CamNews

(អង់គ្លេស)៖ យោងតាមគេហទំព័រព័ត៌មាន សុខភាព Health news បានចោទឡើងថា អ្នកធ្លាប់ឆ្ងល់ដែរឬទេថា ហេតុអ្វីនៅពេលដែលអ្នកកាន់តែប្រឹងសម្រកទំងន់ បែរជាមិនស្រកទំងន់ ហើយថែមទាំងឡើង​ទំងន់ទៅវិញ? ការបញ្ចុះទំងន់មិនបានផលបែបនេះ ក្រុមអ្នកវិទ្យាសាស្រ្តជនជាតិអង់គ្លេស បានរកឃើញថា អាចផ្តើមចេញពីមូលហេតុច្រើន​យ៉ាងណាស់ ដែលអាចធ្វើការស្វែងយល់ ដូចខាងក្រោម៖

១.កាត់បន្ថយសារជាតិម្សៅ និងខ្លាញ់ៈ តាមធម្មជាតិស្រ្តីជាទូទៅតែងតែយល់ថា ការដែលចង់បញ្ចុះទំងន់ចាំបាច់ណាស់ មិនត្រូវបរិភោគអាហារដែល​មានសារជាតិម្សៅ និងខ្លាញ់។ តែទោះជាយ៉ាងណារាងកាយ របស់យើងក៏នៅត្រូវការអាហារទាំងនេះ សម្រាប់ផ្តល់ថាមពលក្នុងការប្រកប​ការងារប្រចាំថ្ងៃ។ ត្រូវចាំថា បើយើងផ្អាកបរិភោគអាហារ​ជាតិម្សៅ ហើយមកបរិភោគតែអាហារ ដែលមានជាតិខ្លាញ់ទាប និងធ្វើឲ្យរាងកាយខ្វះថាមពល ហើយធ្វើឲ្យអស់កម្លាំងល្ហិតល្ហៃឆាប់ឃ្លាន​ ចង់បរិភោគតែបង្អែម ហើយបើបរិភោគបង្អែម អាចធ្វើឲ្យការបញ្ចុះទំងន់ ពិតជាមិនអាចប្រព្រឹត្តិទៅរួចនោះឡើយ។

២.បរិភោគតែអាហារ ដែលមានជាតិខ្លាញ់ទាបៈ អាហារដែរមានជាតិខ្លាញ់ទាប មានមនុស្សជាច្រើនតែងយល់ថា វានឹងមិនធ្វើឲ្យឡើងទម្ងន់នោះទេ ប៉ុន្តែយ៉ាងណាក្តី យើងបរិភោគលាយឡំ​ជាមួយអាហារផ្សេងៗទៀត នោះការបញ្ចុះទំងន់​ក៏មិនបានផលអ្វីដែរ។ ទស្សនាវដ្តី Journal of Marketing Research បានឲ្យដឹងថា ការបរិភោគអាហារ ដែលគ្មានលាយសារជាតិខ្លាញ់​គេតែងយល់ថា អាចបញ្ចុះទម្ងន់បាន ប៉ុន្តែបើមិនហាត់ប្រាណ​គួបផ្សំទេ គឺមិនទទួលបានផលឡើយ។

៣.ពិនិត្យកាឡូរី​មិនបរិភោគៈ បើយើងគ្រាន់តែបរិភោគអាហារ​ដែរលមានកាឡូរីទាបរយៈពេលយូរជាប់ៗគ្នា រាងកាយមិនមានថាមពល​គ្រប់គ្រាន់ទេ ទើបធ្វើឲ្យយើងទទួលអារម្មណ៍​ហេវហត់ ហើយចង់បរិភោគបង្អែម​ដែលជាមូលហេតុធ្វើឲ្យការបញ្ចុះ​ទំងន់មិនទទួលផល។ ក្រៅពីនេះបើរាងកាយ​របស់យើងកាន់តែខ្វះថាមពល ប្រព័ន្ធដុតបំផ្លាញថាមពល ក៏ចុះខ្សោយទៅទៅតាមនោះដែរ។ ហេតុនេះការបញ្ចុះទំងន់សង្ឃឹមថា ពិបាកទទួលផលបំផុត។

៤.បរិភោគតែអាហារដើម្បីសុខភាពៈ អាហារដើម្បីសុខភាពតែងមានរសជាតិសាប​ជាងអាហារផ្សេងៗទៀត ហេតុនេះហើយបើយើងខំអត់ធ្មត់ តមមួយរយៈលុះដល់ពេលធុញទ្រាន់ ងាកមករកបរិភោគអាហារដូច​ដើមវិញដដែល។ ការបរិភោគអាហារមិនទៀតទាត់បែបនេះហើយ ទើបធ្វើឲ្យទំងន់ឡើង ហើយមិនព្រមស្រក។

៥.បរិភោគអាហារដដែលៗ: អាហារសុខភាពតែជា​ប្រភេទដដែលមានមិនច្រើនទេ ក្នុងនោះមានដូចជា បន្លែ ទឹកដោះគោជូ ត្រីចំហុយ ទឹកម្ទេស ជាដើម។ នៅពេលយើងបរិភោគអាហារ​ដដែលៗបែបនេះយូរថ្ងៃ បាក់តេរីនៅក្នុងពោះវៀន និងរីកចំរើនលូតលាស់ ដែលជាហេតុធ្វើឲ្យប្រព័ន្ធរំលាយអាហារ ចុះខ្សោយ។ បញ្ហានេះបើទោះបីជាអ្នកបរិភោគអាហារ ដែលផ្តល់ថាមពលរហូតបែបណាក្តី ក៏ការបញ្ចុះទំងន់នៅតែមិនបាន​ផលដែរ។

៦.ផឹកទឹកជាប្រចាំៈ តាមការស្រាវជ្រាវពីទស្សនាវដ្តី Plos One របស់អាមេរិកបានបញ្ជាក់ប្រាប់ឲ្យដឹងថា ក្នុងដបទឹកប្លាស្ទិកអាចមានសារជាតិ Bisphenol ដែលជំរុញឲ្យរាងកាយប្រមូលផ្តុំ សារជាតិខ្លាញ់ច្រើនឡើង។ ហេតុនេះអ្នកប្រើដប់ប្លាស្ទិក ដាក់ទឹកទទួលទានត្រូវតែផ្លាស់ប្តូរ​ទឹ​កឲ្យបានញឹកញាប់ និងហាមដាក់ដបទឹកចោល​កណ្តាលថ្ងៃ ព្រោះកម្តៅថ្ងៃខ្លាំង​នឹងធ្វើឲ្យសារជាតុ Bisphenol រលាយចូលដែលជាផលអាក្រក់ ក្នុងការបញ្ចុះទំងន់បន្ថែមទៀត។

៧.មិនផ្លាស់ប្តូររបៀបរបប​នៃការហូបចុកៈ បើទោះបីជាយើងហាត់ប្រាណយ៉ាងណាក្តី ប៉ុន្តែបើមិនអាចហាមមាត់​មិនឲ្យបរិភោគអាហារទេ ឃើញថា​ការបញ្ចុះទំងន់ក៏មិនផ្តល់ផលអ្វីដែរ។ ជាមួយគ្នានេះដែរ បើអ្នកចូលចិត្តហាត់ប្រាណ នៅតែបរិភោគច្រើននោះទេ ឃើញថា ការបញ្ចុះទំងន់ក្រៅពីមិនបានទទួលលទ្ធផល ហើយថែមទាំងបង្កឲ្យឡើងទំងន់ទ្វេរដង។

៨.បរិភោគផ្លែឈើធ្វើឲ្យធាត់ៈ ឈប់ផឹកទឹកក្រូចហើយ ប៉ុន្តែងាកមកផឹកទឹកផ្លែឈើ ឬបរិភោគផ្លែឈើនោះ ឃើញថា វាមិនបានជួយដល់ការ​សម្រកទំងន់ទេ។ ត្រូវចងចាំថា ផ្លែឈើមួយចំនួនដូចជា ស្វាយទុំ សាវម៉ាវ ខ្នុរ ទំពាំងបាយជូរ សុទ្ធតែមានសារជាតិស្ករខ្ពស់ ហេតុនេះ ទោះខិតខំបញ្ចុះទំងន់បែបណាក៏ដោយ ក៏មិនបានទទួលផលឡើយ៕

ផ្តល់សិទ្ធដោយ ៖ ខ្មែរថកឃីង