លោក បារ៉ាក អូបាម៉ា ត្រូវបានទស្សនាវដ្តី Time ចាត់ទុកជាមនុស្ស ប្រចាំឆ្នាំ២០១២
ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស Chinadaily ដែល
ទើបតែបានចេញផ្សាយកាលពីប៉ុន្មានម៉ោងមុននេះ បានបញ្ជាក់អោយដឹងថា ទស្សនាវដ្តី Time
របស់អាមេរិកកាលពីថ្ងៃទី ១៩ ធ្នូ បានជ្រើសរើសយកប្រធានាធិបតីសហរដ្ឋអាមេរិកលោកបា
រ៉ាក់អូបាម៉ា ដែលទើបនឹងជាប់ឆ្នោតប្រធានាធិបតីជាថ្មីទៀត កាលពីខែវិច្ឆិកាជា«មនុស្សប្រចាំ
ឆ្នាំ២០១២» ។ លោកអូបាម៉ាធ្លាប់បានទទួលងារនេះម្តងរួចហើយកាលពីឆ្នាំ ២០០៨ ។
ប្រធានាធិបតីអាមេរិក ដែលជាជ័យលាភីពានរង្វាន់ណូបែលសន្តិ ភាពឆ្នាំ២០០៩ ដណ្តើមបាន
ងារនេះនាំមុខយុវនារីប៉ាគីស្ថានម្នាក់នាងម៉ាឡាឡា ដែលក្លាយជានិមិត្តរូបរបស់ពិភពលោកនៃ
ការតស៊ូប្រឆាំងលទ្ធិ ជ្រុលនិយមនៃសាសនានិងប្រធានអគ្គនាយកក្រុមហ៊ុនព័ត៌មានវិទ្យា អា
មេរិកAPPLE TIM COOK ។
លោកRICHARD STENGEL និពន្ធនាយកនៃទស្សនាវដ្តីថែមរៀបរាប់ថាជោគជ័យរបស់លោក
អូបាម៉ាកាលពីឆ្នាំ២០០៨ក្នុងការបោះឆ្នោតប្រធានាធិបតី អាមេរិកវាជារឿងអស្ចារ្យមួយរួចទៅ
ហើយតែជ័យជម្នះរបស់លោក ក្នុងឆ្នាំ២០១២នេះជាការបញ្ជាក់ពីការផ្លាស់ប្តូរនៃ ប្រជាសាស្ត្រ
លោកធ្វើការកត់សម្គាល់ថា មនុស្ស៤០%ជំនាន់លោកអូបាម៉ាពុំមែនជាជនស្បែកសឡើយ ។
លោករំលឹកឡើងថា លោកអូបាម៉ាក៏ជាប្រធានាធិបតីអាមេរិកដំបូងគេដែលយល់ព្រម ឱ្យមាន
ការរៀបការរបស់ពួកអ្នករួមភេទដូចគ្នា រួចផ្តល់ការអនុញ្ញាតឱ្យធ្វើការនៅអាមេរិកដល់យុវជន
អន្តោ ប្រវេសន៍គ្មានលិខិតស្នាមជាច្រើននាក់ ។ លោកអូបាម៉ាក៏ជាប្រធានាធិបតីគណបក្សប្រ
ជាធិបតេយ្យដំបូងគេដែរ បន្ទាប់ពីលោកហ្វ្រង់គ្លីន រ៉ូសឺវែល(១៩៣៣-១៩៤៥) ដែលឈ្នះឆ្នោត
ប្រធានាធិបតី២អាណត្តិជាប់គ្នាជាមួយសំឡេងលើស ពី៥០%ហើយក៏ជាប្រធានាធិបតីអាមេរិ
កដំបូងគេចាប់តាំងពីឆ្នាំ ១៩៤០មកដែលជាប់ឆ្នោតថ្មីជាមួយអត្រាអ្នកឥតការងារធ្វើ ក្នុងប្រទេ
សមានដល់៧,៥%៕
ដោយ ៖ រិទ្ធី
ប្រភព ៖ chinadaily
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ធ្លាប់តែមើលវីដេអូកំប្លែងៗរបស់ប្អូនឈើ ឥលូវមកស្តាប់ប្អូននិយាយជាភាសាខ្មែរវិញ ច្បាស់ចេសម្ម៉ង!! (20/02/2019 10:15:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
ព័ត៌មានអន្តរជាតិ ដែលមើលច្រើន
