បំផ្ទុះគ្រាប់បែកក្នុងរោងការ នៅតួកគី ៖ ស្លាប់ និងរបួសជាង ១០០នាក់ (វីដេអូ)
ភ្ញៀវនៅក្នុងពិធីជប់លៀងអាពាហ៍ពិពាហ៍មួយនៅតួកគី ដែលកំពុងតែនាំគ្នារាំរែក ក៏ស្រាប់តែគ្រាប់
បែកមួយគ្រាប់បានផ្ទុះឡើង បណ្ដាលឱ្យរញ្ជូយអាគារទាំងមូល។
យោងតាមទំព័រ indianexpress គ្រាប់បែកមួយគ្រាប់ដែលត្រូវបានគេដាក់នៅក្នុងរថយន្ត នៅក្រុង
Van ប្រទេសតួកគី ជិតព្រំដែនអ៊ីរ៉ង់ កាលពីថ្ងៃទី ១៧ បានត្រូវបំផ្ទុះឡើង បណ្ដាលឱ្យមានមនុស្ស
ស្លាប់ ១១នាក់ និងជាង ១២០នាក់ផ្សេងទៀត រងរបួស។
វីដេអូដែលថតបានសកម្មភាព បានបង្ហាញថា មុនពេលគ្រាប់បែកផ្ទុះ ភ្ញៀវទាំងឡាយកំពុងតែ
សប្បាយរីករាយក្នុងការរាំរែកជាមួយកូនកម្លោះ និងកូនក្រមុំ។ ប៉ុន្តែ ខណៈនោះដែរ ក៏ស្រាប់តែ
មានសម្លេងផ្ទុះលាន់កងរំពង ធ្វើឱ្យញាប់ញ័រអាគារទាំងមូល។ ទ្វារកញ្ចក់ត្រូវបែកទាំងស្រុង ផ្សែង
ក៏សាយភាយពេញបន្ទប់។ មនុស្សទាំងឡាយនាំគ្នារកកន្លែងជ្រក ឬរត់ចេញពីកន្លែងកើតហេតុ។
មកដល់ពេលនេះ មិនទាន់មានក្រុមណាមួយចេញមុខមកទទួលខុសត្រូវចំពោះការបំផ្ទុះគ្រាប់បែក
នេះនៅឡើយ។ ក៏ប៉ុន្តែ សមត្ថកិច្ចម្នាក់ឈ្មោះ Mehmet Parlak បានចោទប្រកាន់ថា គណបក្ស
ពលករជាតិឃើត (Kurd (PKK)) គឺជាអ្នកនៅពីក្រោយការបំផ្ទុះគ្រាប់បែកនេះ។
PKK ត្រូវបានតួកគី អាមេរិក និងសហភាពអឺរ៉ុប ចាត់ទុកថា ជាក្រុមភេរវកម្ម។
កាលពីថ្ងៃទី ១៥សីហា PKK ក៏ធ្លាប់បានធ្វើការបំផ្ទុះគ្រាប់បែកក្នុងរថយន្ត នៅក្នុងខែត្រ Diyarbakir
បណ្ដាលឱ្យមានមនុស្សស្លាប់ ៧នាក់ និង ៤៥នាក់រងរបួស។
តំបន់អាគ្នេយ៍របស់តួកគី ជាកន្លែងដែលមានជនជាតិឃើតរស់នៅច្រើន បានធ្លាក់ទៅក្នុងអំពើ
ហឹង្សា បន្ទាប់ពីកិច្ចព្រមព្រៀងឈប់បាញ់ដែលបានរយៈពេល ២ឆ្នាំ រវាងរដ្ឋាភិបាល និង PKK
បានបរាជ័យ កាលពីខែកក្កដា ឆ្នាំទៅ។
ប្រែសម្រួល ៖ បុត្រា
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
