CamNews

ប្រសិនបើអ្នកព្រួយបារម្ភពីបញ្ហាសុខភាព ហើយអ្នកមិនចង់ចំណាយប្រាក់កាសច្រើន ទៅលើការថែរក្សាអនាម័យផ្ទាល់ខ្លួន ឬចង់ប្រើគម្រោងBនោះ យើងមានដំណោះស្រាយមួយចំនួន ដែលអាចជួយឱ្យអ្នកមានអារម្មណ៍ស្រស់ស្រាយ និងអាចគ្រប់គ្រងក្លិនខ្លួនរបស់អ្នកបាន។

១. រក្សារាងកាយរបស់អ្នក៖ នៅពេលនិយាយដល់ក្លិនខ្លួននោះ ការរក្សារាងកាយរបស់អ្នកឱ្យស្អាត គឺជាវិធីសាស្រ្ដដ៏ប្រសើរ។ ក្រពេញញើស ដែលស្ថិតនៅគ្រប់ផ្នែកនៃរាងកាយ ផលិតចេញនូវញើស ដែលជាជាតិទឹកដ៏ច្រើនលើសលប់។ សូមចាត់ទុកវា ជាប្រព័ន្ធម៉ាស៊ីនត្រជាក់ដ៏តូចមួយ នៃធម្មជាតិ។ ក្រពេញអាប្រូគ្រីន ដែលស្ថិតនៅត្រង់ក្លៀក និងក្រលៀនផលិតចេញនូវញើស និងដើរតួនាទីជាច្រើននៅក្នុងរាងកាយ។ មុខងារមួយក្នុងចំណោមមុខងារទាំងឡាយ គឺធ្វើការជាប្រព័ន្ធមួយប្រភេទ ដែលកាត់បន្ថយកាកសំណល់ និងរក្សាទុកចំណែកតូចល្អិត នៃជាតិខ្លាញ់ និងបញ្ចេញចោលនូវចំណែកជាតិខ្លាញ់ដ៏តូចល្អិត និងសារធាតុដទៃទៀត។ ញើស ដែលបញ្ចេញដោយក្រពេញអាប្រូគ្រីន គឺជាបញ្ហាដ៏ចម្បងមួយ ដែលបណ្ដាលឱ្យមានក្លិនខ្លួន។ បាក់តេរីប៉ះពាល់ជាតិខ្លាញ់ ក្រពេញបញ្ចេញដទៃទៀត និងកាកសំណល់របស់វា គឺជាមូលហេតុ ដែលបង្កឱ្យមានក្លិនអាក្រក់ផ្សេងៗគ្នា។ កម្លាំង នៃក្លិននៃមនុស្សផលិត គឺអាស្រ័យទៅលើបរិមាណនៃការបញ្ចេញញើស និងចំនួននៃបាក់តេរីនៅលើស្បែក។ មនុស្សដែលមានក្លិនក្លៀកខ្លាំង គឺមានបាក់តេរីច្រើនពីពីរ ទៅបីដងលើសមនុស្សដទៃទៀត។ វិធីដ៏ប្រសើរដើម្បីបង្ការកុំឱ្យមានក្លិនខ្លួនគឺត្រូវសម្អាតញើស និងបាក់តេរីឱ្យបានស្អាត និងជាប្រចាំ។ សូមសម្អាតបរិវេណក្រលៀន និងក្លៀករបស់អ្នកដោយសាប៊ូ និងទឹក ជាពិសេសគឺសាប៊ូបន្ថែមក្លិនក្រអូបយ៉ាងតិចឱ្យបានម្ដងក្នុងមួយថ្ងៃ ឬញឹកញាប់ជាងនេះប្រសិនបើចាំបាច់។

២. យកចិត្ដទុកដាក់លើសម្លៀកបំពាក់៖  ញើសដែលទុកយូរ គឺតែងមានក្លិនស្អុយ ហើយគ្មានអ្វីដែលមានក្លិនអាក្រក់ជាងក្លិនចាស់ ដែលភាយចេញពីអាវចាស់មិនទាន់បោកនោះទេ។ ក្លិនដូចគ្នានេះដែរ គឺវាភាយចេញពីអាវធំ ដែលប្រឡាក់ញើសនៅនឹងក្លៀក។ សូមចាប់ផ្ដើមថ្ងៃថ្មីដោយភាពស្រស់ថ្លា ដោយការងូតទឹក ហើយត្រូវឱ្យប្រាកដថាសម្លៀកបំពាក់របស់អ្នកស្អាតដូចជារាងកាយរបស់អ្នកដែរ។

៣. សំឡឹងមើលអ្វី ដែលអ្នកទទួលទាន៖ អាហារក្ដៅអាចធ្វើឱ្យហូរញើស ប៉ុន្ដែវាមិនមែនតែកម្ដៅមួយប្រភេទ ដែលអ្នកត្រូវតែយកចិត្ដទុកដាក់នោះទេ។ អាហារហឹរដូចជាម្ទេសជាដើមនេះ ក៏អាចធ្វើឱ្យអ្នកហូរញើសដែរ។ អ្នកឯកទេសផ្នែកចំណីអាហារបានស្ទង់មើលថា មុខម្ហូបនៃប្រទេសមួយចំនួន ដែលមានអាកាសធាតុក្ដៅ គឺតែងតែប្រើគ្រឿងទេសហឹរសម្រាប់ហេតុផលនេះ ពីព្រោះប្រជាជនមានអារម្មណ៍ថាត្រជាក់នៅពេលសីតុណ្ហភាពខាងក្នុងត្រូវបញ្ចេញមកក្រៅ។ លើសពីនេះទៀត សូមពិចារណាដល់ខ្ទឹមស និងខ្ទឹមបារាំងផងដែរ។ សមាសធាតុ Sulfur នៅក្នុងខ្ទឹមស និងខ្ទឹមបារាំងអាចធ្វើឱ្យក្លិនខ្លួនរបស់អ្នកជះក្លិនខ្លាំងខុសពីធម្មតា ជាពិសេប្រសិនបើអ្នកពិសាវាក្នុងបរិមាណច្រើន។

៤. បញ្ឈប់ការជក់បារី៖  ការជក់បារីបង្កបញ្ហាជាច្រើន ដល់សុខភាពរបស់អ្នក ធ្វើឱ្យធ្មេញរបស់អ្នកពុក និងធ្វើឱ្យអ្នកចាស់មុនអាយុ។ ហើយម្យ៉ាងទៀតការជក់បារីក៏បង្កឱ្យមានក្លិនមិនល្អផងដែរ។ នៅពេលដែលអ្នកជក់បារី ផ្សែងតែងជ្រៀតចូលទៅក្នុងសួត និងធ្វើឱ្យចំហប្រព័ន្ធរាងកាយរបស់អ្នក។ ផ្សែងថ្នាំជក់ មានផ្ទុកសមាសធាតុគីមីជាង ៧០០០។ សមាសធាតុខ្លះធ្វើការបំផ្លាញនៅផ្នែកខាងក្នុង ខណៈពេលសមាសធាតុដទៃទៀតសាយភាយមកខាងក្រៅតាមរយៈស្បែក ដែលបង្កឱ្យមានក្លិនខ្លួនអាក្រក់ ៕

ប្រែសម្រួល៖ សារ៉ាត

ប្រភព៖ steptohealth