CamNews

វាគឺជាការពិតដែលមានឆ្កែមួយក្បាលរត់រយៈចំងាយឆ្ងាយដែលឆ្លងកាត់ប្រទេសចិន
ហើយវាមានឈ្មោះថា Xiao Sa។ សត្វឆ្កែវង្វេងផ្លូវមួយក្បាលនេះវាតូចតែខ្លួនមែនពិត
ក៏ប៉ុន្តែចិត្តធំដែលវាបានរត់តាមអ្នកជិះកង់ដែលមានចំងាយដល់ទៅ១៧០០គឺឡូម៉ែត្រ។

ដំណើរផ្សងព្រេងរបស់ឆ្កែ Xiao Sa បានចាប់ផ្តើមនៅលើផ្លូវ Yajiang ខេត្ត Sichuan។ លោក
Zhang Heng ដែលមានវ័យ២២ឆ្នាំហើយក៏ជាសិស្សសាលាមកពី Hubei បានធ្វើដំណើរដោយ
ជិះកង់ក្រោយពីបានបញ្ជប់ការសិក្សា ដោយធ្វើដំណើរទៅ Lhasa ។ នៅពេលនោះគាត់ក៏បាន
ឃើញសត្វឆ្កែមួយក្បាលដែលអស់កំលាំងនៅលើផ្លូវ គាត់និងមិត្តភក្តិរបស់គាត់បានឈប់និង
អោយចំណីវា ដែលក្រោយមកវាក៏បានរត់តាមពួកគេ។ ដំបូងពួកគេបានគិតថា វាគ្រាន់តែរត់
តាមលេងតែប៉ុណ្ណោះ វានិងឈប់រត់តាមនៅពេលណាដែលវាអស់កំលាំង តែរឿងដែលមិនគួរ
អោយជឿនោះគឺថា វាមិនបានបោះបង់ចោលនោះទេ វាបានរត់តាមពួកគេទាំងយប់ទាំងថ្ងៃ
ក្រោយមកពួកគេក៏បានអោយវារត់តាមរហូតដល់ពួកគេបានបញ្ជប់ដំណើរដ៏វែងឆ្ងាយនេះ។



វាគឺជាការសំរេចចិត្តដ៏ត្រឺមត្រូវរបស់អ្នកជិះកង់ ដោយ Xiao Sa បានបញ្ជាក់អោយដឹងថា វាពិត
ជាចង់ចូលរួមជាមួយពួកគេមែន ដែលសរបញ្ជាក់អោយឃើញនៅពេលដែលវាបានរត់លើស
ពី២០ថ្ងៃ នៅតាមផ្លូវទៅ Lhasa ។ វាបានរត់សរុបមានចំងាយដល់ទៅ ១៧០០គឺឡូមែត្រ ដែល
ក្នុងនោះវាបានរត់ឡើងភ្នំដល់ទៅដប់ដែលមានរយៈកំពស់ ៤០០០ ម៉ែត្រ។ បន្ទាប់ពីពួកគេបាន
ជួបឆ្កែមួយក្បាលដ៏គួរអោយស្រឡាញ់នេះ ពួកគេក៏បានបើកគេហទំព័រមួយដែលអោយឈ្មោះ
ថា "Go Go Xiao Sa" ដែលគេហទំព័រនេះត្រូវបានគេចូលទស្សនាដល់ទៅ ៣៧,០០០នាក់ក្នុង
អំឡុងពេល២សប្តាហ៏ និងមានគេ comment ដល់ទៅ៤០០០ឯណោះ នៅពេលដែលពួកគេបាន
បង្ហោះរូបភាពទាក់ទងនិងឆ្កែនេះ។ រឿងរបស់សត្វឆ្កែនេះកាន់តែមានប្រជាប្រិយភាព ដែលមាន
ពេលម្តងនោះ មានអ្នកជិះកង់ផ្សេងទៀតបានរាយការណ៏ថាពួកគេក៏បានជួប Xiao Sa នៅតាម
ផ្លូវដែលពួកគេកំពុងធ្វើដំណើរផងដែរ។​ ពួកគេបាននិយាយថា វាពិតជាឆ្លាតខ្លាំងណាស់ ហើយ
ក៏មិនព្រមចុះចាញ់រាល់កាលៈទេសៈណាដែលលំបាកនោះទេ សូម្បីតែការរត់ឡើងភ្នំ ឬក៏មាន
ការនឿយហត់ វាក៏នៅតែបន្តរត់បានដល់ទៅ៦០គឺឡូម៉ែត្រក្នុងមួយថ្ងៃ។ បន្ទាប់ពីដំណើរជិះកង់
ដែលមានរយៈពេល២០ថ្ងៃត្រូវបានបញ្ជប់ លោក Zhang He ដែលជាអ្នកផ្តល់ចំណីកាលពីវា
កំពុងវង្វេងផ្លូវបានហៅវាថា "មិត្តសំឡាញ់" ហើយគាត់បាននិយាយថា៖ ខ្ញុំនិងយកវាទៅផ្ទះ និង
មើលថែរក្សា ដោយសារតែវាបានវង្វេងផ្លូវអស់រយៈពេលយូរ ដូច្នេះវាពិតណាស់ថាត្រូវការផ្ទះ។
មែនហើយ ខ្ញុំពិតជាមានសំណាងដែលមានសត្វចិញ្ចឹមដូច Xiao Sa ។



បើនិយាយពីសកម្មភាពក៏ដូចជាទិដ្ឋភាព ដែល Xiao Sa បានធ្វើដំណើរផ្សងព្រេងអស់រយៈពេល
ជាង២០ថ្ងៃ និងមានរយៈចំងាយដល់ទៅ១៧០០គឺឡូម៉ែត្រ សូមទស្សនានូវវិដេអូខាងក្រោមនេះ
ទាំងអស់គ្នាណា៖

ដោយ ៖ មង្គល
ប្រភព ៖ odditycentral