CamNews

ស្ទើរតែមិនគួរអោយជឿ ៖ ទំព័រសារព័ត៌មានបរទេស ស៊ីអិនអិន ក្រោយពីបានដកស្រង់ សម្តីមន្រ្តី ផ្លូវការក្នុងស្រុក អំឡុងថ្ងៃសុក្រនេះ បានចេញផ្សាយ អត្ថបទសារព័ត៌មាន ​​​  អោយដឹងថា របស់របរ របស់ស្រ្តីវ័យចំណាស់ម្នាក់ វ័យ ៦៣ ឆ្នាំ ក្នុងនោះ រួមមាន មួកពាក់ហែលទឹក និង វ៉ែនតា ហែល ទឹក ក៏ដូចជា បំណែកសាច់មួយចំនួន ត្រូវបានគេរកឃើញ នៅឯឈូងសមុទ្រមួយកន្លែង ក្នុង ប្រទេស អូស្រ្តាលី ខណៈស្រ្តីជាជនរងគ្រោះ បានបាត់ខ្លួន ត្រូវបានគេ   សន្មត់អោយដឹងថា អាចនឹងត្រូវបាន ខាំហែកស៊ី រួចពាំចូលទៅក្នុងសមុទ្រ ពីសំណាក់ ឆ្លាមកំណាចដ៏ធំមួយក្បាល ។

                                                              រូបភាព ពីស៊ីអិនអិន

យ៉ាងណាមិញ សេចក្តីថ្លែងការណ៍ ពីមន្រ្តីប៉ូលីស ប្រចាំរដ្ឋ ជាប់មាត់សមុទ្រ រដ្ឋ New South Wales នាព្រឹកថ្ងៃសុក្រនេះ   អោយដឹងថា ប្រតិបត្តិការ     តាមរុករក  សាកសព លោកស្រី នៅតែបន្តយ៉ាង មមាញឹក និង សស្រាក់សស្រាំ ដដែល ។

គួររំឭកថា លោកស្រី Christine Armstrong វ័យ ៦៣ ឆ្នាំ បើតាមរបាយការណ៍ បញ្ជាក់អោយដឹងថា កាល ពី   ល្ងាច ថ្ងៃ ព្រហស្បត្តិ៍ កន្លងទៅនេះ លោកស្រី     បានចុះទៅហែលទឹកលេង នៅឯកន្លែង កើតហេតុជាមួយនឹង ក្រុម មិត្តភក្កិ របស់លោកស្រី ដោយនៅក្នុងនោះ ក៏រួមមានស្វាមី របស់គាត់ ដូចគ្នាដែរ   តែដឹងអីថា    មិនទាន់បានហែលទឹកលេង  បានយូរផងនោះ ក្រុមមនុស្ស ទាំងអស់ ក៏ បានក្រឡេកឃើញ    វត្តមានឆ្លាមកំណាច មានប្រវែង ជិត ៤ ម៉ែត្រ ភ្លាមៗនោះ ពួកគេ ក៏បានស្ទុះ ប្រញាប់ហែល ត្រលប់មកច្រាំងវិញ តែដោយឡែកអី មិនបានឃើញ វត្តមាន លោក ស្រី Armstro - ng នោះទេ ពោលបាត់ខ្លួនតែម្តង ។

                                                       រូបភាព ដែលជាកន្លែង កើតហេតុ

យ៉ាងណាមិញ      ប្រភពបន្តអោយដឹងថា សាក្សី  បានឃើញហេតុការណ៍ ដោយឈរពីផ្ទាំងសិលា រយៈចម្ងាយឆ្ងាយ អោយដឹងថា   គេឃើញ  មានការវាយប្រហារ នៅលើផ្ទៃទឹក ពីសំណាក់ ឆ្លាមកំ ណាច តែពុំជាក់ច្បាស់ថា ជាអ្វីអោយពិតប្រាកដនោះទេ តែអាចជា វត្តមាន លោកស្រី Armstrong ដែលបានបាត់ខ្លួន ជួនពេលតែមួយ។

                             លោកស្រី Christine Armstrong វ័យ ៦៣ ឆ្នាំ នៅបន្ត ការបាត់ខ្លួន

ទោះជាយ៉ាងណា ការតាមដាន ស៊ើបអង្កេត នៅតែបន្តមាន ខណៈតំបន់កើតហេតុ ខាងលើ ត្រូវ បានបិទជាបណ្តោះអាសន្ន សម្រាប់សុវត្ថិភាព      សាធារណជន ស្របពេលដែល ករណី រន្ធត់ខាង លើនេះ​ បានធ្វើអោយមានភាពភ្ញាក់ផ្អើល នៅក្នុងតំបន់ ៕

ប្រែសម្រួល ៖ កុសល
ប្រភព ៖ ស៊ីអិនអិន