បន្ទាយមានជ័យ ៖ កុដិលោកមួយខ្នង ស្ថិតក្នុងវត្តប្រាសាទត្បែង តាមបណ្តោយព្រំដែនកម្ពុជា ថៃ ក្នុងភូមិប្រាសាទត្បែង ឃុំបន្ទាយឆ្មា ស្រុកថ្មពួក ត្រូវបានអគ្គិភ័យឆាបឆេះគ្មានសល់ នៅម៉ោង៥ ព្រឹកថ្ងៃទី១៣ ខែសីហា ឆ្នាំ២០១៤ ។
ក្នុងអគ្គីភ័យឆាបឆេះនេះ គេឃើញមានកម្លាំង នគបាលវរះ ព្រំដែន៨០៧ ចុះជួយអន្តរាគមន៍ជួយពន្លត់ តែកុដិមួយខ្នងមាន ទំហំ ៧×៨ ធ្វើពី ឈើលើ ថ្មក្រោម នេះមិនអាចជួយសង្រ្គោះបានដោយគេអះអាងថា ខ្វះទឹកគ្រប់គ្រាន់ សំរាប់ជះពន្លត់ ។
លោកចៅអធិការវត្តបានឲ្យដឹងថា មូលហេតុដែលនាំឲ្យកុដិមួយខ្នង ត្រូវបានអគ្គីភ័យឆាបឆេះនេះ ដោយសារព្រះសង្ឃដុតភ្លើង ធូបទៀនចោល រួចនិមន្តទៅថ្វាយបង្គំព្រះនៅព្រះវិហារ ហើយត្រូវ ខ្យល់បក់វាំងននប៉ះភ្លើងទៀនឆេះ ហើយក្នុងនោះឆេះសំភារ: មានចានឆ្នាំង និងកន្ទេល ។
