CamNews

ហុងស៊ុយ ៖ ឆ្នាំថ្មី មានន័យថា ជាការចាប់ផ្តើមថ្មីដ៏ស្រស់បំព្រង សម្រាប់មនុស្សទាំងអស់គ្នា ហើយតើអ្នកចង់ទាក់ទាញទ្រព្យសម្បត្តិឱ្យចូលមក នៅក្នុងឆ្នាំថ្មីនេះឬទេ? សិល្បៈបុរាណនៃការដាក់កាបូបលុយ អាចជួយបង្កើនលាភសំណាង ខាងទ្រព្យសម្បត្តិលុយកាក់ ឱ្យហូរចូលកាបូបរបស់អ្នក ស្របតាមក្បួនហុងស៊ុយ។ សូម ពិនិត្យមើលនូវទិកនិកទាំង ៨ ខាងក្រោមនេះ ដើម្បីទាក់ទាញទ្រព្យសម្បត្ដិឱ្យហូរចូល ក្នុងកាបូបរបស់អ្នក៖

១. មិនត្រូវឱ្យកាបូរបស់អ្នកមានភាពរញ៉េរញ៉ៃ

ជានិច្ចកាល វាជារឿងល្អ ក្នុងរក្សាកាបូបរបស់អ្នក នៅក្នុងស្ថានភាពស្អាត និងរៀបរយ ដូច្នេះសូមចាប់ផ្តើមសម្អាត និងយកអ្វីៗ ដែលមិនចាំបាច់ ចេញពីកាបូបរបស់អ្នក។  ចំណុនេះ គឺដូចគ្នាទៅនឹងហុងស៊ុយ នៅក្នុងផ្ទះ និងការិយាល័យដែរ ដោយនៅពេល ដែលអ្នកសម្អាតកន្លែង និងយកថាមពលមិនល្អចេញហើយនោះ វានឹងមានកន្លែង ដើម្បីឱ្យថាមពលថ្មីហូរចូលមក ។ ខាងក្រោមនេះ គឺជាវត្ថុ ដែលអ្នកគួរ ឬមិនគួរដាក់ នៅក្នុងកាបូបរបស់អ្នក៖

ក. វិក្កយត្របង់លុយ វិក្កយបត្រកាតឥណទាន ឬអ្វីៗ ដែលតំណាងឱ្យបំណុល ឬការចំណាយប្រាក់

ខ. ជានិច្ចកាល ត្រូវឱ្យមានលុយក្នុងកាបូបរបស់អ្នកជានិច្ច ដោយសារតែ វាគឺជានិមិត្តរូបនៃភាពសម្បូរប្រាក់ចាយវាយមិនខ្វះ។ ចូរជៀសវាងការទុកកាបូបឱ្យទទេគ្មានប្រាក់។

គ. មិនត្រូវដាក់វត្ថុសំណល់ចូល ទៅក្នុងកាបូបរបស់អ្នកនោះទេដូចជា សំបកស្ករគ្រាប់ នាមប័ណ្ណចាស់ៗ  កាតសមាជិកផុតកំណត់ ។ សរុបសេចក្ដីមក អ្នកគ្រាន់តែចៀសវាងរក្សាទុកអ្វីៗ ដែលអ្នកមិនប្រើ ហើយត្រូវដាក់វត្ថុ ដែលចាំបាច់។

២. ទុកដាក់កាបូបរបស់អ្នកឱ្យបានត្រឹមត្រូវ

អ្នកត្រូវតែទុកដាក់កាបូបរបស់អ្នកឱ្យបានល្អ មុនពេលដែលវា ផ្ដល់ផលល្អដល់អ្នកវិញ។ លៃទុកនូវទីតាំងសមប្រកបសម្រាប់ទុកដាក់កាបូបរបស់អ្នក ជាពិសេស នៅក្នុងផ្ទះរបស់អ្នក ហើយដាក់វា ជារៀងរាល់ពេល ដែលអ្នកត្រឡប់មកផ្ទះវិញ ដូច្នេះវានឹងមើលទៅមានតម្លៃ ។ នៅពេលអ្នកហាត់រៀនលើកតម្កើងកាបូបរបស់អ្នក វានឹងមានទំនោរទាក់ទាញប្រាក់ឱ្យហូរចូលបន្ថែមទៀត នៅក្នុងជីវិតរបស់អ្នក។ ត្រូវជៀសវាងការបោះកាបូបរបស់អ្នកពីចម្ងាយ ទៅលើតុបរិភោគអាហារ ឬកន្លែងណាមួយ ដែលអ្នកឃើញថា មានភាពងាយស្រួល។

៣. គោរពកាបូបរបស់អ្នក

សូមកុំដាក់កាបូបរបស់អ្នក នៅលើឥដ្ឋ ជាពិសេសនៅជាន់ ដែលមានបង្គន់។

៤. ពណ៌គឺជាបញ្ហាចោទ នៅក្នុងក្បូនហុងស៊ុយ ទុកដាក់កាបូបនេះ

ពណ៌នីមួយៗ តំណាងឱ្យធាតុផ្សេងៗពីគ្នា និងបញ្ជាក់អត្ថន័យផ្សេងគ្នា។ ខាងក្រោមនេះ ជាតារាងពណ៌ សម្រាប់ជាការអំណះអំណាងរបស់អ្នក។

៥. ជៀសវាងការប្រើកាបូបជជុះ

សូមកុំប្រើកាបូប ដែលគេប្រើពីមុនរួច ដោយសារតែថាមពលរបស់ម្ចាស់មុន បាននៅក្នុងកាបូបនោះ ហើយវាអាចមានឥទ្ធិពលលើអ្នក ប្រសិនបើអ្នកចាប់ផ្ដើមប្រើវា។ អ្នកនឹងមិនដឹងថា តើវាជាសំណាងល្អ ឬអាក្រក់ឡើយ ដូច្នេះត្រូវតែទិញម៉ាកថ្មីមកប្រើជំនួសវិញ។

៦. ធ្វើឱ្យសកម្មនូវលាភសំណាងខាងទ្រព្យសម្បត្តិ

សូមទាក់ទាញសាច់ប្រាក់ឱ្យបានកាន់តែច្រើន ដោយការដាក់កាក់បុរាណចំនួន ៣ នៅលើខ្សែបូក្រហម ជាប់នឹងសាច់ប្រាក់ នៅក្នុងកាបូបរបស់អ្នក៕

ប្រែសម្រួល ៖ សារ៉ាត

ប្រភព ៖ fengshuibeginner