CamNews

ស្វែងរកកំរិតខ្ពស់
ព័ត៌មានអន្តរជាតិ 

បំផ្ទុះគ្រាប់បែក បាញ់ប្រហារនៅព្រលានយន្ត​ហោះទួគី សម្លាប់មនុស្ស ៣៦នាក់

ករណីបំផ្ទុះគ្រាប់បែក និងបាញ់ប្រហារជាបន្តបន្ទាប់ នៅឯព្រលានយន្តហោះ Ataturk នាក្រុង
Istanbul កាលពីម្សិលមិញ សម្លាប់មនុស្សយ៉ាងតិច ៣៦នាក់។

ទំព័រ AFP ដកស្រង់សំដីអាជ្ញាធរ​ឱ្យដឹងថា ក្រុមជនល្មើស បានបាញ់ប្រហារទៅលើសន្ដិសុខ
ព្រលានយន្តហោះ មុនពេលពួកគេចុចបំផ្ទុះគ្រាប់បែកអត្តឃាត។

មន្ដ្រីទួគីនិយាយថា យ៉ាងហោច មានអ្នកស្លាប់ចំនួន ៣៦នាក់ និងអ្នករងរបួសចំនួនជាង ១៥០
នាក់។ ទូរទស្សន៍ NTV ឱ្យដឹងថា ភាគច្រើននៃអ្នកស្លាប់ដោយសារអំពើភេរវកម្មនេះ គឺជាជន
ជាតិទួគី​ ហើយមួយចំនួនទៀត គឺជាជនបរទេស។

សាក្សីបាននិយាយថា ភាពច្របូកច្របល់​បានកើតឡើងនៅកន្លែងកើតហេតុ។ រូបភាពនៅលើ
បណ្ដាញសង្គម ក៏បានបង្ហាញថា អ្នកដំណើរដេកដួលនៅលើឥដ្ឋ និងមានកាំភ្លើង AK-47 បង្ហាញ
ខ្លួន ក្រោយពីអំពើភេរវកម្មបានកើតឡើង។

សាក្បីម្នាក់បានប្រាប់ CNN-Turk ថា “ការបំផ្ទុះគ្រាប់បែកនេះ លាន់លឺសូខ្លាំង មនុស្សរាល់គ្នា
ភ័យខ្លាច រត់រប៉ាត់រប៉ាយ។

Paul Roos អាយុ ៧៧ឆ្នាំ ឱ្យដឹងថា ខ្មាន់កាំភ្លើងម្នាក់បានបាញ់ប្រហារទៅលើមនុស្សដែលនៅ
ពីមុខវា។ វាពាក់ឈុតខ្មៅ មិនបិទមុខនោះទេ។ Paul Roos បន្តថា “យើងខ្ញុំបានជ្រោកខាង
ក្រោយកន្លែងប្រមូលប្រាក់។ ខ្ញុំក្រោកឈរដើម្បីមើល ក៏ស្រាប់តែលឺសម្លេងផ្ទុះបន្តបន្ទាប់”។

នគរបាលបានប្រើរបងព័ទ្ធជុំវិញកន្លែងកើតហេតុ ខណៈដែលមានរថយន្តរាប់សិបគ្រឿងកំពុង
ដឹកអ្នករបួសទៅមន្ទីរពេទ្យ។

ទំព័រ Dogan ដកស្រង់ប្រភពពីនគរបាល​ឱ្យដឹងថា ករណីនេះ អាចទាក់ទឹននឹងក្រុមរដ្ឋអ៊ីស្លាម
ប៉ុន្តែ ក្រុមមន្ដ្រីទួគីយល់ថា គេមិនទាន់សន្និដ្ឋានបាននៅឡើយ។

ប្រែសម្រួល ៖ បុត្រា


Tags: បំផ្ទុះគ្រាប់បែក,  ភេរវកម្ម,  ទួគី

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......