បាញ់ សម្លាប់មេការរបស់ក្រុមហ៊ុន ហើយបាញ់ ខ្លួនឯងតាមក្រោយ
កូនប្រសាប្រុសរបស់ថៅកែលក់សម្ភារអគ្គិសនីនៅក្រុមហ៊ុន លក់គ្រឿង អគ្គិសនីដ៏ធំមួយ នៅតាម
បណ្ដោយផ្លូវព្រះ មុនីវង្ស បានកើតទំនាស់ជាមួយបុគ្គលិករបស់ខ្លួនផ្នែកគណនេយ្យ ហើយកូនប្រសា
ថៅកែនោះ បានប្រើប្រាស់ កាំភ្លើងបាញ់ប្រហារទៅលើមេការរបស់ក្រុមហ៊ុននេះ បណ្ដាលឱ្យ ស្លាប់
នៅក្នុងស្នាក់ការក្រុមហ៊ុនតែម្ដង ដែលមើលទៅហេតុការណ៍នេះបានបង្កឱ្យមានការភ្ញាក់ផ្អើលកាលពី
វេលាម៉ោង១៤ និង៣០នាទីរសៀលថ្ងៃទី១៦ ឧសភា ២០១២ គឺហាង ភី ភី ជេណឺរ៉ល លេខ២២៨ នៅ
ម្តុំវត្តកោះតាមបណ្តោយមហាវិថីព្រះមុនីវង្ស ស្ថិតក្នុងសង្កាត់បឹងរាំង ខណ្ឌដូនពេញ ។
ប្រភពពីកន្លែងកើតហេតុ បានឲ្យដឹងថាបុរសបាត់បង់ជីវិតឈ្មោះវង្ស សុក្រឹតសាបុត្រ អាយុ៣២
ឆ្នាំ ត្រូវជនដៃដល់ឈ្មោះឡុង ងួនវុទ្ធី ហៅទូច អាយុ៤៩ ឆ្នាំ ជាកូនប្រសារបស់ថៅកែហាងខាង
លើនេះ បាញ់ចំក្បាល និងខ្លួនស្លាប់ក្នុងថ្លុកឈាម។
យោងតាមប្រភពព័ត៌មានកាសែត បានឲ្យដឹងថា នៅមុនពេលកើតហេតុ គេឃើញឈ្មោះឡុង
ងួនវុទ្ធី និងវង្ស សុក្រិត តាបុត្រ ដែលស្ថិតនៅជាន់ខាងក្រោម បាន ឈ្លោះប្រកែកគ្នា ក្រោយមក
ស្រាប់ តែពួកគេអូសគ្នាឡើងទៅជាន់ទី១ ស្រាប់តែគេឮ ស្នូរ គ្រាប់កាំភ្លើងផ្ទុះឡើង ៤-៥គ្រាប់នៅ
ជាន់ ទី១ បង្កឲ្យបុគ្គលិក និងភ្ញៀវក្នុងហាងភ័យរន្ធត់ញ័រដៃជើងផ្អើលឆុររត់ប្រសាចចុះពី ជាន់ទី១
មកជាន់ផ្ទាល់ដី ដើម្បីគេចពីគ្រោះថ្នាក់។ ក្រោយការ ផ្ទុះអាវុធ សមត្ថកិច្ចចម្រុះជាច្រើន បានចុះ
ទៅកន្លែងកើតហេតុ ហើយធ្វើការ ឡោមព័ទ្ធមិនទាន់ហ៊ានឡើងទៅជាន់ទី១ ភ្លាមៗនោះទេ ដោយ
សារតែដឹងថា នៅជាន់ ទី១ មានមនុស្សដែលមានអាវុធនៅខាង លើនោះ។ លុះនៅម៉ោងប្រមាណ
ជិត៤ សមត្ថកិច្ច សម្រេចសម្រុកចូលឡើងទៅជាន់ទី១ ដែល ជាកន្លែងផ្ទុះអាវុធ មិនឃើញមានមនុស្ស ហើយខណៈរុករកពីបន្ទប់មួយទៅបន្ទប់មួយ គេឃើញបុរសម្នាក់ ដេកស្លាប់នៅក្នុង បន្ទប់ ក្បែរ
តុការិយាល័យរបស់ខ្លួន ដោយ មានស្នាមត្រូវគ្រាប់កាំភ្លើង ដែលសាកសព នេះ ក្រោយមកត្រូវគេ
ស្គាល់ថា ឈ្មោះវង្ស សុក្រិតតាបុត្រ ជាមេការរបស់ក្រុមហ៊ុន និង សាកសពបុរសម្នាក់ទៀត ដេក
ស្លាប់នៅក្នុង បន្ទប់ទឹកចម្ងាយពីគ្នាប្រមាណ១០ម៉ែត្រ ដោយមានស្នាមត្រូវគ្រាប់កាំភ្លើងចំក្បាល
ហើយនៅក្បែរដៃ មានកាំភ្លើងខ្លីមួយដើម ដែលបុរសនេះ ត្រូវបាន គេស្គាល់ឈ្មោះឡុង ងួនវុទ្ធី។
ពេលនេះ សមត្ថកិច្ចកំពុងធ្វើកោសល្យវិច័យ ក៏ប៉ុន្តែគ្មានប្រភពណាមួយអះអាងពីមូលហេតុ ឲ្យបាន
ច្បាស់លាស់នោះឡើយ។
- នៅចាំអីទៀត ទទួលបានការបញ្ចុះតម្លៃពីការចុះផ្សាយពាណិជ្ជកម្ម នៅគេហទំព័រ ខេមញ៉ូវ!! (04/12/2018 15:50:00)
- ក្រោយប្រកាសឈប់យកលុយថ្លៃសំបុត្រ ត្រូវភាគីថៃមិនអនុញ្ញាតឲ្យអាជីវករ ចូលទៅផ្សារ (13/01/2017 11:47:00)
- ដោះលែង អ្នកបើកបររថយន្ត Lexus 300 ហើយ ក្រោយមានគ្រោះថ្នាក់ ចរាចរណ៍នៅប៉ោយប៉ែត តែមានលក្ខខ័ណ្ឌ (13/01/2017 10:44:00)
- ស្លាប់ម្នាក់ និងរបួសធ្ងន់ ដោយសារតែ បើករថយន្តធុនធំ ក្នុងល្បឿនលឿនបើកបុករះ ! (13/01/2017 09:24:00)
- ក្រសួងធនធានទឹក បញ្ជាក់បន្ថែមបញ្ហាអាកាសធាតុ រងឥទ្ធិពលព្យុះ MUIFA (13/01/2017 09:07:00)
- ឃុំខ្លួនថៅកែរោងពុម្ពម្នាក់ ក្រោមបទចោទ រំលោភស្រ្តីម្នាក់ (13/01/2017 08:53:00)
- ម្ដាយមីងស្លាប់ ខណៈក្មួយសាច់សខ្ចីរងរបួសធ្ងន់ (13/01/2017 08:31:00)
- ផ្ញើប្អូនស្រី២នាក់ ឲ្យយាយចាស់មើល ចុងក្រោយមានអី... (13/01/2017 08:08:00)
- ម្តាយម្នាក់កាត់កាល កូនអកត្តញូ ដោយសារតែធ្វើបាប គំរាមបាញ់សម្លាប់ និងបំផ្លាញទ្រព្យសម្បត្តិអស់គ្មានសល់ (12/01/2017 15:53:00)
- ចិត្តខ្លាំងមែន! កាប់ប្រពន្ធដាច់ដៃ និងបែកក្បាល រួចរត់ទៅចង-ក បញ្ចប់ជីវិតខ្លួនឯង (12/01/2017 15:39:00)
ដែលមើលច្រើន
