CamNews

ស្វែងរកកំរិតខ្ពស់
តារា 

វីជេ រតនា សន្យា​រឹត​ចំណង​ស្នេហ៍ ជា​មួយ​គូ​ស្នេហ៍​ថ្មី ឲ្យ​រឹង​មាំ​ជា​រៀង​រហូត

ភ្នំពេញ៖ ពិធីករប្រចាំកម្មវិធី «ស្នេហ៍អាថ៌កំបាំង» វីជេ រតនា បន្ទាប់ពីមាន ពន្លកស្នេហា ជាមួយនារីរូបស្រស់វ័យក្មេង កញ្ញា លីហ្សា រួចមក គេសង្កេតឃើញកម្លោះរូបនេះ ហាក់មានភាពស្រស់ស្រាយ មុខរីកដូចគ្រាប់ជី ហើយជារឿយៗ តែងតែបង្ហាញភាពផ្អែមល្ហែម ជាមួយគ្នាមិនដាច់ទេ ។ មិនតែប៉ុណ្ណោះ លោកថែមទាំងយកពាក្យសន្យាមកបញ្ជាក់ពី ទឹកចិត្តស្មោះ បង្អួតទស្សនិកជនថា លោកស្រលាញ់តែ នាងម្នាក់ គ្មានចិត្តប្រែប្រួលឡើយ ។

ជាការពិតណាស់ តារាសម្តែង និងជាវីជេ លោក រតនា នាពេលកន្លងមក ធ្លាប់មានស្នាមដំបៅ ដោយសារតែរឿងស្នេហា ដែលជាដើមចម ធ្វើឲ្យលោកសំងំ ខូចចិត្តព្យាបាលរបួសបេះដូង អស់ពេលជាច្រើនឆ្នាំ។ ទម្រាំតែលោកស្វែងរកអ្នក ស្អំបេះដូងបាន មិនមែនជារឿងងាយឡើយ ។ បន្ទាប់ពីតារារូបនេះ បង្ហាញមុខគូស្នេហ៍ថ្មី បញ្ឈឺចិត្តអតីតគូស្នេហ៍ចាស់ រួចមកគេឃើញគូស្នេហ៍ថ្មោងថ្មីមួយគូនេះ មានភាពផ្អែមល្ហែម ឱបរឹតគ្នាមិនចាញ់គូស្នេហ៍ដទៃទេ ។

តួយ៉ាង កាលពីពេលថ្មីៗកន្លងទៅនេះ នៅក្នុងថ្ងៃខួបកំណើត របស់គូស្នេហ៍វ័យក្មេង វីជេ រតនា បានបង្ហាញកាយវិការ ឱបរឹត និងមានការបង្ហាញរូបថតសរសេរសារផ្អែមល្ហែមរបស់ពួកគេទាំងពីរនាក់ ប្រៀបដូចជាលលកញីឈ្មោលបេះ មិនចេញ ។ សារដែលលោកបានបង្ហោះ នៅលើបណ្តាញទំនាក់ទំនង សង្គម Facebook នោះ បានសរសេរថា «រីករាយថ្ងៃកំណើតសម្រាប់អូន សូមជូនពរអូន មានសុខភាពល្អ ជោគជ័យការងារ និងប្រាថ្នាអ្វីបានសម្រេចបង សន្យាជាមួយអូនបង នឹងកាន់ដៃអូន រហូតលុះអវសសាន្តនៃជីវិត …»។ តាមរយៈសារខ្លីនេះ បានធ្វើឲ្យនារីៗជា ច្រើនមានការច្រណែន និងព្រឺសម្បុរ មិនតិចទេ ព្រោះតែស្នេហានេះផ្អែមល្ហែម ខ្លាំងពេកហួសពីការស្មាន ៕


ផ្តល់សិទ្ធដោយ ៖ ដើមអម្ពិល


Tags: National news,  local news,  social news,  Cambodia,  Khmer,  Asia,  Phnom Penh

តារា ដែលមើលច្រើន

តារាប្រុសស្រី ប៉ុន្មាននាក់នេះ វ័យ ៣០ ឆ្នាំហើយ នៅតែស្រស់ស្អាត

តារាសម្ដែងប្រុសស្រីថៃ ពិតជាស្រស់សង្ហា ស្រស់ស្អាត និងមានភាពទាក់ទាញខ្លាំងណាស់។ នៅឆ្នាំនេះ តារាមួយចំនួន ក្នុងចំណោមតារាទាំងអស់នោះ .......

មកស្គាល់តារាស្រីថៃ ៨ នាក់នេះ ដែលមានស្បែករលោងស្អាតគួរឱ្យស្រឡាញ់

ស្បែកគឺជារបស់សំខាន់ សម្រាប់មនុស្សគ្រប់រូប ដូច្នេះហើយ បុរសស្រ្ដី តែងយកចិត្ដទុកដាក់ថែរក្សាស្បែក .........

តើអ្នកដឹងរឿងដែលបានកើតឡើងនៅក្នុងបន្ទប់ជួលរបស់អ្នកទេ? រឿង "បន្ទប់ជួលជើងកប" មានចាក់បញ្ចាំងនៅក្នុងរោងកុន

គ្រាន់តែអ្នកលឺថាបន្ទប់ជួល រឿងទី ១ ដែលអ្នកនឹកឃើញគឺតើនៅក្នុងបន្ទប់មួយនេះ ធ្លាប់មានរឿងមិនល្អអ្វីកើតឡើង ដែរឬទេ.......