យន្ដហោះខ្នាតតូច ហោះបុកផ្ទះប្រជាជន អ្នកបើកបរបាត់បង់ជីវិត
យន្ដហោះខ្នាតតូចមួយគ្រឿង បានហោះបុកផ្ទះមួយខ្នង ក្នុងតំបន់ដែលមានប្រជាជនរស់នៅច្រើន
ក្បែរព្រលានយន្ដហោះ Midway នៅ Chicago អាមេរិក កាលពីថ្ងៃទី ១៨កន្លងទៅ បណ្ដាលឱ្យអ្នក
បើកបរយន្ដហោះម្នាក់ បាត់បង់ជីវិត។
មន្ទីរពន្លត់អគ្គិភ័យ ឱ្យដឹងថា គេមិនទាន់ដឹងច្បាស់អំពីអត្តសញ្ញាណរបស់អ្នកបើកបរយន្ដហោះនេះ ដែលជាមនុស្សតែម្នាក់គាត់នៅលើយន្ដហោះ។ យន្ដហោះខាងលើនេះ បានហោះទៅបុកទម្លុះផ្ទះ
មួយខ្នង នៅតាមបណ្ដោយដងផ្លូវ S.Knox។
ចំណែកប្ដីប្រពន្ធវ័យចំណាស់មួយគូ ដែលរស់នៅក្នុងផ្ទះនេះ មិនទទួលរងរបួសស្នាមអ្វីនោះទេ
ដោយបន្ទាប់ពីកើតហេតុភ្លាម អ្នកជិតខាងម្នាក់ បានជួយនាំពួកគាត់ចេញពីផ្ទះ។ គ្រោះថ្នាក់យន្ដ
ហោះដែលបានកើតឡើងកាលពីវេលាម៉ោង ២ និង ៤០នាទីទាបភ្លឺ (ម៉ោងក្នុងស្រុក) នេះ មិនបាន
បង្កឱ្យមានការផ្ទុះឆេះនោះដែរ។
Michael Fox អគ្គនាយករបស់មន្ទីរពន្លត់អគ្គិភ័យនៅ Chicago ឱ្យដឹងថា ម្ចាស់ផ្ទះ កំពុងសម្រាន្ត
នៅក្នុងបន្ទប់មួយក្បែរបន្ទប់ទទួលភ្ញៀវ ហើយបន្ទប់ទទួលភ្ញៀវ ត្រូវខូចខាតទាំងស្រុង។
ក្រុមបុគ្គលិកពន្លត់អគ្គិភ័យ ត្រូវរង់ចាំនៅខាងក្រៅមួយរយៈពេល ទើបអាចចូលទៅខាងក្នុងផ្ទះ
ដោយសារតែផ្ទះនេះ មិនមានសុវត្ថិភាព ក្រោយពីគ្រោះថ្នាក់។
នាយកដ្ឋានអាកាសចរណ៍អាមេរិក (FAA) ក៏បានឱ្យដឹងថា អ្នកបើកបរយន្ដហោះដែលជួបគ្រោះ
ថ្នាក់នេះ បានរាយការណ៍អំពីបញ្ហាម៉ាស៊ីនភ្លាមៗ បន្ទាប់ពីបានហោះឡើង ហើយបានព្យាយាម
ហោះត្រឡប់មកព្រលានយន្ដហោះ Midway នៅ Chicago មុនពេលជ្រុលទៅបុកផ្ទះ។
ប្រែសម្រួលដោយ ៖ តារា
ប្រភព ៖ RT/Youtube
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ព័ត៌មានអន្តរជាតិ ដែលមើលច្រើន
