CamNews

ជាការពិតណាស់ បណ្តាអ្នកទស្សនាភាគច្រើនធ្លាប់បានឃើញមនុស្សមានសម្រស់
ស្រស់ស្អាតដែលមើលទៅដូចជាកូនតុក្តតាក្មេងលេង។ ដោយឡែក នាពេលនេះ
នាង Yohio ដែលជាតារាចម្រៀងជប៉ុននឹងមានរូបសម្រស់ស្រស់ស្អាតម្នាក់ បានមាន
ឈ្មោះល្បីល្បាញ ទូទាំងពិភពអ៊ីនធើណែតតែអ្វីដែលមិនគួរអោយជឿនោះ គឺនាងជា
ក្មេងប្រុសជនជាតិ ស៊ុយអែត ដែលមានវ័យ១៦ឆ្នាំ ។

ទន្ទឹមនឹងពេលនេះដែរ វាក៏មិនមែនជារឿងមួយថ្មីភ្លែកនោះទេ ខណៈពេល ដែលមានអ្នក
ចម្រៀងជាខ្ទើយ ដែល កន្លងមកធ្លាប់បានមានរួចទៅហើយ ដូចជា៖ David Bowie, Boy
Goerge និង Marylin Manson ជាដើម។ ដោយឡែកនាង Yohio ដែលដំបូងជាយុវវ័យជនជាតិ
ស៊ុយអែត បានក្លាយទៅជាតារាចម្រៀងជប៉ុន ដោយសារគេមានសមត្តភាពក្នុងការលេងហ្គីតា និង
មានជំនាញខាងនិយាយភាសាជប៉ុនផងដែរ។

គេបានធ្វើអោយមានភាពភ្ញាក់ផ្អើលយ៉ាងខ្លាំង ទៅក្នុងចំណោមមហាជនដោយសារនាង បាន
ចេញនូវវីដេអូបទចម្រៀង ដែលនាងច្រៀងជាភាសាជប៉ុនបានយ៉ាងល្អ ជាមួយនឹងរូបសម្រស់
ស្រស់ស្អាតរបស់នាង ខណៈពេលដែលពួកគេបានដឹងថា ដំបូងនាងគឺជា ក្មេងប្រុសជនជាតិ
ស៊ុយអែត ដែលមានវ័យ ១៦ឆ្នាំ។

គេបានកើតនៅក្នុងគ្រួសារដែលមានឈាមជ័រជាអ្នកសិល្បៈ Yohio បានក្លាយជាផ្នែកមួយនៃ
ក្រុមតន្រ្តីដែលមានឈ្មោះថា Seremedy កាលពីនាងវ័យ​​ ១៤ឆ្នាំ ដែលក្រោយក្រុមរបស់នាង
បានទទួលភាពជោគជ័យយ៉ាងខ្លាំង​​ ហើយពួកគេក៏បានចុះកុងត្រាជាមួយនឹងក្រុមហ៊ុនតន្រ្តី
ជប៉ុនមួយដែលមានឈ្មោះថា Nintone Records/Universal Music Japan ។

បន្ទាប់ Yohio រឹតតែទទួលបានប្រជាប្រិយភាពកាន់តែខ្លាំងជាងមុន ដែលជាហេតុធ្វើអោយនាង
ចេញនូវអាល់ប៊ុមទោល "Reach the Sky" ។ ដែលមកដល់ពេលនេះ នាងបានសម្តែងនៅមុខ
អ្នកគាំទ្រជនជាតិជប៉ុនរាប់ពាន់នាក់​ ដែលពួកគេសុទ្ធតែជាអ្នកចូលចិត្តរូបសម្រស់នាង ការតុប
តែងនាង ក៏ដូចជាចម្រៀងរបស់នាង។

ហើយមកដល់បច្ចុប្បន្ននេះ Yohio នៅតែមានប្រជាប្រិយភាពជាបន្តបន្ទាប់នៅក្នុងវិស័យសិល្បៈ
ដែលមានមនុស្សមួយចំនូននៅតែបន្តការងឿយឆ្ងល់ ថាគេបានក្លាយពីក្មេងប្រុសជនជាតិស៊ុយ
អែត វ័យ ១៦ឆ្នាំ​ មកជាយុវតីជប៉ុនដ៏ស្រស់ស្អាតដោយរបៀបណា។

លើសពីនេះទៅទៀតខាងក្រោមនេះ គឺជាវីដេអូបទចម្រៀងរបស់ Yohio ដែលទទួលបានការ
ពេញនិយមពីសំណាក់អ្នកគាំទ្រជនជាតិជប៉ុន ស្របពេលដែលនាងច្រៀងជាភាសាជប៉ុនបាន
យ៉ាងល្អ ដូច្នេះសូមតាមដានទស្សនាវីដេអូ clip នេះទាំងអស់ណា៎ ៖

ដោយ ៖ មង្គល
ប្រភព ៖ odditycentral