CamNews

ស្ទើរតែមិ​នគួរអោយជឿ ៖ ទីភ្នាក់ងារសារព័ត៌មានបរទេស ដេលីម៉ែល បានចេញផ្សាយអោយ
ដឹងថា វាគឺជាករណីដ៏កម្រមួយ ដែលស្ទើរតែមិនគួរអោយជឿ ខណៈពេលដែលស្រ្តីម្នាក់ បាន
កើតកូនស្រីដែលមានសុខភាពល្អមួយទម្ងន់ដល់ទៅ ជិត ១៤ ផោន ស្នើនឹង ៦ គ.ក ​ឯណោះ

គួរបញ្ជាក់ផងដែរថា ស្រ្តីជាម្តាយរូបនោះមានឈ្មោះថា Michelle Cessna ជាពលរដ្ឋរស់នៅ
ក្នុងរដ្ឋ Pennsylvania សហរដ្ឋអាមេរិក។ ដោយឡែក កូនស្រីដែលទើបតែកើតរូបនោះមាន
ឈ្មោះថា    Addyson Gale Cessna  គេពិតជាមានសុខភាពល្អហួស  ខណៈពេលដែលគេ
មានទម្ងន់ដល់ទៅ ៦ គ.ក បន្ទាប់ពីស្រ្តីជាម្តាយបានផ្តល់កំណើតដល់គេ  ក្រោយពីក្រុមវេជ្ជ
បណ្ឌិតធ្វើការវះកាត់ដោយទទួលបានជោគជ័យ  នៅឯមន្ទីរពេទ្យ  Armstrong County Me-
morial Hospital រដ្ឋ  Pennsylvania សហរដ្ឋអាមេរិក។

ដោយឡែក     បើយោងតាមសម្តីលោកវេជ្ជបណ្ឌិត Amy Turner  ជាអ្នកជំនាញដែលបានវះ
កាត់ស្រ្តី ជាម្តាយរូបនោះផ្ទាល់    អោយដឹងថា  ដើមឡើយនៅពេលដែលក្រុមការងារយើងខ្ញុំ
បានវះកាត់បានសម្រេច​   និងឃើញក្មេងស្រីនោះ  ជាលើកដំបូង  ពួកយើងបានគិតថា គេទំ
នងជាមានទម្ងន់ប្រមាណជាង  ៥ គ.ក  នោះទេ  តែដឹងអីថា  គេមានទម្ងន់ដល់ទៅ  ៦ គ.ក
លើសពីការរំពឹងទុកដ៏ច្រើនរបស់ពួកយើងទៅទៀត។

លើសពីនេះទៅ ប្រភពសារព័ត៌មានដដែលបន្ថែមថា​ ក្រុមវេជ្ជបណ្ឌិតមិនដែលធ្លាប់បានរក្សា
ទុកនូវកំណត់ត្រាផ្លូវការ ស្តីពីទម្ងន់ទារកតូចទើបតែកើតនោះទេ តែលោកវេជ្ជបណ្ឌិតអាចនិ
យាយបានថា ទារិកាមួយនេះ ពិតជាមានទម្ងន់ធ្ងន់ជាងគេបំផុត  ក្នុងទំព័រប្រវតិ្តសាស្រ្តមន្ទីរ
ពេទ្យមួយនេះ  ។ ទន្ទឹមនឹងនេះ  បើយោងតាមសម្តីស្រ្តីជាម្តាយ  ក៏ដូចជាបុរសម្នាក់ដែលជា
ស្វាមី អោយដឹងថា ពួកគេបានរំពឹងទុកថា កូនស្រីរបស់ខ្លួន និងមានសុខភាពល្អប្រកបទៅ
ដោយសាច់ត្រលុកត្រលន់ តែដឹងអីថា គេពិតជាមានគីឡូធ្ងន់មែនទែន៕

ដោយ​ ៖ ពិសី
ប្រភព ៖ ដេលីម៉ែល