CamNews

ព័ត៌មានកីឡា៖ ព្រឹត្ដិការណ៍ប្រកួតបាល់ទាត់ ប្រចាំរដូវកាលពានរង្វាន់ទី្វបអាព្រិក ក្នុងវគ្គជម្រុះ​ពាក់​កណ្ដាល​​ព្រ័ត្រ ដោយជួបគ្នារវាងក្រុមជម្រើសជាតិ Ghana ប៉ះជាមួយ ក្រុមម្ចាស់ផ្ទះ​ Equatorial Guinea ត្រូវបាន​គេ​ហ៊ានអះអាងថា គឺជា ព្រឹត្ដិការណ៍សង្រ្គាម ក្រោយពីការប្រកួតត្រូវបានផ្អាកអស់រយៈ ពេល ៣០​នាទី ព្រោះតែមានការធ្វើឲ្យការចលាចលដោយ មនុស្សមួយក្រុម​។ 

ហេតុការណ៍មួយបានបង្កឲ្យមានការភ្ញាក់ផ្អើល យ៉ាងខ្លាំង​ ខណៈដែលក្រុមទាំងពីរ កំពុងតែស្វិតស្វាញ​​ប្រកួត ប៉ុន្ដែបែជាត្រូវទទួលការវាយប្រហាដោយ សំបកដប ព្រមទាំងរបស់របរផ្សេងៗទៀតដែលត្រូវ​បានគេមើលឃើញ ចេញពីក្រុមអ្នកគាំទ្រ ប្រទេស Ghana បណ្ដាឲ្យមានការធ្វើអន្ដរាគមន៍ ពីក្រុម ប៉ូលីសកុប្បកម្ម ប្រើប្រាស់ ហ្គាសផ្សែងទឹកភ្នែក​ ព្រមទាំង ឧទ្ធម្ភាគចក្រ ដើម្បីបញ្ឈប់សកម្មភាពនោះ។ 

គណៈគ្រប់គ្រង សមាគមកីឡាករបាល់ទាត់ ប្រទេស Ghana (GFA) បាននិយាយទាំងអួលដើមករ ដោយ​អះអាងថា វានៅពេលនេះដូចជាតំបន់សង្គ្រាម មួយដូច្នោះដែរ ខណៈដែលមានការ បំផ្លិចបំផ្លាញ​ និង ការ ការពារ ។ 

ក្រោយពីសកម្មភាព បានកើតឡើងអស់រយៈពេល ៣០ នាទី ស្ថានភាពក៏មានការស្ងប់ស្ងាត់ ហើយ ក្រុម​ទាំង ២ ក៏បាន បន្ដការប្រកួត ឡើងវិញរហូតចប់ការប្រកួត ក្រុមជម្រើសជាតិ Ghana ផ្ដួលក្រុមម្ចាស់ផ្ទះ ៣ ទល់នឹង ០ ហើយនឹងត្រៀមខ្លួនចូលប្រកួតវគ្គផ្ដាច់ព្រ័ត្រនៅថ្ងៃអាទិត្យ ។  

គួសបញ្ជាក់ឲ្យដឹងថា ហេតុការណ៍ដ៏អាក្រក់ដែលបានកើតឡើងនេះ ត្រូវបានអ្នកសារព័ត៌មាន របស់ ប៊ីប៊ីស៊ី អះអាងថា ក្រុមអ្នកគាំទ្រប្រទេស  Guinea  មិនពេញចិត្ដនិងការសម្រេចរបស់ អារជ្ញាកណ្ដាល​ ជាច្រើកំហុសកន្លងមក ដែលពួកគេយល់ ថាខុស ហើយក៏សម្រេចចិត្ដ ប្រើអំពើហិង្សាយ៉ាងដូច្នោះទៅ ធ្វើឲ្យក្រុមកីឡាករ Ghana រត់ជែកជើងគ្នា ផ្អាកការប្រកួត ។ 

ជនបង្កបញ្ហាម្នាក់ត្រូវក្រុមសមាគមន៍កីឡារបាល់ទាត់ជាតិ ចាប់ចេញពីទីលាននៃការប្រកូត 

ដោយ៖ អឿ អ៊ុយ

ប្រភព៖ ប៊ីប៊ីស៊ី