អត្តពលិកឆ្នើមកម្ពុជា៥នាក់ ទទួលបានអាហា រូបករណ៍ទៅហ្វឹកហាត់នៅជប៉ុន
ភ្នំពេញ៖ អត្តពលិកឆ្នើមៗរបស់កម្ពុជាចំនួន៥នាក់ត្រូវបាន គណៈកម្មាធិការជាតិអូឡាំពិកកម្ពុជាសម្រេចផ្ដល់អាហា រូបករណ៍ចេញទៅហ្វឹកហាត់ នៅប្រទេសជប៉ុន ដើម្បីត្រៀម ចូលរួមប្រកួតកីឡាអូឡាំពិក (Olympic Games) នៅទីក្រុង Rio ប្រទេសប្រេស៊ីល នាឆ្នាំ២០១៦ខាងមុខ ។
អត្ដពលិកទាំង៥នាក់នោះរួមមានកីឡាការិនីតេក្វាន់ដូ ម្ចាស់មេដាយមាសកីឡាអាស៊ី ស៊ន សៀវម៉ី និងបងស្រីបង្កើតខ្លួន ស៊ន ដាវីន ។ កីឡាការិនីចំបាប់ម្ចាស់មេដាយមាសកីឡា SEA Games ចូវ សុធារ៉ា និងកីឡាករ ងួន មករា រួមទាំងកីឡាការិនីហែលទឹក ម្នាក់ទៀតគឺកីឡាការិនី ហែម ថុនវិទិនី ។
លិខិតបញ្ជាក់ការផ្ដល់អាហារូបករណ៍ដល់អត្តពលិកឆ្នើម ទាំង៥នាក់ខាងលើ បានប្រគល់ជូនដោយផ្ទាល់ពីសំណាក់លោក វ៉ាត់ ចំរើន អគ្គលេខាធិការគណៈ កម្មាធិការជាតិអូឡាំពិកកម្ពុជា ក្នុងឱកាសបិទកម្មវិធីយល់ដឹងអំពីតម្លៃ និងការអប់រំអូឡាំពិក ឆ្នាំ២០១៥កាលពីម្សិលមិញនៅទីស្នាក់ការ NOCC ដែលរៀបចំឡើងដោយក្រុម និស្សិតជប៉ុនចំនួន ៥នាក់ផងនោះ ។
លោក វ៉ាត់ ចំរើន បានមានប្រសាសន៍ថា អាហារូបករណ៍ខាងលើ នឹងជួយឲ្យអត្ដពលិកកម្ពុជា មានសមត្ថភាពគ្រប់គ្រាន់ ក្នុងការស្វែងរកមេដាយជូនជាតិ ក្នុងការប្រកួតកីឡាអូឡាំពិក ឆ្នាំ២០១៦ខាងមុខ ប៉ុន្ដែអត្តពលិក ក៏ត្រូវយកចិត្តទុកហ្វឹកហាត់ផងដែរ ។ ចំពោះការស្នាក់នៅ និងអាហារហូបចុកគឺខាង Olympic Solidarity ជាអ្នកសម្របសម្រួល និងគ្រប់ គ្រងការចំណាយរបស់អត្តពលិក កម្ពុជាក្នុងពេលហ្វឹកហាត់នៅទីនោះ ។
លោកបានបន្តថា ចំពោះរយៈពេលហ្វឹកហាត់ គឺវែងគួរសមល្មម ដែលអត្តពលិកកម្ពុជាអាចក្រេបជញ្ជក់ យកចំណេះដឹងមកអភិវឌ្ឍន៍ វិស័យកីឡាកម្ពុជាឲ្យកាន់តែរីកចម្រើន ពោលគឺគិតចាប់តាំងពីខែមករា ឆ្នាំ២០១៥ រហូតដល់ខែសីហា ឆ្នាំ២០១៦ឯណោះ ៕
ផ្ដល់សិទ្ធដោយ៖ ដើមអម្ពិល
- អូអុិឈិ តែបៃតងលេខ១ នៅកម្ពុជា រកឃើញអ្នកឈ្នះរង្វាន់ ៨នាក់ ពីកម្មវិធី (05/03/2019 17:02:00)
- គន្លឹះទាំងនេះ ជួយឱ្យអ្នកស្រកខ្លាញ់ក្បាលពោះយ៉ាងមានប្រសិទ្ធភាព (04/03/2019 16:07:00)
- ហេតុអ្វី ខ្ញុំមិនប្រសើរដូចគេ? វគ្គ១ (27/02/2019 12:05:00)
- វីធីរក្សាជីវិតគូឲ្យបានយួរអង្វែង (20/02/2019 14:36:00)
- រៀបការបានមួយខែ នី រតនា មានកាដូពិសេសជូនហ្វេនៗ (19/02/2019 09:59:00)
- តោះមកដឹងទីតាំងដែល តារាចម្រៀង សុខ ពិសី ប្រកាសអញ្ជើញលោកតា លោកយាយ ដែលខ្វះខាតមកពិសារបាយថ្ងៃមួយពេល (13/02/2019 12:04:00)
- សុខ ពិសី មិនត្រឹមតែស្អាត និងច្រៀងពិរោះប៉ុណ្ណោះទេ តែថែមទាំងចិត្តល្អទៀត! តើនាងធ្វើអំពើល្អអ្វីខ្លះទៅ (12/02/2019 13:45:00)
- មិននឹកស្មានថា ស្លឹកត្របែកក៏អាចព្យាបាលរោគស្រ្ដីប្រភេទនេះបានដែរ! (09/02/2019 09:08:00)
- វិធីទាក់ចិត្ដបុរសឱ្យលង់ស្នេហ៍នឹងអ្នក ដែលអ្នកមិនធ្លាប់ដឹង (30/01/2019 15:08:00)
- សុខ ពិសី ទប់ទឹកភ្នែកលែងជាប់ ក្រោយម្តាយ ខេមរៈ ស្រីពៅ រៀបរ៉ាប់រឿងរ៉ាវមុនពេលនាងទទួលមរណភាព (28/01/2019 11:07:00)
កីឡាជាតិ ដែលមើលច្រើន
