CamNews

ដើម្បីកាត់បន្ថយករណីកុមារត្រូវបានពុកម្ដាយបោះបង់ចោល នៅតាមដងផ្លូវ អាជ្ញាធរប្រទេសចិន បានសាងសង់មជ្ឈមណ្ឌលគាំពារសង្គម ចំនួន ២៥កន្លែង ដែលមាននៅក្នុងខែត្រ និងក្រុងចំនួន
១០។ ជារៀងរាល់ថ្ងៃ ទិដ្ឋភាពនៃការបោះបង់កូន នៅក្នុងមជ្ឈមណ្ឌលនេះ ធ្វើឱ្យគេមិនអាចទប់ទឹក
ភ្នែកបាន។

ទំព័រ News របស់អូស្ដ្រាលី ដកស្រង់ព័ត៌មានពីប្រទេសចិន ឱ្យដឹងថា បណ្ដាមជ្ឈមណ្ឌលគាំពារ
កុមារកំព្រានេះ ត្រូវបានគេហៅថា “baby hatch” ។ Baby hatch ជាកន្លែងទទួលចិញ្ចឹម និងថែទាំ
កុមារដែលត្រូវពុកម្ដាយបោះបង់ចោល ហើយកុមារមួយចំនួនធំ ក៏ត្រូវបានគ្រួសារដែលចង់បាន
កូន សុំយកទៅចិញ្ចឹម។

ការបោះបង់កូន គឺជាអំពើខុសច្បាប់ នៅប្រទេសចិន ដូច្នេះ ពុកម្ដាយដែលមិនមានលទ្ធភាពចិញ្ចឹម
កូន តែងតែយកមក “ចោល” នៅទីនេះ ដោយសង្ឃឹមថា នឹងមានសុវត្ថិភាព និងអនាគតល្អ ជាង
នៅតាមដងផ្លូវ។

ម្ដាយ​រុញ​ឱ្យ​កូន​ទៅ​ ក្នុង​បំណង​បោះ​បង់​កូន​

មូលហេតុដែលបណ្ដាលឱ្យកុមារមួយចំនួនធំ ត្រូវពុកម្ដាយបោះបង់ចោល គឺពួកគេមានជម្ងឺផ្សេងៗ ហើយពុកម្ដាយមិនមានលទ្ធភាពព្យាបាល ក្រៅពីនេះ គោលនយោបាយកូនមួយ របស់ចិន ក៏ជា
កត្តារួមចំណែកផងដែរ ឱ្យមានការបោះបង់កូន នេះដែរ។

ប្ដី​ប្រពន្ធ​មួយ​គូ កំពុងយំ និង​ឱប​កូន​ជា​លើក​ចុង​ក្រោយ នៅ​ចំពោះ​មុខ​បុគ្គ​លិក​មជ្ឈ​មណ្ឌល

ការបង្កើតមជ្ឈមណ្ឌលទាំងនេះ ក្រៅពីត្រូវគេសរសើរ ក៏មានមតិជាច្រើន យល់ថា វាជាការលើក
ទឹកចិត្ត ឱ្យពុកម្ដាយ បោះបង់កូនរបស់ខ្លួន នៅពេលជួបបញ្ហាក្នុងជីវិត។

ថ្លែងនៅលើទំព័រ South China Morning Post អ្នកម្ដាយម្នាក់ដែលបានបោះបង់កូនរបស់ខ្លួន ឱ្យដឹង
ថា ៖ “កូនរបស់ខ្ញុំ មានជម្ងឺ ហើយវានឹងមិនអាចមើលថែខ្លួនឯងបាន នៅពេលវាធំឡើង។ ខ្ញុំគ្រាន់
តែចង់ឱ្យកូន នៅមានជីវិតនឹងគេ”។

សប្បុរស​ជន មក​សួរ​សុខ​ទុក្ខ​កុមារ​កំព្រា

ជាទូទៅ ពុកម្ដាយ តែងដាក់កូនរបស់ខ្លួនចោល នៅក្នុងបន្ទប់រង់ចាំ រួចចុចកណ្ដឹង ហើយក៏ចាកចេញ
ទៅ មុននឹងបុគ្គលិកមណ្ឌលមកដល់។

ប្រែសម្រួលដោយ ៖ តារា
ប្រភព ៖ SCMP/NEWS