CamNews

ស្វែងរកកំរិតខ្ពស់
ព័ត៌មានអន្តរជាតិ 

យោធាកូរ៉េខាងត្បូង៖ កូរ៉េខាងជើង​​កំពុងត្រៀម​គ្រាប់មីស៊ីល ទុកបាញ់​អបអរសាទរ លទ្ធផលបោះឆ្នោត​ប្រធានាធិបតី

(សេអ៊ូល)​៖ យោធាកូរ៉េខាងត្បូងបាននិយាយថានៅថ្ងៃចន្ទនេះថា កូរ៉េខាងជើងអាចនឹងបាញ់សាកល្បងគ្រាប់ មីស៊ីលផ្លោងរយៈចំងាយមធ្យម Musudan​ នៅចំថ្ងៃដែលប្រជាជនអាមេរិកនាំគ្នាទៅបោះឆ្នោតជ្រើសរើសប្រធានាធិបតីថ្មី របស់ពួកគេនៅថ្ងៃទី០៨ ខែវិច្ឆិកាខាងមុខនេះ។​ នេះបើយោងតាមការចេញផ្សាយនៅមុន នេះបន្តិចដោយសារព័ត៌មានកូរ៉េខាងត្បូង យ៉ុនហាប់ នាព្រឹកថ្ងៃចន្ទ ទី០៧ ខែវិច្ឆិកា ឆ្នាំ២០១៦។

ប្រភពដដែលបានឱ្យដឹងទៀតថា «ការរំពឹងទុកចំពោះការបាញ់សាកល្បងមីស៊ីលពីសំណាក់កូរ៉េខាងជើងបានធ្វើ​ឡើងចំពេលដែលក្រុមអ្នកជំនាញបានសន្និដ្ឋានថា ទីក្រុងព្យុងយ៉ាងអាចនឹងបាញ់សាកល្បងគ្រាប់មីស៊ីលផ្លោង Musudan នៅអំឡុងថ្ងៃបោះឆ្នោតជ្រើសរើសប្រធានាធិបតីអាមេរិក ឬក៏ថ្ងៃប្រកាសលទ្ធផលដើម្បី ជាសារព្រមាន​ដល់ប្រធានាធិបតីអាមេរិកថ្មី»។ ម្យ៉ាងវិញទៀតបើគេចាំមិនភ្លេចទេ ជាទម្លាប់កូរ៉េខាងជើងតែងតែដឹកនាំការបាញ់​សាកល្បងមីស៊ីលនានា នៅពេលពិភពលោករៀបចំព្រឹត្តិការណ៍ធំៗម្ដងៗ ជាឧទាហរណ៍ដូចជាកិច្ចប្រជុំកំពូល G20 កាលពីប៉ុន្មានខែមុននេះ ឬក៏ការបោះឆ្នោតជ្រើសរើសប្រធានាធិបតីអាមេរិក កាលពីជំនាន់លោក បារ៉ាក់ អូបាម៉ា ជាដើម។ ​

គួរបញ្ជាក់ថាបើតាមប្រភពយោធាកូរ៉េខាងត្បូង ទីក្រុងព្យុងយ៉ាងទំនងជាកំពុងរៀបចំការបាញ់សាកល្បង មីស៊ីលប្រភេទ Musudan ​នៅក្នុងតំបន់ Kusong នៃខេត្ត Pyongan ភាគខាងជើងដែលជាទីកូរ៉េខាងជើង ធ្លាប់បានបាញ់សាកល្បងមីស៊ីល Musudan កាលពីថ្ងៃទី២០ ខែតុលា កន្លងទៅនេះ ខណៈទីក្រុងសេអ៊ូល និងសហរដ្ឋមេរិក ក៏កំពុងតាមដានផងដែរសកម្មភាពកូរ៉េខាងជើង នៅក្នុងតំបន់ដែលអាចមានការ​សាកល្បងអាវុធនុយក្លេអ៊ែរឈ្មោះ Punggye-ri នោះ៕

ប្រភព ៖ យុនហាប់

ផ្តល់សិទ្ធដោយ ៖ ខ្មែរថកឃីង


Tags: north korea,  south korea,  missile,  satellite

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......