វិធីសាស្ត្ររៀនសម្រាប់ អ្នកមមាញឹកក្នុងការងារ

យល់ដឹង

វិធីសាស្ត្ររៀនសម្រាប់ អ្នកមមាញឹកក្នុងការងារ

02:27 PM 17.07.2014
Print Email

អ្នកដែលមានការងារ ធ្វើពុំសូវមានពេលវេលាគ្រប់គ្រាន់ សម្រាប់សិក្សាទេ ។ ដូច្នេះគេគួរគប្បី ប្រើប្រាស់ពេលរវេលាខ្លីៗ ឲ្យមានប្រសិទ្ធភាពបំផុត ។

១. ចូររៀបចំបញ្ជីកិច្ចការងារ ដាក់តាមខ្លួនជានិច្ច ដូចជាថ្ងៃនេះ ត្រូវធ្វើលំហាត់គណិតវិទ្យា ៣លំហាត់ គណនេយ្យ១មេរៀន ទិញសម្លៀកបំពាក់២សម្រាប់ ជួបប្រជុំជាមួយភ្ញៀវម៉ោង១០ព្រឹក ។ល។

២. ចូររៀបចំសម្ភារៈសិក្សា ឲ្យមានគ្រប់គ្រាន់រួចជាស្រេច ដូចជាកត់ចំនុចសំខាន់ នៃខ្លឹមសារមេរៀន ដាក់លើក្រដាសតូចៗ ដែលអាចដាក់តាមខ្លួនបាន ឬថតសំលេងមេរៀន ដាក់ក្នុងទូរស័ព្ទដៃជាដើម ។

៣. ចូរដាក់ក្រដាសមេរៀននៅក្បែរជញ្ជាំង ឬកន្លែងណាមួយ ដែលអ្នកអាចមើលឃើញ និងអានបាន ពេលកំពុងសិតសក់ បោកខោអាវ ឬធ្វើកិច្ចការផ្សេងទៀត ។

៤. ពេលធ្វើដំណើរទៅធ្វើការ ចូរចាក់មេរៀនក្នុងទូរស័ព្ទដៃស្តាប់ ។

៥. ពេលដើរពីកន្លែងចតរថយន្ត ឬម៉ូតូទៅថ្នាក់រៀនឬកន្លែងធ្វើ ចូរទន្ទេញមេរៀនតាមកំណត់ត្រា ឬស្តាប់មេរៀន ។

៦. អ្នកអាចបរិភោគអាហារ ថ្ងៃត្រង់បណ្តើរ ស្តាប់មេរៀនបណ្តើរក៏បាន ។

ការចេះប្រើពេលវេលាខ្លីៗ ឲ្យមានប្រសិទ្ធភាព និងគុណប្រយោជន៍ ជួយឲ្យអ្នកមានពេលវេលា គ្រប់គ្រាន់សម្រាប់គ្រួសារ ការងារ និងការសិក្សា ដោយមិនប៉ះពាល់ដល់ដំណេក ។

ប្រែសម្រួលរៀបរៀងដោយ គេហទំព័រសាលារៀន salarean.com