CamNews

ស្វែងរកកំរិតខ្ពស់

ប្រជាជននៅជនបទនៃប្រទេសចិនបានទទួលអំណោយ ជាមាស ២៦ជី

ប្រជាជននៅភូមិ Chang Chiang ក្នុងខេត្ត Jiangsu ប្រទេសចិន មានការភ្ញាក់ផ្អើល និង
ត្រេកអរយ៉ាងខ្លាំង នៅពេលបានទទួលដុំមាស និងដុំប្រាក់មួយចំនួនធំពីក្រុមហ៊ុនមួយ។

ប្រជាជនម្នាក់ៗនៅក្នុងភូមិ ChangChiang ក្នុងខេត្ត Jiangsu ទទួលបានអំណោយជា
មាសដុំ ១០០ក្រាម និងដុំប្រាក់ ១០០ក្រាមក្នុងឱកាសខួបអនុស្សាវរីយ៍លើកទី
៤០នៃថ្ងៃបង្កើតក្រុមហ៊ុនធំមួយនៅក្នុងភូមិ។

យោងតាមទំព័រ China Daily ប្រជាជនម្នាក់ៗទទួលបានអំណោយជាដុំមាស ១០០ក្រាម
(២៦,៥ជី) និងដុំប្រាក់ ១០០ក្រាម។ ចំនួនមាសដែលត្រូវបានជូនជាអំណោយក្នុងឱកាសនោះ
មានចំនួនដល់ទៅ ៣០០គីឡូក្រាម ប្រហាក់ប្រហែលនឹងចិញ្ចៀន ៦.០០០វង់។ មាសទាំងនេះ
ត្រូវបានគេចែកជូនដល់ប្រជាជនចាប់ពីម៉ោង ១២ និង៣០នាទីថ្ងៃត្រង់ម្សិលមិញ នៅក្នុងមន្ទីរ
បក្សភូមិ។

នៅពេលទទួលបានដំណឹងខាងលើ ប្រជាជននៅក្នុងភូមិមានការសប្បាយចិត្តយ៉ាងពន់ពេក
អ្នកខ្លះភ្លេចបាន ភ្លេចទឹក ដោយប្រញាប់ទៅកាន់កន្លែងចែកអំណោយ។ នៅទីនោះអ្នករាល់
គ្នាបានឃើញមាស ៣០០គីឡូក្រាមផ្ទាល់នឹងភ្នែកដែលត្រូវបានគេដាក់នៅលើតុ។

មូលហេតុដែលនាំអោយមានការចែកអំណោយជាមាសបែបនេះគឺដោយសារថ្ងៃនោះគឺជា
ខួបលើកទី ៤០ឆ្នាំនៃការបង្កើតក្រុមហ៊ុន Jiangsu Xinchangjiang Group ដែលមានទីតាំងនៅ
ក្នុងភូមិនេះ។


ប្រជាជនចំនួន ៣.០០០នាក់បានទទួលអំណោយដ៏មានតម្លៃនេះ


កន្លែងចុះឈ្មោះទទួលអំណោយ
ដុំមាស និងដុំប្រាក់ដែលប្រជាជនម្នាក់ៗទទួលបាន
ជីវភាពរបស់ប្រជាជនក្នុងភូមិ


តំបន់វីឡាក្នុងភូមិ ChangChiang


តំបន់អាគារខ្ពស់ៗ និងផ្លូវថ្នល់ស្អាតក្នុងភូមិ

កាលពីឆ្នាំ ២០១១ ក្រុមហ៊ុន Jiangsu Xinchangjiang Group បានជាប់ចំណាត់ថ្នាក់លេខរៀង
ទី ១៩៥ ក្នុងចំណោមក្រុមហ៊ុនចំនួន ៥០០ដែលមានការរីកចម្រើនបំផុតនៅប្រទេសចិន។
ដូច្នេះ ឆ្នាំនេះ ក្រុមហ៊ុនបានសម្រេចចិត្ដចែកអំណោយជាដុំមាស និងដុំប្រាក់ដល់ប្រជាជន
ក្នុងភូមិ៕
ដោយ ៖ សូរីយ៉ា
ប្រភព ៖ Xinhua

Tags: strange, china, gold

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......