ប្លែកៗ ៖ សង់ផ្ទះរាងថាសហោះ ដើម្បីសងសឹកអតីតមិត្តស្រី
ប្លែកៗ ៖ បើយោងតាមរបាយការណ៍ ដែលបានចេញផ្សាយដោយគេហទំព័រសារព័ត៌មានប្លែក
បរទេស បានអោយដឹងថា ផ្ទះដែលមានរាងថាសហោះ ជាចុងក្រោយត្រូវបានលិចជារូបរាងឡើង
ដោយសារតែរឿងស្នេហ៍ដ៏កម្សត់មួយ។
គួរបញ្ជាក់ផងដែរថា ផ្ទះដែលមានរាងជាថាសហោះ(Shape of UFO)ត្រូវបានសំកាំងខ្លួននៅឯឆ្នេរ
សមុទ្រភាគខាងត្បូង Puerto Rico បុរសម្នាក់បានចំណាយពេលជាង ៤០ឆ្នាំ ដើម្បីសង់ផ្ទះរាងដូច
ថាសហោះក៏ព្រោះតែចង់បង្ហាញអោយអតីតមិត្តស្រីរបស់ខ្លួនដឹងថា ខ្លួនជាបុរសដ៏អស្ចារ្យម្នាក់ក្នុង
លោក។
ស្ថិតក្នុងវ័យ ៥៨ ឆ្នាំ លោក Roberto Sanchez Rivera បានប្រើប្រាស់កំហឹងស្នេហាជាកម្លាំងចិត្ត
ក្នុងការច្នៃ និងស្ថាបនាផ្ទះដ៏ចម្លែកនេះឡើង ដោយសារតែពាក្យសន្យារវាងលោក និងអតីតមិត្តស្រី
កាលពីអំឡុង ៤០ ឆ្នាំមុន។
គួរបញ្ជាក់ផងដែរថា កាលពីជាង ៤០ ឆ្នាំមុន ខណៈដែលលោកគ្រាន់តែជាសិស្សផ្នែកសិល្បៈ មក
ពីគ្រួសារក្រីក្រម្នាក់នោះ លោកបានធ្លាក់ ក្នុងអន្លង់ស្នេហ៍នារីម្នាក់ ដោយថែមទាំងបានសន្យាថា
លោកនឹងសង់ផ្ទះរាងថាសហោះអោយនាងនៅថ្ងៃណាមួយជាមិនខាន។ ពាក្យសន្យាមិនទាន់ទាំង
បានធ្វើផង នារីរូបនោះក៏បានបោះបង់លោកចោល ក្រោយពីធ្វើសង្សារនឹងគ្នាបានត្រឹមតែ ៣ខែ។
ការបែកបាក់នេះបានធ្វើអោយលោកពិបាកចិត្ត ដល់ថ្នាក់ធ្វើអត្តឃាតថែមទៀតផង ក៏ប៉ុន្តែលោក
ក៏ស្រាប់តែនឹកឃើញថា៖ គាត់មិនត្រូវគិតខ្លីនោះទេ ស្របពេលដែលគាត់បានប្តេជ្ញាថា ខ្ញុំត្រូវតែខំ
ធ្វើការ ដើម្បីអោយនារីនោះឈឺចាប់ ហើយស្ដាយក្រោយព្រោះតែបោះបង់ខ្ញុំចោល។
លុះក្រោយមក លោក Roberto ក៏បានខិតខំសិក្សាវិជ្ជាវិស្វកម្មសំណង់ និងវិចិត្រសិល្បៈ រហូតដល់
បានសម្រេច។ ក្រោយពីកាក់កបនឹងមុខរបររបស់ខ្លួន ក៏មានប្រាក់គ្រប់គ្រាន់ក្នុងការទិញកូនភ្នំមួយ
ដើម្បីសង់ផ្ទះរាងថាសហោះមួយនេះ ទុកគ្រាន់បង្អួតអតីតមិត្តស្រីដ៏យូរលង់មកហើយនោះ បើទោះ
ជាបច្ចុប្បន្នលោកបានរៀបការនឹងនារីផ្សេងម្នាក់ទៀតក៏ដោយ៕
ដោយ ៖ រតនៈ
ប្រភព ៖ Leakarea
- អ្នកឡើងភ្នំល្បីៗចំនួន០៣រូប ស្លាប់ដោយសារផ្ទាំងទឹកកកបាក់សង្កត់ (22/04/2019 15:49:00)
- ធ្លាប់តែមើលវីដេអូកំប្លែងៗរបស់ប្អូនឈើ ឥលូវមកស្តាប់ប្អូននិយាយជាភាសាខ្មែរវិញ ច្បាស់ចេសម្ម៉ង!! (20/02/2019 10:15:00)
- ប៉ូលិសស្រីវ័យក្មេង ម្នាក់ត្រូវបណ្តេញពីការងារព្រោះ Selfie អាក្រាតកាយ (18/02/2019 11:00:00)
- សភាសហរដ្ឋអាមេរិកចេញសេចក្ដីសម្រេចបញ្ចប់ជំនួយយោធា នៅយេមែន (15/02/2019 11:10:00)
- មន្រ្ដីការទូតកំពូលនៃក្រសួងការបរទេសអាមេរិក លាលែងពីមុខតំណែង (23/01/2019 15:26:00)
- បារាំង ពិន័យក្រុមហ៊ុន Google ៥៧លានដុល្លារ ពីបទរំលោភលើបញ្ញត្ដិស្ដីឯកជនភាពរបស់សហភាពអឺរ៉ុប (23/01/2019 11:09:00)
- ថ្មីណាស់! លួចរៀបការបានប្រពន្ធ ៣ នាក់នៅខេត្តផ្សេងៗគ្នា ហើយនាំយកមករស់នៅក្បែរៗគ្នា (16/01/2019 10:38:00)
- ពេលទៅលេងប្រទេសជប៉ុនត្រូវដឹងអំពីថ្លៃពន្ធបន្ថែមនេះសិន (11/01/2019 14:18:00)
- មើលហើយទប់សំណើចមិនបាន!! ប្រទេសនឹងសម្បូររឿងប្លែកៗខុសគេរហូតម៉ង (មានវីដេអូ) (05/01/2019 11:44:00)
- ទៀតហើយ!! ជះលុយទិញម៉ាសុីនស្វាន មកធ្វើជារបស់ប្រើសម្រាប់បរិភោគពោត ទីបំផុតត្រូវបាក់ធ្មេញបានសម្រេច (05/01/2019 11:03:00)
ប្លែកៗ ដែលមើលច្រើន
