មេខ្លោងចោរប្លន់ប្រដាប់អាវុធម្នាក់ ត្រូវកម្លាំងនគរបាលខេត្តកែប តាមបង្ក្រាបក្រោយគេចខ្លួន រយៈពេល៦ឆ្នាំ
(កែប)៖ មេខ្លោងចោរប្លន់ប្រដាប់អាវុធម្នាក់ ដែលសមត្ថកិច្ចអះអាងថា មានគ្រោះថ្នាក់បំផុតនោះ ត្រូវបានកម្លាំងនគរបាលខេត្តកែប តាមបង្ក្រាប និងចាប់ខ្លួនបានហើយ នៅព្រឹកថ្ងៃទី១៥ ខែធ្នូ ឆ្នាំ២០១៥ នេះ ក្រោយពីបានរត់គេចខ្លួន អស់រយៈពេល៦ឆ្នាំរួចមក។
យោងតាមរបាយការណ៍ របស់ស្នងការនគរបាលខេត្តកែប លោកឧត្តមសេនីយ៍ អ៉ី សំអុល ដែលអង្គភាព Fresh News ទទួលបាន នៅព្រឹកថ្ងៃនេះ បានបង្ហាញថា មុខសញ្ញាប្លន់ប្រដាប់រូបនេះមានឈ្មោះ វ៉ាន់ ផនហៅ ភា ផន អាយុ២៩ឆ្នាំ ទីលំនៅភូមិដំណាក់ចំបក់ សង្កាត់អូរក្រសារ ក្រុងកែប ដែលបានប្រព្រឹត្តបទល្មើស ប្លន់ប្រដាប់អាវុធកាលពីយប់ថ្ងៃ១៦ ខែ មករា ឆ្នាំ២០០៩ នៅភូមិដំណាក់ចំបក់ សង្កាត់អូរក្រសារ ក្រុងកែប ហើយរត់គេចខ្លួនបាត់ រហូតដល់ថ្ងៃចាប់ខ្លួនតែម្តង។
ជននេះត្រូវបានចៅក្រមស៉េីបសួរសាលាដំបូងខេត្តកំពត លោក ជួន វណ្ណៈ ចេញដីកាបង្គាប់ឲ្យចាប់ខ្លួន ឃុំខ្លួនលេខ១៦៨ ចុះថ្ងៃទី២៩ ខែមិនា ឆ្នាំ២០១២។
ក្រោយទទួលបានដីកាពីតុលាការ កម្លាំងនគរបាលខេត្តកែប ដឹកនាំដោយលោកវរសេនីយឯក ប៉ូង សុខេង ស្នងការរងទទួលបន្ទុកការងារព្រហ្មទណ្ឌ ក្រោមបញ្ជាពីលោកស្នងការ បានធ្វើការងារជំនាញ រហូតចាប់ខ្លួនតែម្តង។
នៅព្រឹកថ្ងៃ១៥ ខែធ្នូ ឆ្នាំ២០១៥នេះ នគរបាលបានបញ្ជូនទៅសាលាដំបូងខេត្តកំពត ដើម្បីអនុវត្តន៍ទោស តាមសាលក្រមកំណត់៕
ផ្ដល់សិទ្ធដោយ៖ ហ្រ្វេសញ៉ូវអាស៊ី
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
- ឧទ្ធរណ៍តម្កល់សាលក្រម នារីម៉ាស្សាសម្លាប់ថៅកែ យកលុយទុកជួយប្ដីជាប់ពន្ធនាគារ (25/05/2019 10:29:00)
- អ្នកដំណើរក្នុងតាក់ស៊ីស្លាប់ទាំអស់ ក្នុងនោះមានជនជាតិចិន ពីរនាក់ (24/05/2019 11:45:00)
- អន្តរក្រសួងនឹងចាត់វិធានការជាបន្ទាន់ដើម្បីដោះស្រាយបញ្ហាទឹកកខ្វក់នៅក្រុងព្រះសីហនុ (24/05/2019 11:04:00)
- ក្រុមហ៊ុនជប៉ុន នឹងវិនិយោគលើដំណាំ sorghum នៅគាស់ក្រឡ (24/05/2019 09:12:00)
- តាមរយៈគោឧសភរាជ ការធ្វើកសិកម្មនៅឆ្នាំនេះទទួលបានផលល្អប្រសើរ (23/05/2019 12:04:00)