CamNews

ស្វែងរកកំរិតខ្ពស់
តារា 

តារាចម្រៀង អូ រស្មី ដាក់គុក៧ឆ្នាំ និងសងជម្ងឺចិត្ត២០លានរៀល ពាក់ព័ន្ធ ការនាំក្មេងស្រី ទៅដេកជាមួយតាតា

ភ្នំពេញ ៖ សាលាដំបូង រាជធានីភ្នំពេញ កាលពីរសៀលថ្ងៃទី៣១ ខែធ្នូ ឆ្នាំ២០១៤ បានប្រកាសសាលក្រម កំបាំងមុខផ្តន្ទាទោស ជនជាប់ចោទ ឈ្មោះ អូ រស្មី ដែលជា អតីតតារាចម្រៀង មិនសូវល្បីឈ្មោះ ដាក់គុកកំណត់ រយៈពេល ៧ឆ្នាំ និង បង្គាប់ឲ្យសងជម្ងឺចិត្ត២០លានរៀល ទៅក្មេងស្រីរងគ្រោះ ជាប់ពាក់ព័ន្ធនឹង ករណីការនាំក្មេងអាយុ១៤ឆ្នាំ ម្នាក់ យកទៅរួមភេទ ជាមួយបុរសអ្នកមានទ្រព្យ ដែលជាអនិកជនខ្មែរ ជាថ្នូរនឹងបានក្លាយ ជាតារាអ្នក ចម្រៀងស្រី ដ៏ល្បីមូយរូប នៅក្នុងប្រទេសកម្ពុជា។

ការប្រកាសសាលក្រមនេះ ត្រូវបានធ្វើឡើង ដោយក្រុមចៅក្រមជំនុំជម្រះ នៃ សាលាដំបូង រាជធានីដែលរួមមាន លោក កោ វណ្ឌី អនុប្រធានសាលាដំបូង រាជធានីភ្នំពេញ គឺជាប្រធានចៅក្រមប្រឹក្សាជំនុំជម្រះ លោក លី សុខលេង និង លោកលី លីមម៉េង ជាសមាជិកចៅក្រមប្រឹក្សា និងព្រះរាជអាជ្ញារង លោកស្រីស៊ឺ វណ្ណនី ជាតំណាងអយ្យការ តែកំបាំងជនជាប់ចោទឈ្មោះ អូ រស្មី និងមេធាវីការពារក្តីទាំង អស់របស់គាត់ តែចំពោះមុខភាគីចោទចោទ។ 

យោងតាមឯកសាររបស់តុលាការ ជនជាប់ចោទ ឈ្មោះ អូ រស្មី ភេទស្រី អាយុ៣៦ ឆ្នាំ មុនចាប់ខ្លួន គឺ ជាតារាចម្រៀងស្រី ប្រចាំនៅក្នុងផលិត កម្មឆ្លងដែន និងរៃយំ ។ ជនជាប់ចោទត្រូវបានតំណាងអយ្យការ ចោទប្រកាន់ពីចំនួន ២ បទល្មើស« សញ្ចារកម្ម មានស្ថានទម្ងន់ទោស» និង បទ « ការនាំចេញដោយមិនស្របច្បាប់ ដោយមានគោលដៅ»តាមច្បាប់ស្តីពីការបង្ក្រាបអំពើជួញដូរមនុស្ស និងការកេងប្រវ័ញ្ចផ្លូវភេទ។  

ឈ្មោះអូ  រស្មីត្រូវបានចាប់ខ្លួន ដោយសមត្ថកិច្ច នគរបាល ប្រឆាំងការ ជួញដូរមនុស្ស និង ការពារអនីតិជនរាជធានីភ្នំពេញ តាមពាក្យបណ្តឹងរបស់ម្តាយ របស់ ក្មេងស្រីរងគ្រោះ កាលពីរសៀលថ្ងៃទី១៨ ខែមករា ឆ្នាំ២០១៤៕


ផ្តល់សិទ្ធដោយ ៖ ដើមអម្ពិល


Tags: National news,  local news,  social news,  Cambodia,  Khmer,  Asia,  Phnom Penh

តារា ដែលមើលច្រើន

តារាប្រុសស្រី ប៉ុន្មាននាក់នេះ វ័យ ៣០ ឆ្នាំហើយ នៅតែស្រស់ស្អាត

តារាសម្ដែងប្រុសស្រីថៃ ពិតជាស្រស់សង្ហា ស្រស់ស្អាត និងមានភាពទាក់ទាញខ្លាំងណាស់។ នៅឆ្នាំនេះ តារាមួយចំនួន ក្នុងចំណោមតារាទាំងអស់នោះ .......

មកស្គាល់តារាស្រីថៃ ៨ នាក់នេះ ដែលមានស្បែករលោងស្អាតគួរឱ្យស្រឡាញ់

ស្បែកគឺជារបស់សំខាន់ សម្រាប់មនុស្សគ្រប់រូប ដូច្នេះហើយ បុរសស្រ្ដី តែងយកចិត្ដទុកដាក់ថែរក្សាស្បែក .........

តើអ្នកដឹងរឿងដែលបានកើតឡើងនៅក្នុងបន្ទប់ជួលរបស់អ្នកទេ? រឿង "បន្ទប់ជួលជើងកប" មានចាក់បញ្ចាំងនៅក្នុងរោងកុន

គ្រាន់តែអ្នកលឺថាបន្ទប់ជួល រឿងទី ១ ដែលអ្នកនឹកឃើញគឺតើនៅក្នុងបន្ទប់មួយនេះ ធ្លាប់មានរឿងមិនល្អអ្វីកើតឡើង ដែរឬទេ.......