ប្រមុខ UN ថ្កោលទោស ចំពោះការបាញ់បង្ហោះមីស៊ីលផ្លោងរបស់កូរ៉េខាងជើង
ព័ត៌មានអន្តរជាតិ ៖ នៅថ្ងៃនេះ អគ្គលេខាធិការអង្គការសហប្រជាជាតិ លោក Antonio Guterres បានជំរុញរដ្ឋាភិបាលក្រុងព្យុងយ៉ាងឱ្យវិលត្រឡប់ទៅកាន់ផ្លូវនៃការដកអាវុធនុយក្លេអ៊ែរ ដោយនិយាយថា ការបាញ់បង្ហោះមីស៊ីលចុងក្រោយ ដោយសាធារណរដ្ឋប្រជាមានិតប្រជាធិបតេយ្យកូរ៉េ (DPRK) គឺជាការគំរាមកំហែង ដល់សន្តិភាព និងសន្តិសុខ នៅក្នុងតំបន់។
អ្នកនាំពាក្យបាននិយាយ នៅក្នុងសេចក្តីថ្លែងការណ៍មួយថា៖«លោកអគ្គលេខាធិការ បានថ្កោលទោស ចំពោះការបាញ់បង្ហោះ មីស៊ីលផ្លោងមួយគ្រាប់ផ្សេងទៀត ដោយកូរ៉េខាងជើង”។
អ្នកនាំពាក្យរូបនោះ បានបន្ថែមថា ការបើកដំណើរការបាញ់បង្ហោះមីស៊ីលផ្លោងនោះ បំពានលើសេចក្តីសម្រេចរបស់ក្រុមប្រឹក្សាសន្តិសុខ ហើយនិយាយថា លោក Guterres បានអំពាវនាវដល់កូរ៉េខាងជើងដើម្បីធានាឱ្យបាននូវការអនុលោមតាមច្បាប់ពេញលេញ ជាមួយនឹងកាតព្វកិច្ចអន្តរជាតិរបស់ខ្លួន»។
កូរ៉េខាងជើង បានបាញ់មីស៊ីល ខណៈពេលដែលប្រមុខអង្គការសហប្រជាជាតិ បានបំពេញដំណើរទស្សនកិច្ច ទៅកាន់ទីក្រុងប៉េកាំង ដើម្បីចូលរួមវេទិកា Belt & Road ។ ថ្លែងទៅកាន់លោកប្រធានាធិបតី Xi Jinping លោក Guterres បានបង្ហាញគោលបំណងចែករំលែកនៃការផ្ដួចផ្ដើមវេទិកា “ខ្សែក្រវាត់មួយ វិថីមួយ” និងគោលដៅអភិវឌ្ឍន៍ប្រកបដោយនិរន្តរភាព (SDGs) របស់ប្រទេសចិនដូចជា ការតភ្ជាប់ហេដ្ឋារចនាសម្ព័ន្ធ ពាណិជ្ជកម្ម និងហិរញ្ញវត្ថុ ឱ្យបានស៊ីជម្រៅបន្ថែមទៀត។
មីស៊ីលនេះ ត្រូវបានគេរាយការណ៍ថា បានបាញ់ចេញពីមូលដ្ឋានមួយ នៅក្នុងប្រទេសកូរ៉េខាងជើងភាគពាយព្យ ដែលនៅជិតព្រំដែនជាមួយនឹងប្រទេសចិន៕
ប្រែសម្រួល៖ សារ៉ាត
ប្រភព៖ un.org
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
