ចាប់ខ្លួន ក្រុមចោរលួចរថយន្ត៣នាក់ ពេលកំពុងចូលច្រៀងខារ៉ាអូខេ, ម្នាក់ជាអ្នកបើករថយន្តនៅផែស្ងួត
(ភ្នំពេញ)៖ អធិការនគរបាលខណ្ឌពោធិសែនជ័យ លោក យឹម សារ៉ាន់ បានបញ្ជាក់ថា កម្លាំងរបស់លោក បានតាមចាប់ខ្លួន ក្រុមចោរលួចរថយន្តចំនួន៣នាក់ មានស្រីម្នាក់ ក្រោយពីពួកគេ បានចូលលួចរថយន្តមួយគ្រឿងម៉ាក Corolla ពណ៌ខ្មៅ សេរីឆ្នាំ៩៧ ស្លាកលេខភ្នំពេញ 2N- 5202 ស្ថិតនៅផ្ទះជនរងគ្រោះលេខ៤៩ ផ្លូវបេតុង ភូមិទួលពង្រ សង្កាត់ចោមចៅ នៅយប់ថ្ងៃទី២០ ខែធ្នូ ឆ្នាំ២០១៥។
លោក យឹម សារ៉ាន់ បានបញ្ជាក់ថា នៅវេលាម៉ោងប្រមាណ៩យប់មិញ ខណ:លោកកំពុងដឹកនាំកម្លាំងចុះល្បាត ស្រាប់តែមានជនរងគ្រោះឈ្មោះ សុង បញ្ញា អាយុ២៧ឆ្នាំ បានប្តឹងថា មានចោរលួចរថយន្តរបស់ខ្លួន។
ពេលនោះលោកអធិការ បានបញ្ជាទៅកម្លាំងនគរបាលជំនាញ សហការជាមួយនគរបាលតាម មូលដ្ឋានចេញពួនស្ទាក់ និងស្រាវជ្រាវ ស្រាប់តែនៅពាក់កណ្តាលអាធ្រាត្រ កម្លាំងនគរបាលបាន ប្រទះឃើញរថយន្តរបស់ជនរងគ្រោះ ស្ថិតនៅពីមុខហាងខារ៉ាអូខេ យីហោ Relax នៅតាមផ្លូវលេខ២០០៤ ភូមិតាងួន សង្កាត់កកាប។
ក្រោយប្រទះឃើញរថយន្តភ្លាម លោកអធិការ បានបញ្ជាឲ្យកម្លាំងនៅចាំទីនោះ ដើម្បីចេញមកវិញ ឃាត់ខ្លួន ហើយមួយសន្ទុះក្រោយមក ជនសង្ស័យ៣នាក់ ក៏ចេញពីហាង ក៏ត្រូវកម្លាំងចាប់ខ្លួនតែម្តង ។
សមត្ថកិច្ចបានបញ្ជាក់ថា ជនសង្ស័យទី១ ឈ្មោះ ធឿន វិបុល អាយុ២៧ឆ្នាំ មុខរបរជាអ្នកបើករថយន្ត នៅផែស្ងួតសុកនត្រេនស្ព័ត នៅភូមិត្រពាំងថ្លឹង សង្កាត់ចោមចៅ ទី២ ឈ្មោះ នន់ ផល្លី អាយុ២៨ឆ្នាំ មុខរបរជាងសំណង់ ស្នាក់នៅ ផ្ទះជួលសង្កាត់ទឹកថ្លា ខណ្ឌសែនសុខ និងទី៣ ឈ្មោះ លី រ័ត្ន អាយុ៣០ ឆ្នាំ មុខរបរនារីបម្រើខារ៉ាអូខេ ស្នាក់នៅភូមិព្រៃល្វា សង្កាត់កាកាប។
បច្ចុប្បន្ន ជនសង្ស័យទាំង៣នាក់ ត្រូវបានយកទៅសួរនាំនៅ អធិការដ្ឋាននគរបាល ខណ្ឌពោធិសែនជ័យ ដើម្បីកសាងសំណុំរឿង បញ្ជូនទៅកាន់តុលាការ ចាត់ការបន្តតាមនីតិវិធី៕
ផ្ដល់សិទ្ធដោយ៖ ហ្រ្វេសញ៉ូវអាស៊ី
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)