុល្លារសម្រាប់ឃោសនារកសម្លេងឆ្នោត ក្នុងការបោះឆ្នោតជ្រើស
រើសចៅហ្វាយក្រុង New York ។ លោកក៏បានយកឈ្នះលើគូប្រជែង Mark Green ។ ក្រោយពីទទួលតំណែង លោក Bloomberg ក៏បានចាប់ផ្ដើមធ្វើការ ដើម្បីដោះស្រាយបញ្ហាជាច្រើន បន្ទាប់ពីករណីភេរវកម្ម ១១កញ្ញា។ លោក បោះបង់តំណែង CEO នៅ Bloomberg L.P មកធ្វើជាចៅហ្វាយ
ក្រុង។
ក្នុងការបោះឆ្នោតកាលពីឆ្នាំ ២០០៥ លោក Bloomberg ដណ្ដើមបានជ័យជំនះ និងបន្ដកាន់កាប់តំណែងចៅហ្វាយក្រុង New York បន្ទាប់ពីបង្កើនខ្ទង់ប្រាក់ផ្ទាល់ខ្លួន ឡើងដល់ ៨៥លានដុល្លារ សម្រាប់យុទ្ធនាការឃោសនា។ ឆ្នាំ ២០០៨ លោក Bloomberg បន្ដចំណាយ ៩០លានដុល្លារដើម្បីប្រជែងយកតំណែងដដែលសម្រាប់នីតិកាលទីបី។ ក្រៅពីនេះ លោកក៏បានចំណាយ ៨៩០,០០០
ដុល្លារអាមេរិក សម្រាប់ថ្លៃអាហារពេលព្រឹក និងពេលថ្ងៃត្រង់ ដល់បុគ្គលិកទាំងអស់របស់ខ្លួន ក្នុង
បីអាណតិ្ដ។
ជាចៅហ្វាយក្រុង ដូច្នេះ ប្រាក់បៀវត្សរបស់ Bloomberg គឺ ២,៧លានដុល្លារ សម្រាប់បីអាណតិ្ដ
ប៉ុន្ដែ លោកបានស្នើ ទទួលត្រឹមតែ ១ដុល្លារក្នុងមួយឆ្នាំៗ។ គិតដល់ខែធ្នូ ឆ្នាំ ២០១៣ Bloomberg គឺជាអ្នកមានលំដាប់ទី ១៧ ក្នុងពិភពលោក ដោយមានទ្រព្យ ៣១ពាន់លានដុល្លារអាមេរិក។
Bloomberg គឺជាមហាសេដ្ឋីដែលមានចិត្តទូលាយបំផុត ដោយហ៊ានចំណាយប្រាក់យ៉ាងច្រើនសម្រាប់សកម្មភាពមនុស្សធម៌។ ដល់ឆ្នាំ ២០០៦ លោកបានបង្កើតមូលនិធិផ្ទាល់ខ្លួន Bloomberg Philanthropies។ គិតដោយឡែក ក្នុងឆ្នាំ ២០១២ Bloomberg Philanthropies រៃអង្គាសប្រាក់ បាន ៣៧០លានដុល្លារ។ ចំណែក Bloomberg មកដល់ពេលនេះ លោកបានរួមចំណាយ ២,៤ពាន់លាន
ដុល្លារ សម្រាប់កម្មវិធីមនុស្សធម៌រាប់មិនអស់។
ក្រៅពីនេះ លោក Bloomberg ក៏បានចំណាយ ៣០លានដុល្លារ ទៅលើសកម្មភាពនានារបស់សារមន្ទីរសិល្បៈក្រុង New York, ៣០លាន ដើម្បីជួយដល់ពលរដ្ឋស្បែកខ្មៅដែលមានជីវភាពក្រីក្រ
និង ៧លាន សម្រាប់កម្មវិធីត្រួតនិពិត្យការប្រើប្រាស់កាំភ្លើង។ លោក Bloomberg ក៏បានផ្ដល់ប្រាក់ ១០០លានដុល្លារ ដល់មូលនិធិ Bill & Melinda Gates Foundation របស់មហាសេដ្ឋី Bill Gates សម្រាប់គម្រោងប្រឆាំងជម្ងឺស្វិតដៃជើង។ ខែមករា ឆ្នាំ ២០១៣ លោក Bloomberg ក៏បានផ្ដល់ ៣៥០ លានដុល្លារ ដល់សកលវិទ្យាល័យ John Hopkins ធ្វើឱ្យប្រាក់មនុស្សធម៌ដែលលោក បានផ្ដល់មក
សាលានេះ ឡើងដល់ ១ពាន់លានដុល្លារ។
អចលនទ្រព្យរបស់លោក Bloomberg មាននៅពាសពេញពិភពលោក សរុបមានភូមិគ្រឹះចំនួន ១១
ក្នុងនោះ មានភូមិគ្រឹះតម្លៃ ១០,៥លានដុល្លារនៅ Bermuda, វីឡា ១០លានដុល្លារនៅក្រុងឡុងដ៍ ,
ផ្ទះតម្លៃ ២០លានដុល្លារ នៅ Southampton ក្រុង New York និងផ្ទះមួយខ្នងទៀតតម្លៃ ១,៥លាន
ដុល្លារ នៅ Vail ។ល។
Michael Bloomberg និង ភរិយា
Michael Bloomberg មានឧទ្ធម្ភាគចក្រ Agusta SPA A109s ៦កៅអី មួយគ្រឿង តម្លៃ ៤,៥លាន
ដុល្លារ។ ទោះជាមានឧទ្ធម្ភាគីចក្រផ្ទាល់ខ្លួន ប៉ុន្ដែ កាលពីនៅកាន់តំណែងចៅហ្វាយក្រុង លោក
Bloomberg តែងតែធ្វើដំណើរដោយរថភ្លើងក្រោមដី នៅ New York។
កាលពីខែវិច្ឆិកា ឆ្នាំ ២០១៣ នៅលើទស្សនាវដ្ដី Forbes លោក Bloomberg បង្ហើបឱ្យដឹងថា ក្រោយចាកចេញពីតំណែងចៅហ្វាយក្រុង គឺ លោក និងមិត្តស្រី Diana Taylor ធ្វើដំណើរទៅសម្រាកលំហែកាយលើកដំបូង ចាប់តាំងពីបានកាន់កាប់តំណែង៕
អត្ថបទសំខាន់ៗគួរចាប់អារម្មណ៍ ៖
ជីវិតរបស់ពលរដ្ឋ ក្នុងតំបន់ត្រជាក់បំផុត ក្នុងពិភពលោក
ទទួលបាន ១៣០លានដុល្លារអាមេរិក ប្រសិនអ្នក អាចទាក់បានកូនស្រី មហាសេដ្ឋីហុងកុង
Bill Gates បង្ហើបពីគោលដៅ កំពូលចុងក្រោយ នៃជីវិតរបស់ខ្លួន
ប្រែសម្រួលដោយ ៖ តារា
ប្រភព ៖ CB
ជីវិត និងការងារ ដែលមើលច្រើន
