CamNews

ស្វែងរកកំរិតខ្ពស់
ព័ត៌មានអន្តរជាតិ 

«លោក ដូណាល់ ត្រាំ នឹងបន្តគោលនយោបាយ លោក អូបាម៉ា ដែលប្រឆាំងចិន ក្នុងបញ្ហាសមុទ្រចិនខាងត្បូង»

(ហាណូយ)៖ ប្រធានាធិបតីអាមេរិកមិនថាជាអ្នកណា ឬមកពីណានោះទេរួមទាំង លោក ដូណាល់ ត្រាំ នឹងនៅតែប្រកាន់ជំហរបន្តគោលនយោបាយ លោក បារ៉ាក់ អូបាម៉ា ក្នុងការប្រឆាំងនឹងសកម្មភាពរបស់​ចិននៅតំបន់សមុទ្រចិនខាងត្បូង​ តាមរយៈការផ្ដល់ជំនួយគាំទ្រដល់ភាគីជម្លោះជាមួយ​ទីក្រុងប៉េកាំង។ នេះបើតាមសម្តីអ្នកជំនាញយោធាវៀតណាម លោក Le​ Van Cuong ដែលចុះផ្សាយដោយសារព័ត៌មាន​រុស្ស៊ី Sputnik ​នៅរសៀលថ្ងៃអង្គារ ទី០៦ ខែធ្នូ ឆ្នាំ២០១៦។

លោក Le Van Cuong នៅក្នុងបទសម្ភាសន៍ជាមួយ Sputnik​ បានគូសបញ្ជាក់ថា «នារយៈពេលប៉ុន្មានឆ្នាំ​ចុងក្រោយនេះចិនបានសាងសង់ព្រលានយន្ដហោះ និងហេដ្ឋារចនាសម្ព័ន្ធយោធា​ជាច្រើននៅលើប្រជុំ​កោះ Spratley​ (....) រីឯសហរដ្ឋអាមេរិកបានជំទាស់យ៉ាងខ្លាំងនឹងសកម្មភាពនេះ ហើយនយោបាយបែបនេះ នឹងត្រូវបន្តមិនថានៅក្រោមរបបដឹកនាំ​របស់ប្រធា​នា​ធិបតីអាមេរិកម្នាក់​ណានោះទេ រួមទាំងលោក ដូណាល់ ត្រាំ ផងដែរដែលធ្លាប់រិះគន់ដល់​ការសាងសង់កោះសប្បនិម្មិត​របស់ចិននៅតំបន់សមុទ្រ​ចិនខាងត្បូង»។

គួរបញ្ជាក់ថាជម្លោះដែនដីនៅសមុទ្រចិនខាងត្បូងរវាងចិន និងបណ្ដាប្រទេសក្នុងតំបន់អាស៊ីអាគ្នេយ៍ ដូចជា ហ្វីលីពីន វៀតណាម ម៉ាឡេស៊ី និងព្រុយណេ បានធ្វើឱ្យទំនាក់ទំនងសហរដ្ឋអាមេរិក-ចិន ប្រែជាស្មុគស្មាញ ត្បិតទីក្រុងវ៉ាស៊ីនតោន តែងតែរិះគន់ទីក្រុងប៉េកាំង សម្រាប់ការប្រើឥទ្ធិពលក្នុងនាមជាមហាអំណាច ដាក់សម្ពាធលើប្រទេសតូចតាចដែលជាភាគីជម្លោះ ខណៈចិនក៏បានព្រមាន​សហរដ្ឋអាមេរិកដែរ កុំឱ្យលូកដៃចូលក្នុងជម្លោះមួយនេះដោយទុកឱ្យភាគី ជម្លោះទំាងអស់ជាអ្នកដោះស្រាយបញ្ហា៕ ​


ផ្តល់សិទ្ធិដោយ ៖ ហ្រ្វេសញ៉ូវអាសុី 


Tags: Donal trump, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......