ទារិកាអភ័ព្វ កើតមកមានជើង ច្រើនជាងធម្មជាតិ
ការមានកូនម្នាក់ដែលមានសុខភាពល្អ មានកាយសម្បទាគ្រប់គ្រាន់ និងស្រស់ស្អាត គឺជាក្ដីប្រាថ្នារបស់មនុស្សគ្រប់គ្នា ប៉ុន្ដែ មានពេលខ្លះ មនុស្សត្រូវទទួលការខកចិត្តជាខ្លាំង ដូចករណីប្ដីប្រពន្ធជនជាតិចិន ឈ្មោះ Ning Peinuo និង Ningpei Na រស់នៅក្នុងខេត្រ Hubei បែរជាត្រូវស្រក់ទឹកភ្នែក នៅពេលឃើញកូនដែលខ្លួនបានផ្ដល់កំណើត មានអវយវៈលើសពីធម្មជាតិ។
ទារិការនេះ មានឈ្មោះថា Jia Qian កើតមក មានសុខភាពមាំមួន មុខមាត់ស្រស់បស់ លើកលែងតែផ្នែកខាងក្រោមរបស់នាង។ Jia Qian មានជើងដល់ទៅ ៣ ! តាមការសន្និដ្ឋានរបស់គ្រូពេទ្យ សាច់ដុះនេះ គឺជាកន្ទុយមួយដែលបានរីកចម្រើនទៅជាជើងទីបី។
Jia Qian កើតមក មានសុខភាពមាំមួន មុខមាត់ស្រស់បស់ ប៉ុន្ដែ នាងមានជើងដល់ទៅ ៣
ដំបូងឡើយ ដោយសារតែស្ថានភាពគ្រួសារក្រលំបាក ប្ដីប្រពន្ធខាងលើ បានយល់ស្របគ្នា យកកូនរបស់ខ្លួន ទៅផ្ញើនៅមណ្ឌលកុមារកំព្រា ប៉ុន្ដែឆ្លងកាត់ការពិចារណាពេញមួយយប់ និងដោយសារអាណិត ស្រឡាញ់កូនខ្លាំងពេក ពួកគេក៏ទៅសុំយកមកវិញ។
អ្នកស្រី Ningpei Na ដែលជាម្ដាយរបស់ទារិកា Jia Qian ឱ្យដឹងថា កាលពីមានផ្ទៃពោះបាន ៧ខែ គ្រូពេទ្យបានព្រមានអំពីរូបរាងមិនប្រក្រតីរបស់ទារក ប៉ុន្ដែពួកគាត់មិនអាចស្មានដល់ថា បញ្ហានឹងទៅជាយ៉ាងនេះ។ គ្រួសារ Ningpei Na មានការព្រួយបារម្ភជាពន់ពេកចំពោះស្ថានភាពរបស់កូនស្រីខ្លួន ដោយសារ គ្រួសារគាត់មិនមានប្រាក់ដើម្បីអាចនាំកូនទៅមន្ទីរពេទ្យវះកាត់។
ប៉ុន្ដែ ជាសំណាងល្អ កាលពីចុងសប្ដាហ៍កន្លង ទារិកាអភ័ព្វ Jia Qian ត្រូវបានមូលនិធិកុមារនៅខេត្រ Hubei ផ្ដល់ជំនួយជាថវិកា សម្រាប់ការចំណាយទៅលើការវះកាត់ នៅមន្ទីរពេទ្យល្បីឈ្មោះមួយនៅក្រុងប៉េកាំង។ សង្ឃឹមថា ក្រោយការវះកាត់ ទារិកាជើងបី Jia Qian នឹងធំឡើងដូចកុមារដទៃទៀត!
ដោយ ៖ តារា
ប្រភព ៖ k14
- ផ្កាឈូករត្ន័ដ៏ស្រស់ស្អាត ដុះចេញជារូបរាង គួរឲ្យទាក់ទាញ នៅក្នុង ទីក្រុងប៉េកាំង (18/08/2017 10:57:00)
- ដឹងមូលហេតុដែលគេសម្រេចចិត្តធ្វើនំខេកមានទម្ងន់ដល់ទៅ ៣ តោននេះ ទើបហួសចិត្ត...! (08/08/2017 11:25:00)
- អតីតប្រធានាធិបតី រងការចោទប្រកាន់ ថាបានធ្វើឲ្យ បែកធ្លាយឯកសារសម្ងាត់ (14/03/2017 15:48:00)
- មេដឹកនាំពិភពលោកកំពូលៗ ទាំង១០រូប ដែលមានប្រាក់ខែខ្ពស់បំផុត (30/01/2017 14:16:00)
- កំពូលមហាសេដ្ឋីទាំង១០ មានលុយច្រើនជាងគេបំផុត ក្នុងឆ្នាំ២០១៦ (30/01/2017 14:08:00)
- ទីបំផុតទីក្រុងហុងកុងព្រមទទួលស្គាល់ថា «គ្មានផ្លូវអាចទទួលឯករាជ្យ ឬផ្តាច់ខ្លួនចេញពីចិនបានជាដាច់ខាត (18/01/2017 14:33:00)
- អស្ចារ្យណាស់, អ្នកកើតជម្ងឺ ៨មុខនេះ ផ្លែដូង អាចជួយព្យាបាល យ៉ាងមានប្រសិទ្ធភាព (12/01/2017 13:41:00)
- ហាមមិនស្ដាប់! នាវាពិឃាដអាមេរិក USS Mahan បាញ់ ៣គ្រាប់ ព្រមាន នាវាល្បាតអ៊ីរ៉ង់ (10/01/2017 11:15:00)
- តើត្រូវចំណាយពេលអស់ប៉ុន្មានឆ្នាំ ទើបរកប្រាក់បាន ១លានដុល្លារ? (09/01/2017 10:45:00)
- មេដឹកនាំពិភពលោកកំពូលៗ ទាំង១០រូប ដែលមានប្រាក់ខែខ្ពស់បំផុត (06/01/2017 14:43:00)
ប្លែកៗ ដែលមើលច្រើន
