លោក អូបាម៉ា ហូបការ៉ែម នៅទីសាធារណៈ មិនខ្លាចគេធ្វើឃាត
លោក អូបាម៉ា ត្រូវបានគេមើលឃើញថា ជាប្រធានាធិបតីអាមេរិកមួយរូបដែលមានលក្ខណៈ
សាមញ្ញ និងហាក់ដូចជាមិនព្រួយបារម្ភពីសុវត្ថិភាពរបស់ខ្លួន និងគ្រួសារ នៅពេលបង្ហាញខ្លួន
ជាញឹកញាប់នៅទីសាធារណៈ។
កាលពីប៉ុន្មានថ្ងៃមុននេះ លោកប្រធានាធិបតីអាមេរិក អូបាម៉ា រួមជាមួយនឹងគ្រួសាររបស់គាត់
បានធ្វើដំណើរ កំសាន្ដ ទៅកាន់កោះ Hawaii ។ នៅទីនេះ លោកនិងគ្រួសារបានចំណាយពេល
ច្រើនសម្រាប់លំហែកាយ ប៉ុន្ដែ លោកក៏ត្រូវវិលត្រឡប់ទៅកាន់សេតវិមានវិញ ដើម្បីដោះស្រាយ
បញ្ហាសេដ្ឋកិច្ច។ ក្រោយពីបានបញ្ចប់ការងារ លោកអូបាម៉ា ក៏វិលមក កោះ Hawaii បន្ដរដូវវិស្ស
មកាលរបស់ខ្លួន។
នៅក្នុងមជ្ឈមណ្ឌលពាណិជ្ជកម្មមួយដែលនៅមិនឆ្ងាយប៉ុន្មានពីផ្ទះដែលលោកកំពុងស្នាក់នៅ
លោកប្រធានាធិបតីអាមេរិករូបនេះ ហាក់ដូចជាមិនមានការព្រួយបារម្ភពីសុវត្ថិភាពរបស់ខ្លួន និង
គ្រួសារនោះទេ ដោយលោកនិងក្រុមគ្រួសារបាននាំគ្នាចូលមកកាន់តំបន់ផ្សារទំនើបមួយ ព្រម
ទាំងទិញការ៉ែមបរិភោគនៅក្នុងទីសាធារណៈទៀតផង។
ពេលបានស្គាល់ថា នេះជាប្រធានាធិបតីអាមេរិក មនុស្សទាំងឡាយនៅទីនោះ ក៏នាំគ្នា "សម្រុក"
ចូលមកក្បែរលោក ដោយអ្នកខ្លះថតរូប អ្នកខ្លះសូមចាប់ដៃ។ល។ ចំណែកលោក អូបាម៉ា វិញក៏
បានចាប់ដៃ និងសួរសុខទុក្ខអ្នកទាំងនោះ។ ក្រោយមក លោកក៏បានចូលក្នុងរថយន្ដ រួចចាកចេញ
ទៅកាន់លំនៅឋានវិញ៕
ដោយ ៖ សីហា
ប្រភព ៖ VE
- ឃ្លីបវីដេអូ យន្តហោះអស់សាំង ពេលកំពុងហោះហើរ ពីលុត ប្រើជំនួយពិសេស មុននឹងធ្លាក់ចុះ (27/01/2015 14:56:00)
- អាមេរិក រកឃើញ នាវាមុជទឹកយក្ស ប្រទេសជប៉ុន ដែលខ្លួន បានបាញ់ពន្លិច កាលពីសម័យ សង្គ្រាមលោក លើកទឺ ២ (04/12/2013 09:38:00)
- ប្រទេសមហាអំណាច លើលោកពីរ ធ្វើសមយុទ្ធយោធា រួមគ្នា កក្រើកពេញផ្ទៃទឹក (11/09/2013 14:03:00)
- ឆ្នេរឋានសួគ៌ ដ៏ស្រស់ស្អាត និង ទាក់ទាញ ពោរពេញ បរិយាកាសធម្មជាតិ (24/05/2013 10:39:00)
ព័ត៌មានអន្តរជាតិ ដែលមើលច្រើន
