ប្រាក់ មុន្នីឧត្តម គ្រងតំណែង ស្បែកជើងមាស មុនបញ្ចប់រដូវកាល
ភ្នំពេញ៖ ខ្សែប្រយុទ្ធដ៏ឆ្នើម និងជាប្រធានក្រុមខេត្ត ស្វាយរៀង គឺកីឡាករ ប្រាក់ មុន្នីឧត្តម ដែលរកគ្រាប់បាល់ បានចំនួន ២គ្រាប់ ដើម្បីជួយឲ្យ ក្រុមម្ចាស់ផ្ទះនេះ ឲ្យឡើងទៅវគ្គផ្ដាច់ព្រ័ត្រ នៃពានរង្វាន់ Hun Sen Cup លើកទី៩ កាលពីយប់មិញនោះ គឺមានសង្ឃឹមស្ទើតែ ១០០% ទៅហើយ ក្នុងការត្រៀមខ្លួន ធ្វើជាម្ចាស់ ស្បែកជើងមាស សម្រាប់រដូវកាលថ្មីនេះ ។
មន្ដ្រីព័ត៌មានរបស់សហព័ន្ធកីឡា បាល់ទាត់កម្ពុជាលោក ចាន់ មិថុនា បានថ្លែងឲ្យដឹងថា គិតត្រឹមការប្រកួត វគ្គពាក់កណ្ដាលផ្ដាច់ព្រ័ត្រ នៃពានរង្វាន់ សម្ដេចតេជោ ហ៊ុន សែន កាលពីយប់ថ្ងៃទី១១ ខែកុម្ភៈ ម្សិលមិញ កីឡាករ ប្រាក់ មុន្នីឧត្តម គឺបានរកគ្រាប់បាល់ ស៊ុតបញ្ជូលទីច្រើនជាងគេ រហូតដល់ទៅ ២៣គ្រាប់ឯណោះ ។
លោក ចាន់ មិថុនា បានបញ្ជាក់ទៀតថា ទោះបីពេលនេះ មន្ដ្រីបច្ចេកទេស នៅមិនទាន់បុកសរុបពី គ្រាប់បាល់ស៊ុតបញ្ចូលទី របស់កីឡាករផ្សេងៗក្ដី ប៉ុន្ដែសម្រាប់គ្រាប់បាល់ របស់ខ្សែប្រយុទ្ធ និងជាប្រធាន ក្រុមខេត្តស្វាយរៀង កីឡាករ ប្រាក់ មុន្នីឧត្តម រកបានទាំង ២៣គ្រាប់នោះ គឺជាគ្រាប់បាល់ ស៊ុតបញ្ចូលទី ច្រើនជាងគេហើយ ដូច្នេះយើងក៏អាចកំណត់ បានដែរថា កីឡាករជម្រើសជាតិរូបនេះ នឹងក្លាយជាម្ចាស់ស្បែក ជើងមាស ក្នុងរដូវកាលថ្មីនេះ ។
គួរបញ្ជាក់ថា កាលពីឆ្នាំ២០១៤ ស្បែកជើងមាស នៃពាន HSC នេះ គឺបានទៅខ្សែប្រយុទ្ធវ័យក្មេង របស់ក្រុមបឹងកេតអង្គរ កីឡាករ ចាន់ វឌ្ឍនាកា ដែលរកគ្រាប់បាល់បានត្រឹម ១៦គ្រាប់ប៉ុណ្ណោះ ។
ផ្ដល់សិទ្ធដោយ៖ ដើមអម្ពិល
- ការប្រកួតកីឡា e-sports ដ៏ធំ នឹងមកដល់ក្នុងពេលឆាប់ៗនេះ… (29/07/2017 10:42:00)
- ទស្សនាវិដេអូហួសចិត្ត! បាល់មុខទីប៉ុណ្ណឹងហើយ មិនគួរណាស៊ុតមិនចូល (09/03/2017 14:06:00)
- ចាន់ វឌ្ឍនាកា បានសម្រេចក្ដីសុបិនរបស់ខ្លួនមួយ មុនធ្វើដំណើរទៅជប៉ុន (02/02/2017 08:57:00)
- នៅតែ១ប្រកួតទៀតប៉ុណ្ណោះ ក្រុមកីឡាករកម្ពុជា នឹងទទួលបានប្រាក់ឧបត្ថម្ភពី (19/10/2016 10:01:00)
- កម្ពុជានាំមេដាយប្រវត្តិសាស្រ្ដពី Asian Beach Games ត្រឡប់មកស្រុកកំណើតវិញ (05/10/2016 11:09:00)
- បាល់ទាត់៖ វិដេអូអប់រំ បង្ហាញពីអ្នកគាំទ្រពិតប្រាកដ ប្រកបដោយភាពថ្លៃថ្នូរ (Video Inside) (05/10/2016 10:04:00)
- League-II លើកដំបូង នឹងលេចចេញជារូបរាងផ្លូវការចុងខែកញ្ញានេះ (15/09/2016 14:59:00)
- បញ្ជីឈ្មោះក្រុមជម្រើសជាតិ ហាត់នៅសិង្ហបុរីចេញជាផ្លូវការ ដើម្បីត្រៀមធ្វើម្ចាស់ផ្ទះ AFF Suzuki Cup 2016 (12/09/2016 10:25:00)
- ជំនួបមិត្តភាព U-16 កម្ពុជា ប៉ះ U-15 ចិន ត្រូវបានលើកពេល តែអ្នកទិញសំបុត្រហើយអាច...? (05/09/2016 11:45:00)
- កីឡាករហែលទឹក ពូ សុវិជ្ជា ត្រៀមប្រកួត Olympic Games មុនគេម៉ោង ១១យប់នេះ (09/08/2016 11:26:00)
កីឡាជាតិ ដែលមើលច្រើន
