សំណើច រឿង៖ ទះកំផ្លៀង
បុរសខាងបច្ចេកទេសម្នាក់ និងចៅហ្វាយរបស់គាត់មានបេសកម្ម ទៅតាមខេត្តរយៈពេល ២ទៅ៣ថ្ងៃ ដោយធ្វើដំណើរតាមរថភ្លើង ។
នៅលើរថភ្លើង កៅអីដែលអ្នកទាំង២អង្គុយគឺនៅចន្លោះ ទល់មុខគ្នារវាងនារីដ៏ស្រស់សោភាម្នាក់ និងយាយរបស្វ់នាង ។ ក្នុងកំឡុងធ្វើដំណើរបុរសក្មេង និងនារីស្អាតបានចាប់អារម្មណ៍គ្នា ទៅវិញទៅមក លុះរថភ្លើងធ្វើដំណើរដល់រូងក្រោមដី ធ្វើអោយក្នុងបន្ទប់រថភ្លើងងងឹត មើលមិនឃើញគ្នាទៅវិញទៅមក ។បន្តិចក្រោយមក សំលេងនៃការថើបបានលឺឡើង ព្រមទាំងសំលេងទះកំភ្លៀងក៏លឺ ឡើងដំណាលគ្នាផងដែរ ។ បន្ទាប់ពីរថភ្លើងបានឆ្លងកាត់រូងក្រោមដីរួច អ្នកទាំងបួន អាចមើលឃើញគ្នាទៅវិញទៅមក ប៉ុន្តែអ្នកទាំងអស់គ្នាពុំបាននិយាយអ្វីទាំងអស់ ។
លោកយាយបានគិតខ្លួនគាត់ថា"ប្រហែលជាបុរសក្មេងនោះ បានធ្វើអំពើពុំគប្បីមកថើបចៅស្រី របស់គាត់ហើយមើលទៅ តែសំណាងល្អដែរនាងបានទះកំភ្លៀងគាត់"។
ចៅហ្វាយនាយរបស់បុរសក្មេងនោះបានគិតថា"ខ្ញុំមិនគិតថា បុរសបច្ចេកទេសក្មេងនេះហ៊ានថើបនាង ដូច្នេះសោះ ប៉ុន្តែក្មេងស្រីនោះបានច្រឡំមកទះកំភ្លៀងខ្ញុំវិញ"
នារីស្អាតបានគិតខ្លួនឯងដែរថា"ខ្ញុំសប្បាយរីករាយណាស់ដែល បុរសនោះថើបខ្ញុំ ប៉ុន្តែខ្ញុំសង្ឃឹងថា យាយរបស់ខ្ញុំពុំបានទះកំភ្លៀងគាត់ទេ"
បុរសក្មេងនោះ បានអង្គុយញញឹមយ៉ាងពេញចិត្ត ហើយគាត់បានគិតថា"ជីវិតអ្វីក៏ស្រស់បំព្រងម្ល៉េះហ្ន! តើមានបុរសប៉ុន្មាននាក់ដែលសំណាងដូចខ្ញុំ ដែរឬទេ បើមានបុរសម្នាក់បានថើបនារីដ៏ស្អាតម្នាក់ ហើយទះកំភ្លៀងចៅហ្វាយនាយរបស់គេ ក្នុងពេលតែមួយ"៕
ដោយ៖ វណ្ណៈ
ប្រភព៖ khmerjoke
- សំណើច រឿង៖ ខ្លាចខ្មោច (31/07/2014 10:52:00)
- សំណើច រឿង៖ ទើបតែដឹង (29/07/2014 10:48:00)
- សំណើច រឿង៖ ចំជំនាញ (28/07/2014 10:24:00)
- សំណើច រឿង៖ ល្បឿនខុសគ្នា ចូលពេទ្យដូចគ្នា (27/07/2014 09:27:00)
- សំណើច រឿង៖ ផ្លែដូង (26/07/2014 10:07:00)
- សំណើច រឿង៖ រឿងចម្លែក (25/07/2014 10:46:00)
- សំណើច រឿង៖ កំពូលអ្នកបូកលេខ (24/07/2014 11:54:00)
- សំណើច រឿង៖ ចេះពីសៀវភៅ (23/07/2014 10:50:00)
- សំណើច រឿង៖ គ្មានក្លិន (22/07/2014 10:53:00)
- សំណើច រឿង៖ ច្រឡំហើយ (21/07/2014 10:18:00)
សំណើច ដែលមើលច្រើន
