ក្នុងបញ្ជីខ្មៅរបស់អង់គ្លេស មានឈ្មោះកូរ៉េខាងជើង ជាប្រទេសគ្រោះថ្នាក់បំផុតទាំង១០លើពិភពលោក!
(សេអ៊ូល)៖ សារព័ត៌មានមួយរបស់ចក្រភអង់គ្លេសនាពេលថ្មីៗនេះ បានចាត់កូរ៉េខាងជើង ចូលទៅក្នុងបញ្ជីនៃប្រទេសដែលមានភាពគ្រោះថ្នាក់ជាងគេបំផុតក្នុងចំណោមលំដាប់កំពូលៗទាំង១០ប្រទេសលើពិភពលោកនៅក្នុងឆ្នាំ២០១៧នេះ ហើយគួរតែជៀសឲ្យឆ្ងាយតាមតែអាចធ្វើទៅបានដោយផ្អែកលើការរំលោភបំពានសិទ្ធិដ៏ធ្ងន់ធ្ងររបស់របបដឹកនាំទីក្រុងព្យុងយ៉ាង។ នេះបើតាមការចេញផ្សាយដោយទីភ្នាក់ងារព័ត៌មានកូរ៉េខាងត្បូង យ៉ុនហ៉ាប់ នៅមុននេះបន្តិចនារសៀលថ្ងៃព្រហស្បតិ៍ ទី២៦ ខែមករា ឆ្នាំ២០១៧។
ចំណែកឯប្រទេសចំនួន០៩ផ្សេងទៀតរួមមាន សាធារណរដ្ឋអាហ្វ្រិកកណ្តាល, សាធារណរដ្ឋប្រជាធិបតេយ្យកុងហ្គោ, ស៊ូដង់ខាងត្បូង, ស៊ូដង់ , សូម៉ាលី, ស៊ីរី, អ៊ីរ៉ាក់, អាហ្វហ្គានីស្ថាន, និងប៉ាគីស្ថាន។ នេះបើយោងតាមសារព័ត៌មាន Daily Express ដែលបានសរសេរនៅក្នុងការបោះពុម្ពផ្សាយរបស់ខ្លួនកាលពីថ្ងៃទី១៨ ខែមករាយ៉ាងដូច្នេះថា «កូរ៉េខាងជើងត្រូវបានចាត់ចូលជាប្រទេស ដែលមានសុខសន្តិភាពតិចតួចជាងគេបំផុត នៅតំបន់អាស៊ីប៉ាស៊ីហ្វិក»។
ដោយផ្អែកលើរបាយការណ៍ឆ្នាំ២០១៦ របស់អង្គការលើកលែងទោសអន្តរជាតិសារព័ត៌មានខាងលើបានបន្ថែមទៀតថា «ប្រជាជនកូរ៉េខាងជើងនៅតែបន្តរងគ្រោះដោយសារការព្រងើយកន្តើយ និងរំលោភបំពាននៃសិទ្ធិមនុស្សរបស់ពួកគេ ហើយអាជ្ញាធរនៅទីនោះនៅតែបន្តចាប់ និងឃុំខ្លួនបុគ្គលនានាដោយបំពាន និងគ្មានការជំនុំជម្រះក្តីដោយយុត្តិធម៌និងសិទ្ធិទទួលបានមេធាវីការពារខ្លួន និងជួបជុំគ្រួសារដោយរួមបញ្ចូលទាំងជនជាតិកូរ៉េខាងត្បូងថែមទៀតផង»។
គួរបញ្ជាក់ថាសារព័ត៌មានចុះផ្សាយបញ្ជីខាងលើដោយផ្អែកលើតារាង Global Peace Index (GPI) ដែលត្រូវបានរៀបចំឡើងជារៀងរាល់ឆ្នាំដោយវិទ្យាស្ថានសេដ្ឋកិច្ច និងសន្តិភាពដែលមានមូលដ្ឋាននៅទីក្រុងស៊ីដនីនៃប្រទេសអូស្រ្តាលី ហើយ GPI បានវាយតម្លៃទៅលើសុខសន្តិភាពរបស់ប្រជាជាតិនីមួយៗដោយធ្វើការស្ទាបស្ទង់ ទៅលើកំរិតនៃកត្តាចំនួន២៣រួមមាន អំពើហិង្សា, ឧក្រិដ្ឋកម្ម, សង្រ្គាម, និងការចំណាយផ្នែកយោធាជាដើម៕
ប្រភព ៖ យ៉ុនហ៉ាប់
ផ្តល់សិទ្ធដោយ ៖ ខ្មែរថកឃីង
- ទោះបីទទួលមរណភាពច្រើនឆ្នាំហើយ តែហ្វេនមិនដែលភ្លេចសារជូនពរថ្ងៃកំណើតរបស់ Jonghyun នោះទេ (03/05/2019 15:25:00)
- ព្រោះតែតារាចម្រៀង SHINee ទើបធ្វើឲ្យបុរសម្នាក់.....!! (24/04/2019 10:42:00)
- Lee min ho នឹងត្រលប់មកសម្តែងរឿងធម្មតាវិញ ក្នុងកំឡុងពេលបីថ្ងៃខាងមុខនេះ (22/04/2019 16:50:00)
- មិននឹកស្មានថា MV បទ "Kill This Love" របស់ Blackpink មានអ្នកទស្សនាច្រើនដល់ថ្នាក់នេះ ខណៈទើបផុសបាន ១៥ (05/04/2019 13:43:00)
- តារាកូរ៉េទាំង ៩ ដែលមានធ្មេញសរ ចែងចាំង គួរឲ្យទាក់ទាញ (22/03/2019 15:25:00)
- Minho នឹងធ្វើរឿងមួយសិនជូនហ្វេនសិន មុនពេលចូលបម្រើសេវាយោធា (21/03/2019 14:45:00)
- តារាចម្រៀង Park Bom នឹងត្រលប់មកវិញ ជាមួយឹងអាល់ប៊ុមថ្មី នៅខែក្រោយ (15/02/2019 11:33:00)
- តារាចម្រៀងកូរ៉េ នាង Suran នឹងចេញអាល់ប៊ុមខ្នាតតូចថ្មី នៅខែនេះ (14/02/2019 11:42:00)
- បែកធ្លាយដំណឹងថា Suzy និង Lee Min Ho ត្រលប់ទៅបង្កាត់ភ្លើងស្នេហ៍ចាស់ (11/02/2019 11:45:00)
- អ្នកគាំទ្រខឹងសម្បារខ្លាំង ក្រោយ YG បម្រុងរាំស្លៀកឈុតដូច Lisa (14/01/2019 10:07:00)
ព័ត៌មានអន្តរជាតិ ដែលមើលច្រើន
