CamNews

ស្វែងរកកំរិតខ្ពស់
ព័ត៌មានអន្តរជាតិ 

ធ្លាយការពិត យន្តហោះ EgyptAir មានហុយផ្សែង នៅបន្ទប់បើកបរ មុនពេលធ្លាក់

(អេហ្ស៊ីប)៖ ប្រព័ន្ធទំនាក់ទំនងដោយស្វ័យប្រវត្តិ នៅលើយន្តហោះ EgyptAir ជើងហោះហើរ Flight 804 បាន​ផ្ញើ​សារ​​ព្រមាន ប៉ុន្មាននាទីមុនពេលយន្តហោះធ្លាក់ ដោយបានបង្ហាញថា ប្រព័ន្ធត្រួតពិនិត្យការហោះហើរត្រូវបាន​កាត់ផ្ដាច់ និង​មាន​ហ៊ុយផ្សែង នេះបើយោងតាមការចុះផ្សាយរបស់សារព័ត៌មាន The Wall Street Journal ចេញផ្សាយមុននេះបន្តិច។

ប្រភពដែលជិតស្និទ្ធនឹងការស៊ើបអង្កេត បានបង្ហោះឲ្យដឹងថា សារមួយនេះត្រូវបានផ្ញើសារដោយស្វ័យប្រវត្តិពីយន្តហោះ ដើម្បីជួយដំណឹង​ ប៉ុន្តែគេមិនបានដឹងថា នៅលើយន្តហោះនោះមានបញ្ហាអ្វីនោះទេ។

នៅមុននេះផងដែរថា ក្រុមសង្គ្រោះដែលមានមកពីប្រទេសបារាំង អេហ្ស៊ីប និង ក្រិក នោះបានប្រទះឃើញដានប្រេង ដែលទំនងជាធ្លាយចេញ ពីយន្តហោះអេហ្ស៊ីប និងបំណែកមួយចំនួនទៀតនៃតួយន្តហោះ នៅលើដែនទឹកសមុទ្រមេឌីទែរ៉ាណេ ដែលគេកំពុងធ្វើការរុករកនោះ។

នៅល្ងាចថ្ងៃទី២០ ខែឧសភាម្សិលមិញនេះ ក្រសួងការពារជាតិរបស់ប្រទេសក្រិច បានឲ្យដឹងថា អាជ្ញាធររបស់អេហ្ស៊ីប បានរកបំណែកនៃសាកសព​ និង​កៅអ៊ីចំនួន២ ព្រមទាំងវ៉ាលីផងដែរ នៅក្នុងប្រតិបត្តិការស្វែងរកយន្តហោះ EgyptAir ជើងហោះហើរ Flight 804 ដែលបានធ្លាក់នៅក្នុង សមុទ្រមេឌីទែរ៉ាណេ។

គួរបញ្ជាក់ផងដែរថា យន្តហោះ EgyptAir ជើងហោះហើរ Flight 804 បានបាត់ពីរ៉ាដា ខណៈហោះចេញពីអាកាសយានដ្ឋាន Charles de Gaulle ក្នុងទីក្រុងប៉ារីស ប្រទេសបារាំង នៅម៉ោង ២៣៖០៩នាទី ទៅកាន់អាកាសយាន​ដ្ឋាន Cairo Airport ទីក្រុងគែ ប្រទេសអេហ្ស៊ីប ដោយផ្ទុកមនុស្ស ៦៦នាក់ ក្នុងនោះមានសហនាវិក ១០នាក់ ហើយត្រូវបានក្រុមហ៊ុន និងរដ្ឋាភិបាលអេហ្ស៊ីប​បញ្ជាក់ថា បានធ្លាក់នៅក្នុងសមុទ្រ៕

ប្រភព ៖ ប៊ីប៊ីស៊ី/WSJ

ផ្តល់សិទ្ធដោយ ៖ ហ្វ្រេសញូវអាស៊ី


Tags: india,  libya,  UAE,  Heatwave,  EgyptAir, 

ព័ត៌មានអន្តរជាតិ ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......