ឡានបុកឡាន ម្ខាងចុះមកកាន់ជើងកាម៉េរ៉ាក្នុងស្រោមខ្មៅស្មានថា កាំភ្លើង AK ប្តឹងសមត្ថកិច្ចផ្អើល
(ភ្នំពេញ)៖ ករណីយល់ច្រឡំមួយបានកើតឡើងបង្កឲ្យមានការភ្ញាក់ផ្អើលដល់សមត្ថកិច្ចស្ទើរតែទូទាំងខណ្ឌទួលគោក ដោយសារតែរថយន្ត Lexus-570 ប៉ះគ្នាជាមួយរថយន្ត Camry បាឡែន បណ្តាយឲ្យដាច់កង់មុខខាងឆ្វេងហើយចុះមកជជែកវែកញែកគ្នា ខណៈនេះមានរថយន្តកាមរីឆ្លាម១គ្រឿងជាមិត្តភក្តិរបស់ម្ចាស់រថយន្តកាមរីបាឡែនមកដល់ ក៏ចុះពីឡានដោយមានកាន់ជើងកាមេរ៉ាមកជាមួយផង ភ្លាមៗនោះម្ចាស់រថយន្ត Lexus មើលទៅស្មានថាកាន់កាំភ្លើងអាកាក៏ឡើងឡានបើកចេញបាត់ ហើយទូរស័ព្ទប្តឹងសមត្ថកិច្ច ។
ករណីយល់ច្រលំនេះកើតឡើងកាលពីវេលាម៉ោង១០៖៤០នាទីយប់ ថ្ងៃទី២៨ ធ្នូ ឆ្នាំ២០១៥ នៅមុខ សាលតិចណូ តាមបណ្ដោយមហាវិថីសហពន្ធរូស្ស៊ី ស្ថិតក្នុងសង្កាត់ទឹកល្អក់ទី១ ខណ្ឌទួលគោក ។
បន្ទាប់ពីម្ចាស់រថយន្ត Lexus ទូរស័ព្ទប្តឹងថា មានគេកាន់កាំភ្លើងអាកាមកគំរាមដោយសារតែគ្រោះថ្នាក់ប៉ះរថយន្តគ្នាបន្តិចបន្តួចសោះបែបនេះ សមត្ថកិច្ចស្ទើរតែទូទាំងខណ្ឌទួលគោកបានចុះមកអន្តរាគមន៍ភ្លាមៗនៅកន្លែងកើតហេតុ ប៉ុន្តែអ្វីដែលធ្វើឲ្យសមត្ថកិច្ចហួសចិត្តនោះគឺ ពុំមានកាំភ្លើងអាកាដូចការរាយការណ៍ឡើយ គឺគ្រាន់តែជើងកាមេរ៉ាដែលមានដាក់ស្រោមពណ៌ខ្មៅមួយប៉ុណ្ណោះ ។
ក្រោយពេលសមត្ថកិច្ចធ្វើការពិនិត្យរថយន្ត Camryឆ្លាមរួចហើយ ក៏បានធ្វើការបញ្ជាក់ប្រាប់អ្នកសារព័ត៌មានទាំងអស់ថា នេះគ្រាន់តែជាការយល់ច្រលំតែប៉ុណ្ណោះ ការពិតពុំមានយកកាំភ្លើងអាកាគំរាមដូចការាយការណ៍នោះទេ គឺគ្រាន់តែជាជើងកាមេរ៉ាប៉ុណ្ណោះ ព្រោះពួកគាត់ទើបចេញមកពីស៊ីការគេ។
ក្រោយពេលពិនិត្យរួចរាល់អស់ហើយ និងបញ្ជាក់ថាគ្រាន់តែជាការយល់ច្រឡំនោះ សមត្ថកិច្ចក៏អនុញ្ញាតឲ្យរថយន្តទាំង២គ្រឿងបន្តដំណើរទៅផ្ទះទៅ៕
ផ្ដល់សិទ្ធដោយ៖ ហ្វ្រេសញ៉ូវអាស៊ី
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)