យ៉ុង ច័ន្ទកណ្ណិកា ទម្លាយរូបថត មានផ្ទៃពោះជាង៣ខែ ក្រោយរៀបការបាន២ឆ្នាំ
(ភ្នំពេញ)៖ ក្រោយពីភ្ជាប់ចំណងស្នេហា និងប្រើពេលស្វែងមើលចិត្តគ្នា អស់មួយសន្ទុះធំមក តារាចម្រៀង និងជាពិធីការិនី អ្នកនាង យ៉ុង ច័ន្ទកណ្ណិកា កាលពីអំឡុងចុងឆ្នាំ២០១៤ បានសម្រេចចិត្តបញ្ចប់ភាពក្រមុំ ដោយរៀបចំអាពាហ៍ពិពាហ៍ជាផ្លួវការ ជាមួយស្វាមីឈ្មោះ ចាន់ ចំណាន ជាមន្ត្រីបម្រើការងារ នៅក្រសួងមហាផ្ទៃ ហើយរហូតមកទល់ពេលបច្ចុប្បន្ន នាងទើបតែទម្លាយរូបភាព នៃការពពោះកូនក្នុងផ្ទៃ ជាលើកដំបូង។
អតីតតារាស្រីអ្នកនាង យ៉ុង ច័ន្ទកណ្ណិកា នៅលើបណ្តាញសង្គមហ្វេសប៊ុករបស់នាង កាលពីថ្មីៗនេះ ការបង្ហោះចែករំលែកនូវរូបភាពមួយសន្លឹក បង្ហាញឲ្យឃើញថា តារារូបនេះកំពុងតែពពោះ កូនក្នុងផ្ទៃ ហើយក៏ជិតក្លាយជាម្តាយ របស់គេទៀតផង។ ទន្ទឹមគ្នានឹងការបង្ហោះរូបថត បង្អួតភ្នែកមហាជនថា ខ្លួនកំពុងមានផ្ទៃពោះពីសំណាក់អ្នកនាង យ៉ុង ច័ន្ទកណ្ណិកា នេះដែរ បានធ្វើឲ្យទស្សនិកជនជាច្រើន ហាក់ភ្ញាក់ផ្អើល ព្រោះកន្លងមកនាងមិនធ្លាប់បង្ហើបប្រាប់ ពីគោលបំណងនៃការចង់បានកូន នៅឡើយទេ។ យ៉ាងណាមិញភ្លាមៗនេះ ក៏មានការផ្ញើរសួរនាំ និងការអបអរជូនពរ នាងផងដែរ។
អ្នកនាង យ៉ុង ច័ន្ទកណ្ណិកា នៅរសៀលថ្ងៃទី១៩ខែតុលាឆ្នាំ២០១៦នេះ មិនអាចទំនាក់ទំនង ដើម្បីធ្វើការសួរនាំបន្ថែម ពីរឿងមានផ្ទៃពោះនេះ បាននៅឡើយទេ។
សូមបញ្ជាក់ថា គិតមកទល់ពេលនេះ គឺមានរយៈពេល២ឆ្នាំហើយ ដែលអ្នកនាង យ៉ុង ច័ន្ទកណ្ណិកា បានរៀបអាពាហ៍ពិពាហ៍ ជាមួយស្វាមីជាមន្ត្រីបម្រើការងារ នៅក្រសួងមហាផ្ទៃ ។ មិនតែប៉ុណ្ណោះ ជានិច្ចកាល គេតែងសង្កេតឃើញគូស្នេហ៍មួយគូនេះ បង្ហាញភាពសិ្នទ្ធស្នាល ផ្អែមល្ហែមជាមួយគ្នាប្រៀប ដូចជាទឹកឃ្មុំ ស្របពេលដែលបច្ចុប្បន្ន គូស្វាមី-ភរិយារបស់ពួកគេ ក៏កំពុងត្រៀមខ្លួនធ្វើជាឪពុក-ម្តាយគេ ផងដែរ៕
ផ្តល់សិទ្ធដោយ ៖ ខ្មែរថកឃីង
- យុង ច័ន្ទកន្និកា៖ បងស្រីខ្ញុំ យុង ចាន់សុធាវី រកឃើញវិញហើយ កំពុងស្នាក់នៅជាមួយម្ចាស់ Spornser (11/01/2016 09:53:00)
- យ៉ុង ចាន់កណ្ណិកា ចេញវិដេអូឃ្លីប បញ្ជាក់លំអិត ជុំវិញរឿងបងស្រីបាត់ខ្លួន ពេលទៅច្រៀងនៅ USA (08/01/2016 14:08:00)
- យ៉ុង ច័ន្ទកណ្ណិកា ឆ្អើមនឹងឃ្លីបវីដេអូ របស់ សេង សូណា (27/01/2014 17:54:00)
- យ៉ុង ច័ន្ទកណ្ណិកា ហៅ ប្រុសស្នេហ៍ថ្មីថាប្ដីពេញៗ មាត់បង្ហោះនៅលើ Facebook (24/06/2013 13:48:00)
- យ៉ុង ច័ន្ទកណ្ណិកា កណ្តោចកណ្តែង នៅថ្ងៃទិវានៃក្តីស្រលាញ់ (15/02/2013 09:07:00)
តារា ដែលមើលច្រើន
