អន្តរជាតិ ៖ បើតាមការអោយដឹង ពីគេហទំព័រសារព័ត៌បរទេសបានចេញផ្សាយអោយដឹង នាវា
៨ គ្រឿងរបស់តៃវ៉ាន់ កាលពីថ្ងៃទី២៥ កញ្ញា បានចូលទៅក្នុងដែនទឹកនៃប្រជុំកោះមានជម្លោះ
សេនកាគូ-ឌីអាវយូ ខណៈពេលដែលបញ្ហាជំលោះមួយនេះនៅតែបន្តភាពស្មុគស្មាញស្របពេល
ដែលបានប្រទេសជប៉ុន ក៏ដូចជាប្រទេសចិន បានអះអាងថា ប្រជុំកោះមួយនេះស្តិតនៅក្នុងដែន
អធិបតេយ្យភាពរបស់ខ្លួន។
ភ្លាមៗនោះ ក៏មានការអន្តរាគមន៍ពីសំណាក់ កងឆ្មាំសមុទ្រជប៉ុនដោយបានប្រើប្រាស់នូវនាវា
បាញ់ទឹក កាំភ្លើងធំ ក្នុងការជម្លៀសនាវាទាំងនោះចេញពីប្រជុំកោះ កំពុងតែមានជម្លោះមួយនេះ
លើសពីនេះទៅទៀត បើយោងតាមរបាយការណ៍ដដែលបានបញ្ជាក់បន្ថែមអោយដឹងផងដែរថា
ជម្លោះបញ្ហាដែនកោះ ក្នុងសមុទ្រចិនខាងកើតបានកើនឡើងកម្ដៅ ក្នុងប៉ុន្មានខែចុងក្រោយនេះ
បន្ទាប់ពីជប៉ុនបានចុះហត្ថលេខា ទិញយកកោះជម្លោះដែនខ្លួនអះអាងថា ជាកម្មសិទ្ធិពីម្ចាស់កម្ម
សិទ្ធិឯកជន។ តៃវ៉ាន់ ចិន និងជប៉ុនសុទ្ធតែអះអាងថា កោះដែលគេជឿថា សម្បូរដោយធនធាន
ធម្មជាតិដែលចិនហៅ ឌីអាវយូ ឬជប៉ុនហៅ សេនកាគូ ជាកម្មសិទ្ធិរៀងៗខ្លួន។
គួររំឮកផងដែរថា បញ្ហានេះបានធ្វើឲ្យចំណង ពាណិជ្ជកម្មរវាងជប៉ុន និងចិនធ្លាក់ចុះគួរឲ្យកត់ស
ម្គាល់ ខណៈពេលដែល វាគឺជាបញ្ហាដ៏ក្តៅគគុកមួយ កំពុងកើតមានវិបត្តិការទូតខ្លាំងរវាងក្រុងប៉េ
កាំង និងក្រុងតូក្យូ លើរឿងអធិបតេយ្យភាពនៃប្រជុំកោះមួយនេះ៕
ដោយ ៖ រិទ្ធី
ប្រភព ៖ reuters