បញ្ជីស្ថាប័នល្បីៗ ច្រើនខ្លាំង Facebook, Twitter, Nasa, White House, Google កោះហៅ "ក្មេងប្រុសនាឡិកា"

ព័ត៌មានអន្តរជាតិ

បញ្ជីស្ថាប័នល្បីៗ ច្រើនខ្លាំង Facebook, Twitter, Nasa, White House, Google កោះហៅ "ក្មេងប្រុសនាឡិកា"

09:13 AM 18.09.2015
Print Email

ព័ត៌មានអន្តរជាតិ ៖ Ahmed Mohanmed ទំនងជា សិស្សវិទ្យាល័យតែម្នាក់គត់ ដែលមានឱកាស ទទួលបានការអញ្ជើញ ពីស្ថាប័នល្បីៗ ក៏ដូចជា ពីបុគ្គលល្បីៗលើលោក រួមមានដូចជា លោកប្រ ធានាធិបតី សហរដ្ឋអាមេរិក បារ៉ាក់ អូបាម៉ា ស្ថាបនិក ហ្វេសប៊ុក លោក Mark Zurkerberg និង អ្នកអវកាស Chris Hadfield ។

ស្ថិតនៅក្នុងវ័យទើបតែ ១៤ ឆ្នាំ យុវសិស្ស មួយរូបនេះ ទទួលបាននូវភាព ល្បីល្បាញជាខ្លាំង នៅ លើសកលលោក ក្នុងរយៈពេលប៉ុន្មានថ្ងៃចុងក្រោយនេះ ក្រោយពីមានកា រយល់ច្រឡំធំ ពាក់ព័ន្ធ នឹងគំនិតច្នៃប្រឌិត ផលិតនាឡិកាច្នៃ ថា ជា គ្រាប់បែកច្នៃ សម្រាប់បំផ្ទុះទៅវិញ ។ គេត្រូវបានចាប់ ឃាត់ខ្លួន បន្ទាប់ពីយក នាឡិកាច្នៃ មួយគ្រឿងនោះ ទៅបង្ហាញ ដល់ ថ្នាក់រៀន វិទ្យាល័យ នារដ្ឋ តិចសាស់ សហរដ្ឋអាមេរិក ។ មានករណីផ្ទុះឡើង នូវ កំហឹង ជាខ្លាំង នូវអ្វីដែលបានកើតឡើង ដែលជាការយល់ច្រឡំដល់ធំប្រការនេះ ឈានទៅ ដល់ យុទ្ធនាការ គាំទ្រ និងលើកទឹកចិត្ត យុវ សិស្សរូបនេះ ពីស្ថាប័ន ក៏ដូចជា បុគ្គលល្បីលើលោក ។

យុវសិស្ស Ahmed គូសបញ្ជាក់ដល់សារព័ត៌មាន អោយដឹងថា ខ្លួននឹងធ្វើដំណើរ ទៅជួបលោក អូបាម៉ា នារដ្ឋធានីវ៉ាស៊ិនតោន នៅឯ សេតវិមាន ប៉ុន្តែ សេតវិមាន មិន មែន ជាកន្លែងតែមួយគត់ ដែល Ahmed ត្រូវបាន កោះហៅ ឬអញ្ជើញ អោយធ្វើទស្សនកិច្ចនោះទេ ពោល នៅមានស្ថាប័ន ល្បីៗ ក៏ដូចជា បុគ្គលល្បីៗមួយចំនួន ផ្សេងទៀត ធ្វើការកោះហៅ និង អញ្ជើញអោយធ្វើទស្សន កិច្ចដូចគ្នាដែរ រួមមានដូចជា ៖ Facebook, Twitter, Chris Hadfield (science show), Google, Box CEO Aaron, NASA ជាដើម ៕

- អាន ៖ យុវសិស្ស វ័យ ១៤ ឆ្នាំ ផលិត នាឡិកាច្នៃ ច្រឡំថា គ្រាប់បែក ល្បីខ្លាំង ដល់ Obama កោះហៅ ទៅ សេតវិមាន